مرحبــــــــــــــــــــــــــــا ^^



أنا طالبة بكلوريا و السنة الجاية جامعة و عندي شوية أسئلة خفاف نضاف 


1- كم رغبة لازم الواحد يسجل بالمفاضلة ؟؟


2- شو الأقسام المتاحة بالمفتوح ؟؟


3- قسم الإرشاد النفسي بكلية التربية تابع لوزارة التربية ؟؟ يعني متكفلة فيه بعد التخرج ؟؟


4- بدي كل واحد يدخل يئلي ميزات قسمو ^^



و يسلموو إيديكن سلفاً ^^

مرحبا انا قرات اسئلتك ورح جاوبك عى يلي بعرف منهن :

اقتباس

كم رغبة لازم الواحد يسجل بالمفاضلة ؟؟

على حد علمي ما في عدد محدد للرغبات فهي من الرغبة او اثنين الى 25 رغبة بس المهم انو احد الرغبات تكون مضمونة لتسجلي عليها بعلامتك حتى ما يصير فيك متل كتير من رفقاتنا يلي سجلو كل الرغبات العالية وبالاخر ما جابت ولا رغبة لان علامتهم كانت اقل من كل الرغبات يلي سجلوها
ملاحظة : بجوز السنة يكون في تسجيل مباشر ويك فيك تسجلي مباشرة بالكلية يلي بتحيبها علامتك دون مفاضلة ثانية

اقتباس

بدي كل واحد يدخل يئلي ميزات قسمو

انا طالب بكلية الهندسة المدنية ومتل ما فهمت من كلامك انك ادبي مشان هيك رح اختصر الحديث بان كليتي بحسب وجهة نظري من اجمل الكليات بالجامعة وانشا الله المستقبل الها حلو

اول شي يسلموو عالإجابات

تاني شي لا و الله أنا علمي ^^

مممممم طيب أنا عم ادرس بالسعودية بتنصحني انو سجل هندسة لأنو آلولي انو الرياضيات فيها كتير صعبة ؟؟

السلام عليكم

اولا بتمنالك التوفيق بالباكلوريا وشديلنا الهمة

بالنسبة للاختصاص بنصحك تزوري الرابط

https://www.jamaa.net/art244376.html

فيه لمحة عن جميع الاختصاصات وممكن تستفيدو منو

 

يسلموو AyA



استفدت كتير من الموضوع



دمتي بخير

يسلموو كتير كتير عالمعلومات القيمة ^^



طيب بمفاضلة المغتربين ازا بدي سجل انجليزي لازم كون من الناجحين بالاختبار يلي قبل المفاضلة ؟؟


دمت بخير 

طيب بمفاضلة المغتربين ازا بدي سجل انجليزي لازم كون من الناجحين بالاختبار يلي قبل المفاضلة ؟؟

 

بتوقع اي لازم

اي واحد بدو يقدم للادب الانكليزي لازم يكون ناجح بالاختبار

وياريت لو حدا متاكد اكتر مني يفيدنا ^_^

بس على فكرة سمعت انو الاختبار سهل كتير

وهو غالبا معلومات عامة

 

فيكي تسجلي من رغبة لـ 25 رغبة و بما انو شهادتك سعودية بدك تنتظري مفاضلة السوري غير المقيم

هي بتكون بعد المفاضلة العامة

واذا بدك نصيحتي يا صديقتي وحتى ما يصير فيكي متلي

قدمي عالمفاضلتين العامة والموازي ( السوري غير المقيم )

لأنه ومن تجربتي الخاصة وبعد معادلة شهادتي الكويتية كانت علامتي بتسمحلي بهندسة ع المفاضلة العامة بس لرغبة بابا نطرت الموازي وما رضي اني قدم عالمفاضلة العامة لأنه كان بيتمنى كلية الطب او الصيدلة لهيك نطرنا مفاضلة السوري غير المقيم بحكم انو معدلاتها اقل شوي من العامة

وإذ بننصدم هي السنة انو المعدلات ارتفعت ارتفاع غير معقول وبعد ما كان طالعلي هندسة بالعامة ما طلعلي غير اقتصاد بالموازي

 

اسفة انو طولت عليكي بس هي شغلة مهمة بتمنى الكل يلي متلك مغترب ما يوقع فيها مشان مصلحتو ومستقبلو .. وبالاخير الشغلة نصيب ونحنا ما فينا نعمل شي اكتر من هيك

 

وتحياتي لكِ ..