انا طالب سنة اولى ورسبت باربع مواد المدخل والتشريعات والشريعة وطبعا بالعقوبات ونجحت بالانكليزي والدستوري شو بتنصحوني اعمل لانجح بالسنة الاولى وخاصة انو مواد الفصل التاني اسهل حسب ما سمعت وشو رايكون بالمحاضرات لانو الكتاب بيجلط
وعفوا على الاطالة 

ما بدها شي القصة
بس شوية دراسة و ((((((لا تيأس ولا تستسلم))))))
و لا تستصعب المواد
مافي شي مستحيل

شكرا للانسة ملاك على الرد

الاخEvAn efo شكراً لك
                                       

السلام عليكم ورحمة الله وبركاته

في البداية نعتذر عن التأخر بالرد

إن شاء الله بترفع كل موادك وحاول ما تحمل اي مادة للسنة التانية

وطبعاً الحضور مهم كتير اذا حضرت بتزيد نسبة النجاح لـ 60 %

بالنسبة للكتب كطالب حقوق لازم يكون مرجعك الاساسي

اما الحفظ بلائي المحاضرات اسهل ومنسقة بس دائماً الكتاب هو الاساس

وخاصة للمسقبل

اتمنى لك وللجميع التوفيق والنجاح

دمت برعاية الله

زميلنا العزيز لاتستهين بمواد الفصل التاني لانو ما في شي سهل ومافي علامات بدون تعب وبنفس الوقت ما في شي صعب المهم تبلش وبهمة عالية ......

حابب نبهك لملاحظة مهمة جدا كل المواد مهمة ولكن بالنسبة للمواد يلي انت حاملهن مادة الشريعة والتشريعات بامكانك تدرسها من المحاضرات وتجيب معدل اما بالنسبة للمدخل (مدني) والعقوبات فأنا بنصحك تدرسها من الكتاب وتتعمق فيها لانها من المواد الاساسية في الكلية ومعلوماتها اساس للمواد القادمة في باقي السنوات وحتى هي الاساس مو بس بالجامعة حتى بالتطبيق العملي بعد تخرجك انشاله وبمعدل عالي......

********اتمنى النجاح والتوفيق للجميع******

مرحبا اول شي مابدي حطملك معنوياتك انا زميلك بلسنة التانية وحامل من الاولى القانون الروماني وبلنسبة للدوام من وجهة نظري الخاصة مالو لزوم باستثناء مادة الاقتصاد السياسي عندالدكتور معتز نعيم لانو دكتور محترم وبيفهم ومحاضرتو مسلية وفي عندك العقوبات فصل تاني نوعا ما اسهل وادا حابب ترفعا بمعدل مازالك حامل الفصل الاول منا دروس الفصل الاول بعدين الفصل التاني لان في فيا نوع من التسلسل وانا اول شي العقوبات فصل اول حملتا كانت نسبة النجاح 7%وجبت سبع درجات كمان بس نشكر الله الفصل التاني بس قدمتا جبت فيا 68 لان درستا من الكتاب والمدخل صحيح بدا دراسة من الكتاب والدستوري سهلة وبسيطة والشريعة نجحت شحط 55 هههه عفوا على الاطالة وانشا الله كون فدتك شوي واي شي بدك ياه انت وزملائي السنة الاولى انا جاهز وشكراااا

شكرا لكل من قام بالرد لانو استفدت من الردود ومنكم نستفيد