أنا آسفة كتير عالتأخير بالرد بس كنت طريحة الفراش وحالتي حالة
اقتباس
- نحنا الدكتور ما حذفلنا شي سوى البحثين 13 - 15.......لكن كان كتير فقرات ما يحكيها .........هي نعتبرها محذوفة؟؟
ما بعرف والله مالي متذكرة بس بتذكر أنو يلي قال عنو الدكتور محذوف هو المحذوف والباقي كلو مطلوب
اقتباس
2- نظراً لعدد الأسئلة الكبير (100 سؤال) ولضيق الوقت.....ولظهور آخر القرارات الحكيمة التي تتعلق بضرورة التظليل بالأزرق فالغلطة بكفرة وما في وقت......شو بيتنصحونا لنلحق نقرأ كل الأسئلة؟؟
هلأ أنا بالعادة بسلم ورقتي أول وحدة وما براجعها
بس بمادة المراقبة بالذات ما لحقت يعني خلصت أنا والوقت سوا
بدك نصيحتي يلي ما بتعرفيه اشلفيه وامشي ما بظن رح تلحقي تعيدي
اقتباس
3- الدكتور مفتاحه يهودي؟؟ أو كل سؤال مفتاح؟؟
الدكتور ما جاب مفتاح مع أنو قلنا أنو بدو يجيب مفتاح بس جاب المفتاح للحملة إذا قدرتو تأمنو دورة الحملة بتلاقوه
بس ما شاء الله مالو بحاجة للمفتاح
لأنو نمط أسئلة الدكتور بتعمد على السؤال بأربع أسئلة
يعني بتكون صيغة السؤال اختاري الاجابة الوحيدة الصحيحة أو اختاري الاجابة الوحيدة الخاطئة
وبحطلك 4 جمل وطبعاً الجمل مو شرط تكون بتتعلق ببعضها
مثلاً:
يسمى جهاز قياس الكثافة.....
يسمى جهاز درجة الانصهار....
وعلى هالنمط أغلب الأسئلة
(هاد الكلام كنت كاتبتو بالنوطة بس ما بعرف إذا تشفروا
)
اقتباس
4- شو بتنصحونا حول الأبحاث الأولى وبالأخص ما يتعلق بالسلايدات 1- 2 - 3 ؟؟
بدك تدرسي السلايدات بالانكليزي لأنو جاب أسئلة منهم بالانكليزي بس ما بظنهم كتير مهمين
اقتباس
5- بخصوص الدورات هل بتفيدنا بس بمعرفة نمط الأسئلة أو ممكن الواحد يعرف منها الفقرات يللي بحبها الدكتور؟؟ على اعتبار ما بكرر دورات أبداً
هلأ الدكتور مستحيل يكرر أي سؤال بس بظن بفيدكم أنو عالأغلب بجيب من نفس الفقرات
وكمان يعني الدورات بتهيئكم نفسياً
يلا الله بعينكم هنن هالأسبوعين وبيمرو إن شاء الله بالتوفيق
وإذا احتجتو شي نحنا جاهزين
إعلان هام لطلاب كلية الصيدلة ( تم تعديل البرنامج النهائي لامتحان ف2 )
مـنـتـدى تـرجـمــة وتـدقـيـق أقــســام الـمـوســـوعـة 
للتواصل مع الهيئة الإدارية في كلية الصيدلة اضغط هنا 
ساحة الخريجين.....صيدلة
