أخ SILVER أنا ضدك تماماً بالحكي اللي عم تقوله  وبتمنى قبل ما تنشر أي شيء ممكن يصدقوه الأعضاء تتأكد من صحته تماماً ...... ولكني أعتقد بل وأتأكد تماماً إنه كلمة Allah تعني الله وكلمة God بالحرف الكبير تعني أي إله  ......والأدلة والبراهين التي تثبت هذا الشيء واضحة وجلية وهي :
1 كلمة Allah هي كلمة ذات أصل عربي بحت وإذا كنت ترى بأنها ذات أصل أجنبي قديم بمعنى خشبة فهذا شيء خاطىء لأن أصلها عربي وليس أجنبي ومهما ظهر لها من مشتقات أخرى فالمعنى الأصلي هو المقصود وما بعتقد أنه إذا أحد ذكر إسم الله أمام واحد أجنبي فسيختطر على باله فوراً أنها بمعنى خشبة
2 إن الشعب الاوروبي يستخدم كلمة God لحتى الآن وبالحرف الكبير وليس الصغير لذلك فمعناها أي إله لان لو كان معناها الله لإختلفت الأمور لأن الأوروربيين لا يؤمنون بالأصل بوجود الله عز وجل وأيضاً لا يؤمنون بوجود الحياة بعد الموت وبوجود عالم آخر سامي إذا فكلمة God تعني أي إله
3 كلمة Allah  تشبه تماماً في لفظها وحروفها الكلمة العربية الله وأما كلمة God فهي لاتمت بالعربية بصلة وليست كنفس اللفظ والمعنى وهي كلمة إخترعها الأجانب وليست موجودة في القرآن الكريم أو في أي كتاب إسلامي آخر لذلك هي الكلمة الأقوى والأمثل
4 مافي أحد بهالأيام يكتب كلمة God بالحرف الصغير بل تكتب بالحرف الكبير دائماً وطبعاً هم لايقصدو ن الله وهذا شيء بدييييييييييهي 

مشكور كتير غلى التنبيه وجعلها الله في ميزان حسناتك

مسا الخير

مشكور صديقي عبد الله طه على مشاركتك

صديقي ديمادي يبدو انك ما قرأت الموضوع كامل وما الك حئ انك تعقب على كلامي لانو بظن انو اخر جملة كتبتا انو هاد الكلام صادر عن الدكتور البجيرمي
وبتضل معرفة الدكتور البجيرمي واسعة جدا اكتر مني ومنك، يعني بصراحة وبدون زعل ما بظن انك افهم من الدكتور البجيرمي.

وعلى كل رح اخدلك موعد مع الدكتور البجيرمي مشان تناقشو بالموضوع وتشرحلو وجهة نظرك البديهية حول الموضوع.

شكرا لمشاركتك

أول شيء بشكرك كتير عالموعد مع الدكتور البيجيرمي وفرحت من كل قلبي بس كنت بتمنى إنه يكون إلي موعد مع الدكتور محمد راتب النابلسي أو حتى الدكتور عائض القرني وإذا صحلك لا تقصر..........عم بمزح ما تصدق...بس إنت شفته بعينك وهو عم يحكي بهالموضوع أو إنك لقيته عالإنترنت أو إجاك بالبريد الإلكتروني لأنه في كتير مواقع مشبوهة هدفها تنشر مواضيع وأفكار خاطئة وخصوصاً إنهم مابدهم يانا نستخدم هذه الكلمة لأنهم مابدهم يانا نآمن بوجود الله جل وعلا وبنصحك إنك ماتصدق أي شيء بينكتب وتفكر منطقياً فيه وبعتقد إنه كلامي مقنع أكتر من كلام البيجيرمي وأنا لا أقصده هو بحد ذاته بل بالشخص اللي نشر هالمعلومة الخاطئة وما بتوقع من دكتور كبير وشيخ إنه ينشر هيك شغلات ممكن أي أحد إنه يشك بمصداقيتها...وشكراً

صباح الخير

هلئ يا زميلتي اول شغة ايماننا مو مرتبط باستخدام كلمة Allah يعني انت ازا استخدمتيا او لا ما رح تكوني لا كفرتي ولا آمنتي، وفي كتير شغلات اهم من هيك لحتى تكون اساسيات الايمان بالله عز وجل، هي اول نئطة

النئطة التانية ليش حاطة حوالين مخك قناعة واهنة انو هاد الحكي اجا عن طريئ ايميل؟ انا عم احكيلك هاد الكلام حكالي ياه الدكتور البجيرمي شخصيا، وانت كطالبة ادب انكليزي سنة اولى عم تناقشي هون وما شاء الله عليك، بكرا الاحد بس تنزلي عل جامعة اسألي اي دكتور فهمان ( اي دكتور فهمان ) مو حيلا دكتور وشوفي شو بيحكيلك.

والاهم من هيك انا واثق انو عم تناقشي بدون ما ترجعي لمرجع رئيسي، يعني الفكرة انت جربتي فتحتي شي قاموس ئديم وشفتي ازا الكلام صح او لا ؟؟

ما بظن وعلى كل شكرا الك مرة عاشرة

ما شاء الله والله فكرتك عم تمزح وقت قلتلي بدك تعملي موعد معه طلعت بتعرفه شخصياً ياضرسان...بعدين ليكون مو عاجبك أو مملية عينك إني طالبة سنة اولى وعم بناقش هون ..شو المنتدى لحدا وحدا...طيب ماشي رح أسايرك و رح أسأل شي دكتور عنا بالجامعة ورح أشوف شو بقلي .....بس ليكون على علمك هذا كلامك مابيمنع إنه نستخدم الكلمة وأنا معك بإنه ذت معنى قديم بس مو معك إنه نتوقف عن إستخدامها لمجرد هذا الشيء فقط وأكيد كلمة god لسا إلها معاني أسوأ وبرجع بعيد allah ي كلمة ذات أصل عربي وgod ذات اصا أجنبي يعني من الأقوى برأيك ؟؟؟؟

صباح الخير

الله يسامحك على كلامك ( مو معبية عينك الخ الخ ) كل الناس خير وبركة وبالعكس مشاركتك وعدم قناعتك بالموضوع لهلئ حلوة كتير.

ومشان موضوع رح اسايرك، ما بدا مسايرة الشغلة، يعني الشغلة قاعدة ورح نمشي عليها وبرد بئلك الاستخدام الاصح هوي كلمة God حرف كبير ( كمان اسئلي شي دكتور عليها ) لانو حرف صغير بصير معناها اي اله، الغريب انو ما مرء معك هيك شي بالشعر او المسرح ؟؟؟؟؟؟؟
يعني معئول ما مرء معك الفرء بين كلمة God حرف كبير وكلمة god حرف صغير.

بعدين على سبيل المثال المسيحين شو بئولو عن الاله؟؟ مو بئولو God ؟
وكل الاديان المتعارف عليها مو الون نفس الاله؟؟ يللي هوي الله عز وجل ؟
ليش لحتى نستخدم كلمة خاطئة حتى لو العرب اخترعوها؟؟
مهوي اغلب الاخطاء بالعالم عم تصير من ورا العرب، ومين نشر المرة التانية الصور المسيئة للرسول الكريم؟؟ المنتديات العربية.
ما بدنا نفوت بموضوع تاني لانو ما النا بالطويل، المهم انت تسألي شي دكتور واحكيلي شو رح يئلك

شكرا الك للمرة العشرة وواحد

لاء لاء لاء لاء هييييييييييك ماعجبتني أبدأً أبداً ........{ ليش لحتى نستخدم كلمة خاطئة حتى لو العرب اخترعوها } ياسيدي شو اخترعوها ما اخترعوها هذه كلمة واردة بالقرآن الكريم يعني معقول حدا يخترع إسم لله عزوجل { أستغفر الله العظيم }وهذه كلمة صحيحة مليووووون بالمية..لك إنت اللي ماعم تقتنع مو أنا  وأنا أصر بإستخدام كلمة Allah ولو شوماقلتلي لأنه هي الأصل وكلمة الله واردة بالقرآن الكريم اما كلمة God مو واردة أبداً ولا بكتاب سماوي وبجميع الكتب {الله} .........وطبعاً مرقت معي كلمة God ولكنها ليست بكلمة قريبة من الأصح  بعدين فعلاً المسيحيين بيستخدموها بس في البعض منهم وليس الكل قصدهم غير وما تخليني احكي عشان ما يقلعني ياسر من المنتدى وخلينا ساكتين أحسن

كلمة God كلمة شاملة وكلمة Allah كلمة تخص الله عزوجل وهي من أسماؤه الحسنى وإذا أردنا أن ندعوا الله ندعوه بإسمه فقط وليس بـ God وإذا بدك تتأكد شوف أي احد أجنبي دخل دين الإسلام وأراد ان يصبح مسلماً فهو يستخدم كلمة Allah ليس God  ليش لأنها أقرب إلى المصداقية

مشكور سيلفر ع التنبيه..
فعلا موضوعك متميز لانو هاي الشغلات ما مندقق عليها بالعادة..