اليوم قدمنا فحص عملي أدوية و اليوم أنا الوحيدة الي اشتغلت لوحدي
بس جد الشغل من غير حدى معي كتير حلو 
لك و الحلو بالموضوع أكتر إنو طلع معي باريوم يعني طبقت كل الخطوات 
والله اليوم أكتر يوم انبسطت فيه بالعلمي       
بس كمان كتير ارتعبت بالأول و اتلبكت
               
صحيح على سيرة الأدوية عملي هاد السؤال الي إجا لفئتنا  :

ما هو نوع المستقبلات الموجودة في العضلة المستقيمة لبطن الضفدع وبما تتنبه و بما تتثبط مع التفصيل (يعني قصدو شو تركيب الفلاكسيديل )
و بس
إنشاء الله تكونوا قدمتو منيح

صحيح بما إنو بسيرة الأدوية
على فكرة يا سلام عذبتك معي بخصوص أسئلة الأدوية بس خلاص مشي الحال أخذتن من آية الرحمن الي طلعت بعرفها من غير ما بعرف
على كل الأحوال شكرا إلكن التنتين
و انشاء الله بقدر ساعدكن متل ما عم تساعدوني
             
بخصوص السموم بدي أسألكن الجدول يلي بأول محاضرة للدكتور عامر مطلوب نحفظ الأرقام أو شو
       

السلام عليكم

هناك من يسأل عن نمط أسئلة امتحان الصيدلة المايكروبيولوجية

حوالي 60 سؤال (لست متأكد من العدد) هي أسئلة متنوعة

40 سؤال (المجموع 100) هي مسائل

ليست مسائل رياضية

لكن هي دراسة لمواقف تتعلق بعمليات التعقيم

مثلاً لدي محلول جنتامايسين فيه جراثيم سلبية الغرام
                                                     
ما هي طريقة التعقيم الفضلى؟
                                                     
كيف يمكن التخلص من البيروجينات؟
                                                                     
ويوجد أسئلة عن اختبارات العقامة وغيرها

بدي اسألك رورو .......
مشان الأدوية .. كيف طلعت معك القفزة بالأخير .. قفزة وحدة ؟ و للا زيادة طفيفة بالنظم ؟
يعني نفس الاستجابة اللي طلعتلك وقت طبقتي المجهول لوحدو ؟؟ و للا لأ .
و هل كان مجهولك عكر أو لأ ؟
و متأكدة أنو باريوم ؟

و شو تركيب الفلاكسيديل ؟

                                                                        موفقة
                                                                    و عقبال ما نحنا كمان نخلص

عم بسأل لأنو دكتور العملي اللي عنا ( دكتور مو معيد !!! ) وقت اشتغلت ، بعد تطبيق الأتروبين ، طلعت عندي زيادة طفيفة ( الجحب مو تام ) و ما طلعت الاستجابة المميزة للباريوم . قلت هي أستيل كولين ..

و أنا عم سلم النتائج .. قام الدكتور ( مشكوووورا ) بيقللي : هي استجابة ، و لو كانت طفيفة ، إذا بدك تسلمي ، على مسؤوليتك !! بس أنا بفضل تتأكدي و تعيدي !!  ...

و رجعت . و بعد إعادة 3 مرات .. نفس المخطط .. قلت يا بنت .. ما رح تكوني أفهم من الدكتور .. معقول بيرجعك من عندو و انتي كاتبة صح ؟؟ و مستحييييييييييل دكتور يضلل الطالب ( هيك كنت مفكرة ) ..

و بشخط عالصح و بكتب المجهول هو الباريوم .. ( هون رضي يستلم مني ! ) ...

وبعد السؤال و الاستفسار .. بيطلع المجهول أستيل كولين ... و الباريوم لا زم تكون القفزة تبعو نفسا المميزة إلو ... يعني بجدارة بعد كل التعب ... صفر من 12  !!!

النهفة التانية أنو بعد ما سلمت بقللوا : يا دكتور أنا سلمت و مشي الحال بس قللي شو النتيجة .. مشان إذا غلط أتعلم و ما أغلط نفس الغلط بالفحص .. يا دكتور أنا طالبة عندك .. علمني !

بيقابل طلبي بالرفض .. و أنو هو ما بيعرف شو هية المجاهيل و هي المعلومات سرية !
و ما بيرضى يشرحلي المخطط و ليش حجب الأتروبين ما عم يكون تام !  حتى مع الأستيل كولين نفسو !

يعني ما بعرف . إذا الواحد بالعملي الدكتور ما عم يرضى يعلمو .. مين بدو يعلمو ؟
نحنا هون لنتعلم و للا مشان شو ؟

اقتباس

كيف طلعت معك القفزة بالأخير .. قفزة وحدة ؟ و للا زيادة طفيفة بالنظم ؟

أنا بالنسبة للعظلة الي عندي لما حقنة أتروبن توقف النظم و رسم خط مستقيم  و لما حقنت أستيل كولين وراه كمان بقى خط مستقيم و ما تغير شي و لما حقنة المجهول عطى استجابة كتير واضحة و مبينة يعني ارتفع شي 4سم وهيك عرفتو
على العموم لما تحطوا حاجب كتروا الكمية يعني 0.2-0.3 تقريبا

اقتباس

شو تركيب الفلاكسيديل ؟

بصراحة مو متأكدة كتير لأنو رفقاتي حفظوني ياها الصبح قبل ما أدخل
هي تري ايودو ايتانولات دي غالامين
و على العموم ان شاء الله فحصك يكون أحسن من المذاكرة
بس لا تتلبكوا و انتو تشتغلوا
أنا بالأول ما كتير كان المخطط منيح بس بعدين هديت حالي و قالت الي بدو يصير يصير
و لما وقفت العضلة ارتعبت كتير بس تذكرت انو الأتروبين له تأثير مثبط
و بعدين كملت
يمكن لو بدي اسمع للمشرفين ما كنت خلصت و كنت صرت بخبر كان

على العموم خلو المذاكراة تبع العملي على جنب
مشان الامتحان تبع العملي مثل ما عملنا بالمذاكرة كل واحد يقدم فحص يكتب الأسئلة الي اجتو
و الأسئلة الي بيعرف انها اجت للفئات التانية الي ما فيها حدى عم يشارك معنا
وبما إنو الفصل رح يخلص بقلكن
مشكورين كتيييييييييييييييييييييييييييييييييييييير على كلشي قدمتوا و ساعدتوني فيَ
و أن شاء الله  بكون ساعدتكن وكنت مفيدة
و بالختام موفقين بالفحص النظري

Happy roro  شكرا كتير كتير  ..الله يجزيك الخير . و إن شا الله متل ما خدمتيني بخدمك ...

   

الله يفتح عليك و علينا ... موفقة

أسئلة الكيمياء الصيدلية :
1-اكتب مبدأمعايرة الستربتوميسين.
2-عدد أنواع المذيبات البروتونية
3-علل  - إضافة حمض الخل و الكلوروفورم في معايرة الأنتي بيرين
          - إضافة خلات الزئبق في المعايرة اللامائية للفيتامين ب1 .
4- اكتب المكافئ الغرامي ل  الأسبرين  و حمض الصفصاف .
5- أخذنا 9 مل من محلول مجهول ( الهوية)من الكلورامفينكول و عايرناه فاحتجنا إلى 13 مل من برومات البوتاسيوم 0,5 نظامي
احسب تركيز الكلورامفينكول مقدرا بالغرام/ الليترإذا علمت أن الوزن الجزيئي هو 323 
                 
وبالتوفيق للجميع 
بالنسبة للعمل تأتي معايرة ستربتوميسين  و مسحوق مجهول نتحرى فيه عن وجود مادتين (بيكونوا هن محديدينها )