السلام عليكم ورحمة الله

حبيت نزل هالموضوع مشان حرك هالساحة الميتة بالمرة


ويا ريت تشاركونا خلينا نتناقش بكم شغلة

أول الشي شو قصة دفتر الدوام والتوقيع اليومي ومدري شو  

عم يقولو لازم كل يوم نجي عالجامعة نوقع قال شو موظفين

وعنجد إذا كل الطلاب ما حدا وقع مو مشكلة

يا ريت حدا يجاوبني لأنو حاسة حالي بهالماجيستير متل الأطرش بالزفة

(((أول الشي شو قصة دفتر الدوام والتوقيع اليومي ومدري شو   

عم يقولو لازم كل يوم نجي عالجامعة نوقع قال شو موظفين)))

إذا هيك بطلت ماجستير ...

خلص من هلأ ...بطلت أدرس متل العالم والخلق     

وعليكم السلام ورحمة الله:
مشان دفتر الدوام شكلها هالسنة غيرشكل جايي تفتيش وقال كل يوم لازم نوقع وما في مشكلة لو كان عنا عطلة شي يوم متل نحنا عنا يوم بالمعمل يعني برات الكلية فهيك منوقع اليوم اللي بعده عن هاد اليوم اللي ما كنا موجودين فيه، وتوقيع واحد عن اليوم بكفي بأي ساعة.
يعني شغلة شكلية.
بالأصل هلأ ما في توقيع لأنو لسا ما في دفاتر مشان نوقع عليها.
أنا بالنسبة الي رح امشي مع الجماعة إذا بدهم وقع أو لأ.

شو يعني نحنا دوامنا بس يومين بالكلية ويوم بالعلوم والزراعة يعني بدنا نوقع بهاليومين عن كل الأيام كأنها مو زابطة   
نحنا هلأ ما رح نوقع على شي بس إذا وقعتوا خبرونا
وكمان ورقة المباشرة يلي أخدناها من الكلية (تبع أشهر الدوام والتواقيع)حدا عمل فيها شي

السلام عليكم:
مشان توقيع الدوام، انا اليوم وقعت عن الصبح والمسا. بالأصل أنا دوامي كل يوم بالجامعة ويوم برات الجامعة بالمعمل فشو ما عملوا ما رح تفرق معي.
هلأ انتو وقعولكم كم يوم وبعدها مو مشكلة بتفرط القصة ،لأنو حاليا في تفتيش من الوزارة، والجمعةالماضية كل يوم كانت عم تجي المفتشة.
هلأ بكرا ما في توقيع لأنو الموظفة  مو موجودة هيك قالتلي اليوم.
ومشان الورقة تيع المباشرة عم استنى شي وقت فاضي. وبصراحة كنت نسيانها بركي بكرا بسرق حالي على الوزارة بوصلها.
ومشان ورقةالدوام بركي بعد العطلة بسأل الموظفة. حاكم ناقمين علينا جماعة الصناعي.       وبدهم يانا نداوم كل يوم، هوأحسن بيكون الدوام أخف.

مساء الخير
كيف طلاب المجستير؟؟؟؟؟؟؟؟؟؟ ان شاء الله تمام

والله الطلاب اللي معنا عم يوقعوا مشان هيك وقعت. بس الأنسب انو ما حدا يوقع وهيك رح صير أعمل. هيك قالولنا طلاب الماستر الأكبر مننا.