بشكرك أخي على مساعدتك
وبإذن الله رح ارجع بلش من الفصل الاول واي شي ما بفهموا بألك بإذن الله
ومشان نصيحتك:
حبيبي نصيحة أخوية ( اذا دائما حتقول أنك ما لح تفهم رياضيات بتصير عنجد ما لح تفهم )
مافي شي مستحيل
خلص ولا يهمك شريك انا من هلأ بفهم رياضيات ولا يهمكن    
بس زكاتك  ليش ما عم يزبط الاقتباس عندي ما بعرف
صراحه قبل ما الك استعنت بمساعدة المشرفه شيماء وقالتلي انو انسخ الكلام اللي بدي اقتبسوا وانسخوا عندي وبعدين ظللوا واكبس اقتباس
يعني كلمة اقتباس ما بتفيد غير بالاطار اللي بينحط حولين الجمله
قمت طبقت هالكلام قام طلعلي قطار محتواه:
عفوا عليك تظليل النص التي تريد تطبيق التأثير عليه.......
علما اني ظللت الجمله
بقى شو رأيك أخي

                                                ولك جزيل الشكر
أخوك الضمير الحي

اقتباس

بس زكاتك  ليش ما عم يزبط الاقتباس عندي ما بعرف
صراحه قبل ما الك استعنت بمساعدة المشرفه شيماء وقالتلي انو انسخ الكلام اللي بدي اقتبسوا وانسخوا عندي وبعدين ظللوا واكبس اقتباس
يعني كلمة اقتباس ما بتفيد غير بالاطار اللي بينحط حولين الجمله
قمت طبقت هالكلام قام طلعلي قطار محتواه:
عفوا عليك تظليل النص التي تريد تطبيق التأثير عليه.......
علما اني ظللت الجمله

الله يسامحك بتسال شيماء وانا شو عم اعمل هون
عم امزح والله شيماء مافي منها

ليك شو تعمل اول شي بعتعمل تحديد على يلي بدك تطبق عليه الاقتباس بعدين
يعني بعد ما يتحدد باللون الاسود بتكبس زر الاقتباس الموجود بالاعلى
وبيمشي الحال

بشكرك يا آنسه آيه على اهتمامك بس والله انت والانسه شيماء قلتولي نفس الحكي وطبقته وعم يطلعلي نفس القطار:
عفوا عليك تظليل النص الذي تريد تطبيق التأثير عليه....
بقى والله ما بعرف شو بدي ساوي
وعلى فكره ما بس باقتباس وكمان بباقي العناصرمتل:
يسار ويمين ووسط وغيرو.....
فأرجو المساعده ولكم جزيل الشكر    


                أخوكم الضمير الحي  

المشكلة عندك بالتظليل
بتمشك الموشر من بداية الكلام الى نهايتو وما بتكبس بعدها اي شي غير زر الاقتباس لان اذا كبست اي زر بيروح التحديد

لو كانت مشكلة برمجية كانت ما ظبطت عندي بس انا جربتها وكلو تمام

للاسف يا آنسه آيه والله ما عم يزبط الاقتباس ولا بأي طريقه
والله الظاهر بدي اتعرفلي على شو واحد من الجامعه شخصي ويكون مشترك بهالمنتدى وجيبو ليجي يشفلي العطل عالواقع
وبشكرك جزيل الشكر على اهتمامك


                        أخوكي الضمير الحي

أخي الضمير الحي ............

مشان الاقتباس حبيبي يمكن أنت عم تاخد الكلام اللي بدك تقتبسو من صفحة الموضوع بالمنتدى ......... هيك ما بيمشي الحال

بدك تعمل اقتباس بتفوت على اضافة رد بتلاقي تحت الموضوع وردودوا بشكل عكسي
يعني آخر رد أول شي بتلاقي
فبتحدد اللي بدك تقتبسو وبتنسخوا على مكان الرد وبتخلي مظلل وبتغضط على زر الاقتباس
فبيطلع عندك الكلام متل مو عاملة آيه داخل مستطيل منقط

وفكرت دراسة المادة من الأول ممتازة وحاول ما تترك كلمة إلا وتفهمها إلا البراهين احفظها أو انسخها متل ما بتنسخ الرد وأنا معك



(حبيبي يعني تاعبنا بالتحليل الجزئي وتاعبنا بالاقتباس )................    
جرب تقتبس هذا السطر اللي بين قوسين وحطلي ياه بالرد أوكي
هي درس عملي
فوت أول شي على اضافة رد
حتلاقي مكان كتابة الردود نزيل لتحت بتلاقي ردودنا عالموضوع انسخ السطر اللي بين قوسين واعمله لصق مكان الرد وخلي مظلل واضغط على زر الاقتباس واذا زبط
بدي الحلوان ....................    


شد حيلك أخي والله يوفقك يارب ...........

يمكن عندي الجواب يلي عم تسأل عليه ((بس طبعا مو أسئلة التحليل لأني ما بلشت دراسة ))

أنا نفس المشكلة صارت معي واكتشفت إنو القصة برمجية

يعني المشكلة من المتصفح إذا عم تفتح من internet explorer  لح يظبت معك الاقتباس فورا من وين ما أخدتوا

بس إذا عم تتصفح من mozilla firefox ما لح يظبت الاقتباس

بس حتى هي بتنحل إنت روح على منتدى الكمبيوتر هنيك بتلاقي موضوع مثبت مشان عمل التأثيرات

هو لازم اكتب الرابط بس تكسلنت روح لهنيك مشان جيبو

أنا هادا يلي بعرفوا إن شاء كون فدتك ويمشي الحال

والله للاسف يا اخي عاشق الآزوري حكيك ما زبط
بس عنجد بشكرك على إهتمامك ومساعدتك لإلي
وبصراحه كلام أختنا همسه هو اللي زبط
وبشكرك كمان يا آنسه همسه الكسلانه على أولتك ههههههههههههههه
وهلأ راي طبق حكيك على internet explorer  وراي طبق درسك العملي يا عاشق الآزوري

اقتباس

(حبيبي يعني تاعبنا بالتحليل الجزئي وتاعبنا بالاقتباس )................

وبرجع بشكركن وبقدم هالورده للجميع:




                              أخوكم الضمير الحي

ألف مبروووووووووووووووووووووووووووووووووووووووووووووووووووووووووك

أخي الضمير الحي المهم زبط الاقتباس

حبيب قلبي .......................


المهم شو صار معك بالباب الأول خلصتو ولا لأ



أخي الضمير الحي لح أعطيك بعض المعلومات اللي لازم تكون بتعرفها لحتى تحس حالك خلصت الفصل الأول

مفهوم القياس الكمي للمنفعة : حكي كتير بالكتاب خلاصتو أنو من زمان بعض العلماء قالوا أنو ممكن قياس المنفعة التي نحصل عليها من السلع كأي قياس فيزيائي
واعتقدوا أنو لها وحدة قياس سموها utilon بس رغم كلامن اللاواقعي
بنكتشف أنن وصلونا لنتيجة هامة وهي توازن المستهلك

مفهوم القياس الترتيبي للمنفعة : هو الوصول لنفس النتيجة السابقة من التوازن لكن عند الانطلاق من قاعدة قياس المنافع بشكل ترتيبي
وبهذا الباب في شغلة مهمة اسمها مبدأ السلوك الرشيد للمستهلك عليها 5 درجات بالفحص سؤالها أساسي

بس تخلص قلي شو بصير معك

موفق حبيبي ...........................   

اقتباس

ألف مبروووووووووووووووووووووووووووووووووووووووووووووووووووووووووك

الله يبارك فيك يا رب وقلك أكيد حلوان عن قريب بإذن الله يعني مالي ناسينك
وعنجد غرقتني بلطفك واهتمامك أخي عاشق الآزوري وحاسس اني عنجد.............
غلبتك معي وبإذن الله راي حاول جاهد انو إفهم الماده وادرسها مزبوط لجيب فيها معدل..........
مع انو للاسف لهلا ما بلشت لان الظروف هلأ؟؟؟؟؟؟؟؟؟؟؟؟؟
شو بدي أول الله يكون بالعون
وبرجع بشكرك أخي عاشق الآزوري من كل قلبي


                  أخوك الضمير الحي