اليوم المسا رح بلش حل يدوي مسائل الانشاءات , ورح شوف شو بيطلع معنا 

حدا عندو فكرة اذا المهندس قسيس عطا محاضرة مبارح؟

اقتباس

بس ما طلعوا معي متل ما طلعوا مع h.r.u وحتى طلع معي ست معادلات بست مجاهلين كل ما عوض فيهم يطلع معي 0=0 قام عملتون مصفوفة وحليتون علي موقع بحل مصفوفات 

هلأ بالنسبة لهي المسألة طلعت معي غير مقررة درجة أولى لأنو المفصل لغى العزم و المنشأ متناظر و بالتالي القص ملغى
هلأ السؤال ليش المنشأ متناظر ؟
إذا بتلاحظي الإختلاف فقط بطول الظفرين و شكل الحمولة على الظفرين و لكن كلا الظفرين بينقل نفس العزم إلى D & B
تاني شي الظفر فينا نعتبرو عنصر مقرر بالحساب و نلغيه و نحط تأثيره على العقدة (و إتفقنا من قبل إنو الظفرين عندون نفس التأثير على العقد بالعزم)

هلأ أكيد رح تسألي مشان شكل مخطط العزم على الظفرين و تـاثيرو على جداء المخططات , مشان هالشي لاحظي إنو إذا قطعنا عند المفصل و حطينا قوى واحدية افقية أو شاقولية على كل الأحول العزم على الظفر رح يكون صفر و بالتالي جداء المخططات صفر

إذا المنشأ متناظر و المجهول هو القوة الأفقية في C  و إيمتن ما طلعت قيمتها فينا نطلع قيم العزوم
مع العلم إنو 120 المطبقة على العقدة رح تنقسم لقسمين 60 على اليمين و 60 على اليسار
ما بعرف إذا قدرت وصل الفكرة و أنا جاهز لأي توضيح
بالتوفيق,,,
   

اقتباس

شكرا كتير h.r.u عنجد الشرح كتير حلو و بفهم
بس إذا ممكن في سؤال تاني
هلأ أنا كنت بدي أستخدم الايكسيل لوظيفة الهيدروليك وفيها معادلة منهم المجهول فيها درجة تانية
الايكسيل بحلها؟
لأنو كتير أخدت معي وقت ويمكن بالأخير كلها غلط واضطر عيدها وما عرفت لهلأ كيف الوظيفة بتنحل

شكرا" إلك كتير mimi  و انا كتير مبسوط لأني قدرت وصللكم الفكرة بطريقة واضحة 

هلأ بالنسبة لسؤالك : الإكسل بحل معادلات من الدرجة الثانية و الثالثة و من أي درجة بدك ياها , بس صراحة أنا لسا ماني كتير داخل بتفاصيل حل المعدلات بالإكسل (مثلا" أنا يلي بعرفو إنو رح يعطي جواب واحد فقط للمعادلة حسب القيمة الأولية المفروضة , بس ماني متأكد إذا كان في طريقة تانية بتعطي أكتر من جواب , وهالشي بإستثناء طريقة حل المعادلة عن طريق الدالات طبعا") 

بس بالنسبة لوظيفة الهيدروليك إذا كانت عن رسم تغيرات المطرقة المائية , سنة الماضية إستخدمت برنامج رياضيات كتيير حلو و بسيط  و سهل و ساعدني كتيير بأكتر من مادة
اسم البرنامج Microsoft math
البرنامج بينزل تلقائيا" مع البرنامج التالي
Microsoft student with Encarta premium
و هو عبارة عن موسوعة للطلاب
و المفترض تلاقيه بأي محل ببيع برامج (متل مكتبة الكمال يلي مقابل الكلية)

اقتباس

قام عملتون مصفوفة وحليتون علي موقع بحل مصفوفات

كمان بحل أكتر من معادلة بأكتر من مجهول و بحل مصفوفات و بيشتق و بيكامل المعادلات و بيرسم خطوط بيانية و بيتعامل مع الأعداد العقدية و .... إلخ بطريقة سهلة و واضحة

بالنسبة للإنشاءات

اقتباس

حليت المسألة الأولى وكل ما حطيلا المعادلة للآلة الحاسبة تحطيلي can`t solve وبعد تبسيط 4 مرات عجزت واستخدمت ال دلتا
المهم عطتني جوابين 60.2,14.44
اخترت ال14.44 وهي قيمة ال Nab
وطلعت معي N2=73.34 بس صراحة لا أنا ولا الآلة الحاسبة اقتنعت بحلي

للأسف هي المسألة ماجربت فيها لسى

اقتباس

والمسألة التانية لهلأ ما عرفت شو بدون

بالنسبة للمسألة التانية المطلوب فقط درجة عدم التقرير لكل منشأ 

بالتوفيق ,,,
   

h.r.u
روح عيد يارجل
لاحقين ع الدرس
بيخلص العمر و ما بيخلص الدرس
يسلم ايديك

اقتباس

h.r.u
روح عيد يارجل
لاحقين ع الدرس
بيخلص العمر و ما بيخلص الدرس
يسلم ايديك

معك حق THE KING العمر بيخلص و الدرس ما بيخلص

الله يسلمك و شكرا" إلك و كل عام و إنت و الجميع بخير
   

وظيفة انشاءات وو ظيفة هيدروليك ومذاكرة هيدروليك....    
ايمتى صار كل هالشي ؟؟؟؟
أنا بقترح تغيير اسم الموضوع من °oO السنة الثالثة أون لاين Oo°¨ إلى
°oO جنة الطلاب الكسلانين Oo°

واذا حدا بيعرف ايمتا تسليم وظيفة الهيدرولوجيا ياريت يخبرنا
وكل سنة وانتو سالمين

شكرا كتير h.r.u عل الشرح بدي أرجع حاول بالمسألة مرة تانية وبشوف شو بيطلع معي
آسفة كتير عذبتك معي وكل شوي بطلع بسؤال    بس هيك بصير بيلي مو دارس جوا السنة  

اقتباس

واذا حدا بيعرف ايمتا تسليم وظيفة الهيدرولوجيا ياريت يخبرنا

ما حدا قال في وظيفة هيدرولوجيا بس تسليم وظيفة الهيدروليك للخميس

وبالتوفيق 

اقتباس

شكرا كتير h.r.u عل الشرح بدي أرجع حاول بالمسألة مرة تانية وبشوف شو بيطلع معي
آسفة كتير عذبتك معي وكل شوي بطلع بسؤال بس هيك بصير بيلي مو دارس جوا السنة

ولايهمك ميمي    , و أنا جاهز لأي توضيح دائما" بالشي يلي بعرفو , و خصوصي أنو أنا لما عم إشرحلكم عم ساعد حالي كمان بتذكر مواد أنا حاملها

شكرا" إلك كتير
و بالتوفيق دائما"
   

شو مشان نحنا بعيد

يعني معقول يعني .... دراسة وحل وظايف بالعيييييد

الله يرضى عليكن يالله كل واحد يروح وينبسط وينسالي الدراسة شوي ،،،، لاحقين

وشو يعني لو في وظايف ومذاكرات ،،، بدن يمنعونا ننبسط ونفرح

فبقى الله يخليكن ما بدنا نشوف حدا عم يجيب سيرة دراسة هون ليخلص تالت يوم العيد

سلااااااااااااااام

اقتباس

ما حدا قال في وظيفة هيدرولوجيا بس تسليم وظيفة الهيدروليك للخميس

لأنو اخر محاضرة هيدرولوجيا "هي المحاضرة يلي وزوعوا فيها الوظايف "اجيت بآخر المحاضرة وسمعت الدكتور عم يقول أنو صار فيكم تاخدوا الوظيفة الجديدة

وشكرا عالمساعدة