بناء على طلب Black Tulip  مني اليوم ...حاولت أتذكر شو إجانا أسئلة بفحص مواد البناء العملي ... صراحة كان الطلب صعب وخاصة على وحدة مصيفة متلي   

وهي يلي تذكرتو 

السؤال الأول :

ما الغاية من تجربة استخلاص البيتومين مع ذكر مراحل عمل التجربة .

السؤال التاني :

ما الغاية من تصميم الخلطات الإسفلتية بطريقة مارشال .

السؤال التالت :

ضع إشارة صح أو خطأ وصحح الخطأ مع التعليل .

- يزداد حد المتانة على الضغط للمونة الاسمنتية مع زيادة نسبة الماء للاسمنت . ( خطأ )

- يحسب الوزن الحجمي لعينة مارشال ... ( هون عطانا جملة غلط ما بذكرها )

- كان في أكتر من جملة يا أما خطأ يا أما ناقصة من التجربة الأخيرة من فقرة " تحليل النتائج " ... على قولة يزداد وينقص ... بس ما بيلبكوا بإذن الله ...

- نسبة البيتومين المثالية هي التي تعطي اكبر وزن حجمي . ( هالحكي ناقص ولازم تكملي متل النتيجة الموجودة بآخر تجربة ) .

- الوزن النوعي للرمل أصغر من الوزن الحجمي . ( خطأ و لكل المواد مو بس الرمل ) .

السؤال الرابع :

كان عبارة عن مسألة عطانا ياها وبظن كل الزمر أخدتها ... تبع حساب نسب البحص والرمل والبيتومين والبودرة بالخلطة الإسفلتية ... والفكرة يلي كانت فيها أنو قايل بآخر المسألة أنو لازم نحافظ على نسبة فراغات ما فيها شي
5 % ... وهون منقول انو نسبة البحص + نسبة المونة = 100- 5 = 95% ومنكمل حل عادي ...



إن شالله كون قدرت وصلك يلي بدك ياه ...


سلام   

سؤال حاكم أنا مو مصيفة إلا شوي
هلأ هنن كم تجربة مواد بناء أربعة ولا أنا منأصتلي شي وحدة

وشكرا

اقتباس

سؤال حاكم أنا مو مصيفة إلا شوي

باينتها ما رح تشتي هالسنة 

اقتباس

هلأ هنن كم تجربة مواد بناء أربعة ولا أنا منأصتلي شي وحدة

إي أربعة ... ومع محاضرة المسائل ( يلي ما أخدتوها ) بيصيروا خمسة ...


سلام ...

بمناسبة نهاية مشروع الحوض الصباب بحب قلكن كل عام وانتو بألف خير و بحب احكيلكن شوي عن أفكار تعرفت عليها لحساب المساحات

فكرة 1
هي الأفكار المعروفة والمنتشرة واللي هي يا مربعات ملمترية يا أوتو كاد وهيك أغلب العالم اشتغلت .

فكرة 2
فكرة البلانيمتر : هالفكرة فكرت فيها وحسيتها كتير رح تسهل الحساب قام رحنا عمخبر المساحة وطلبنا الجهاز ، وراح نكشلنا ياه من المستودع وطلعه ونفض عنه الغبرة ،،، المهم حملنا ورحنا عند د انور الصيفي لنسأله كيف بيشتغل ، طبعا أكلنا بهدلة بالأول لإنه مالنا متزكرين الشرح اللي حكاه الدكتور بالمساحة ،، بس بالأخير شرحلنا كيف منستخدمه ،،،، رحنا لحتى نحسب المساحة قام طلع هالجهاز دقته فاااااشلة ،، كل شوي رقم شكل ،،فألغينا هالفكرة،، ياخسارة البهدلة اللي أكلناها من الصيفي .


فكرة 3
هالطريقة ما جربناها بس بتوقع كتير ممتازة ومريحة .
بتتطلب ميزان دقيق بقيس بالجرام
منجيب الورقة الملمترية وبكون معلم عليها حدود الحوض وحدود التسوية
بنقص الأجزاء يلي بدنا نعرف مساحتها ومنوزنها
منوزن مريع ملمتري معروفة مساحته ومنحسب وزنه
الباقي رح يكون حسابات لنحول أوزان الأجزاء لمساحات بعد ما استفدنا من وزن المربع الملمتري

هي فكرة واحد من الشباب اقترحها علينا بس المشكلة اقترحها بوقت متأخر وما قدرنا نجيب الميزان

فكرة 4

هالفكرة خطرت لشخص رفيقي كتير عبقري بأحد الكليات
كان عندي فشاف المشروع
سألني : شو هاد
أنا : حوض صباب !!!!
هو : امممم شو بدكن فيه !!!!
أنا : بدنا نحسب مساحته وأطواله
هو : ممممممم طيب في طريقة سهلة
أنا : شو !!!!!!!
هو : المساحة بتساوي الطول بالعرض
أنا : !!!!!!!!@@@@@####$$$$%%%%؟؟؟؟؟


آسف عالإطالة بس حبيت شارككن هالأفكار
تحياتي

سؤال بالإكسل ...

من وين  بقدر غير جهة المحور الشاقولي بالرسم البياني من اليمين لليسار؟؟؟

   

اقتباس

اقتباس

أول شي 7 أسئلة فيهن كم تعليل وكم تعريف

أخ Engineering Lover ممكن تحطلنا التعاليل يلي إجتكن ( إذا متذكرن ) وشكراً سلفاً

ايه رح قلك شو متذكر ،،، وطبعا هالحكي بالنسبة للمهندسة "الحاج علي "

- لماذا يستخدم البنزين في تجربة استخلاص البيتومين ؟
- ارسم تغير الوزن الحجمي مع نسبة البيتومين وعلل سبب الزيادة والنقصان .
- لماذا يستخدم الحمام المائي في تجربة مارشال >>> هاد السؤال لعلأ ما بعرف شو جوابه الصحيح!!!

سلام

اقتباس

هالطريقة ما جربناها بس بتوقع كتير ممتازة ومريحة .
بتتطلب ميزان دقيق بقيس بالجرام
منجيب الورقة الملمترية وبكون معلم عليها حدود الحوض وحدود التسوية
بنقص الأجزاء يلي بدنا نعرف مساحتها ومنوزنها
منوزن مريع ملمتري معروفة مساحته ومنحسب وزنه
الباقي رح يكون حسابات لنحول أوزان الأجزاء لمساحات بعد ما استفدنا من وزن المربع الملمتري

هي فكرة واحد من الشباب اقترحها علينا بس المشكلة اقترحها بوقت متأخر وما قدرنا نجيب الميزان

هي أحلى وأغرب فكرة يا ريتنا سمعانين فيها قبل بوقت

اقتباس

هو : المساحة بتساوي الطول بالعرض

حلوة هي ما خطرتلنا

اقتباس

هي الأفكار المعروفة والمنتشرة واللي هي يا مربعات ملمترية يا أوتو كاد وهيك أغلب العالم اشتغلت .

أنا بالنسبة إلي اشتغلت بالتنين
أول شي حسبت المساحة الكلية عل الورق الميليمتري
بعدين ادريت أنو في مساحات جزئية قام بلشت عد من أول وجديد
بعدين اكتشفت أنو بعرف اشتغل عل الأوتوكاد قام كملت نص المساحات الجزئية البقية عل الأوتوكاد

واليوم ادريت بالجامعة الساعة 10 أنو بدو على شو اشتغلنا وأنا طبعا مو جايبة شي
والورقة الميليمترية تبعي بترعب قام جبتلوا الورقة الميمترية يلي محسوب عليها مرة ونص وطبعتلوا صورتين أوتوكاد بس بعطي يلو بدو ياه إذا بيفهم علي أنا شو عاملة


سلام

اقتباس

- لماذا يستخدم الحمام المائي في تجربة مارشال >>> هاد السؤال لعلأ ما بعرف شو جوابه الصحيح!!!

الهدف منو جعل درجة حرارة البيتومين 60 درجة(وهي أقصى درجة يمكن أن يتعرض لها الطريق)
ومنحط العينة على رف مثقب ومرفوع حتى يتم غمر العينة من كافة جهاتها بالماء وبتصير كلها نفس الدرجة

اقتباس

اقتباس

سؤال بالإكسل ...

من وين بقدر غير جهة المحور الشاقولي بالرسم البياني من اليمين لليسار؟؟؟

رح إعملك شرح على صورة (متل ما شرحتلكم بالإكسل من قبل) و رح عدل هي المشاركة بعد شوي و إرفع الصورة
بالتوفيق
   

هي عدلنا المشاركة    و الشرح موجود بالصورة التالية
بالتوفيق,,,
   

اقتباس

باينتها ما رح تشتي هالسنة 

شايفة

اقتباس

إي أربعة ... ومع محاضرة المسائل ( يلي ما أخدتوها ) بيصيروا خمسة ...

شكرا

سلام