اقتباس

بقى لا تردي عليهم

بصراحة الأعتذار كان لكل شخص محترم شاف القصة بحجمها الحقيقي  يلي هو مزح بس زاد شوي عن حدو يعني أنا غلطت بس ما كفرت

بس في ناس كتييييييييير ضخمو الأمور  أنا لا رديت عليهن ولا أعتذرت منن لأنو الطريقة يلي أجو فيها كانت هجومية وفيها كتير تجريح  ما عرضو رأين بشكل عتاب أو نقاش ولا تركولي مجال حتى رد عليهن

وأنا نهيت القصة وحطيت كل الحق  ع حالي وسكتت  وما رديت ع حدا كرمال بعض أشخاص محترمين  طلبو أنو القصة ما تاخد حجم أكبر من هيك وتنتهي  لأنو هنن حريصين ع سمعة المنتدى وأنا بحترم حرصن

اقتباس

بالمناسبة ... ممكن ما تجيبو سيرة المعدلات إذا بتريدو

أي مزبوط يعني ما في داعي كل يوم نتذكر الشغلات الحلوة يلي بحياتنا

اقتباس

كنت بدي احكيلكون عن محاضرة الادوية بس قلت بتشوفوا بعينكون

شفنا...الله وكيلك شفنا شوفة ما بتنشاف
مدرج يغص بالطلاب(بس بالأخير كترو المواطنين يلي بيفركوها أول ما الدكتورة ترف عينها)
مكيفات عددها أكبر من عدد المراوح ولكن...!حدث ولا حرج
باب ما بيفوت ذرتين أكسجين كل ساعة والدكتورة تطالب بتسكيره على مدار الثانية

اسم دوا رايح واسم تجاري جايي وعتبك علي عم يفهم كلو بدو بصم

والواحد بعد المحاضرة بيصير بدو يشرب دوا خافض للضغط . ودوا موسع للقصبات(للتعويض عن الأكسجين المفقود).ودوا مفكفك للعضلات باعتبار 3 ساعات متواصلة دون استراحة.ودوا مضاد للأكتآب لأنو بيحس حالو تيتي تيتي متل ما فتي عالمحاضرة متل ما طلعتي.........هلأ بيقولو متشائمة
لأ بس عم علق شوي عالواقع المرير لأنو الواقع قد ما علقت عليه ما بيزعل ولا بيفهمني غلط
سلام

اقتباس

مكيفات عددها أكبر من عدد المراوح

مو ليكونو هدول المكيفات شغالين

اقتباس

والله داق خلقي من النت !!!

وأنا كمان

داق خلقي من الخورفة
لك الشهر الماضي سحبت غيغا بالضبط
طلعت الفاتورة 640       

السام عليكم


إن شاء الله يكون المزاج رايق.......وخلص اعتبرو ماصار شي...

اقتباس

مكيفات عددها أكبر من عدد المراوح

عفكرة...هدول عالأغلب أغطية مكيفات...يعني بلاستيك وجواتهم مافي شي

بس لاتقولولي....حلوين للديكور

اقتباس

بس لاتقولولي....حلوين للديكور

لا مو حلوين
                                                                                                                                                                                                                                                                                                                                                                                                                                                                                                                                 

السلام عليكم....

على سيرة المكيفات هنن كانوا شغالين لما كنت سنة أولى و بالفصل الأول بس... و عنجد كنا

نصقع لما يشغلوهون... ووقتها طرقناهون عين الله مولاها... قام انتزعوا و ما عاد شغلوهون..

صباح الخير(بس مو بليل الساعة 8 الصبح)
شو لساتكن نايمين
صلي من الساعة 6 فايقة عم أدرس تأثير أدوية (وأخيرا بلشت بأول محاضرة )
يا جماعة أسهل من هيك مافي بس سؤال  بالمحاضرة الأولى لحالها مرق معي 15 اسم دوا هدول للحفظ ولا للاطلاع يعني بأسلة الدورات طالبة تأثير الدوا بس ولا طالبة الدوا شو بيساوي

اقتباس

كانوا شغالين لما كنت سنة أولى و بالفصل الأول بس

بشارة سارة......
أنا سمعت أنو بدن يصلحوهن ويشغلوهن على مدار الفصلين صيفا شتاءا.....
بس......!!!!!!!!!!!! بحالتين:
الأولى :ع زمن حفيدتي وقت العالم بيكون صارو بالقمر وبتصير الموارد الطبيعية عالأرض ببلاش يعني الكهربا مجانا(أو بسعر البونات )

الثانية:إذا أجا شي عميد كلية لشي جامعة أوروبية   مشان يتعرف ع جامعة دمشق وقتها مو بس بيشعلو المكيفات يمكن يركبو كريستال بال حمامات كمان واحتمال يحولو نظام التعليم من الشاشة البيضة يلي بيضويها جهاز الأسقاط ومنطفي نص الضواوي(الأضواء)بالمدرج لنشوف هالشاشة ....ويساوولنا شاشة 3D(يعني ثري دي) بس السلبية الوحيدة أنو النظارات بيكونو ع حسابنا........مشان هيك بلاها أحسن

اقتباس

قام انتزعوا و ما عاد شغلوهون

هلأ إذا المشكلة أنو انتزعو وما صفي بالشام مصلحين(كلن دكاترة وصيادلة ومهندسين)  عندي استعداد جيب مصلحين من أحد المحافظات النامية(من عندي من القامشلي )

بعدين أنا بسدق أنو ينضربلو شي مكيف أو تنين بس مكيفات الكلية كلها مضروبة(قصدي مكيفات المدرجات يلي بيعدو فيها الطلاب....توووووت الظاهر انقطع الأرسال واتشفرت الكمالة... )بيكفي لهون هلأ بيشفروني من المنتدى

شايفة ما حدا غيري فايق ومفتوحة قريحتو عالحكي (أو اللعي عقولة بعض الزملاء)
بس يلا الساعة 9 يعني مضطرة سكر لأنو  وأخيرا صار وقت الفطور(وجبتي المفضلة لأ والنكتة أني ما بشرب شاي عالفطور )

السلام عليكم


صباح الخير....

والله أنا من جهتي فايق من عبكرة الصبح.......

هيك يعني عم أتسلى شوي بكتابة رواية دوائية!!!

اقتباس

يا جماعة أسهل من هيك مافي بس سؤال  بالمحاضرة الأولى لحالها مرق معي 15 اسم دوا هدول للحفظ  ولا للاطلاع  يعني بأسلة الدورات طالبة تأثير الدوا بس ولا طالبة الدوا شو بيساوي 

بالمحاضرة الأولى في كتير أمثلة تبع التأثيرات الجانبية....مو ضروري حفظها بالتفصيل....بس المهمين يلي عليهم شرح لازم ينحفطو متل حالات القرحة والتداخلات....

بس لاتفرحي كتير....حيمر معنا أضعاف مضاعفة من الأدوية .....أنت في كلية الصيدلة!!!

أول محاضرة فعلية بالأدوية هي الرابعة.........

صباح الخير
                                                                                                                                                                                                                                                                                                                                                                                                                                                                                                                                                                                                                                                                                                                   

السلام عليكم

كيف صيادلة المستقبل  

اقتباس

والله أنا من جهتي فايق من عبكرة الصبح.......

هيك يعني عم أتسلى شوي بكتابة رواية دوائية!!!

هيك بدياك نشاط وحيوية  

اقتباس

لك الشهر الماضي سحبت غيغا بالضبط
طلعت الفاتورة 640

يعني ما أتورط و أشتري هي التقنية  

شو مشان الصيدلانات   

متبل و رغوة قهوة و حليب شايط و آخر شي عجينة بيتزا  

مصطلحات استخدمتها الدكتورة  لتمدح الشغل اللي طلع معنا(بين قوسين)

وآخر شي كل العلامات B سالب و مرة نطت للموجب 

بس حبيت فضفض اللي بقلبي

اقتباس

صباح الخير

صباح النور

اقتباس

هيك يعني عم أتسلى شوي بكتابة رواية دوائية!!!

إي والله قصة حياة الأسبرين كتير مؤثرة

بفوت ع الجسم وبينحل بالعصارة المعدية المعوية وبيمتصو الجسم وبيتوزع بالأنسجة وبيتشرد وما بعرف شو بصير فيه
وآخر شي النهاية بتكون حزينة كتير
لأنو بينطرح من الجسم مع البول   
بعد كل هالرحلة الطويلة

اقتباس

شو مشان الصيدلانات

أنا اكلت كزا بهدلة بالجلسة

والعلامات ما شفتن

ريحت حالي

اقتباس

يعني ما أتورط و أشتري هي التقنية

ما بعرف

أنت ساكن بالمدينة الجامعية
وقت بدك تفوت ع النت تعال ع الجامعة
عنا واير ليس شغال 24 24