أهلين فيك الوسام

كيفك انت؟

هلأ لا الدوام عنا مو شكلي يمكن بس لانو أول اسبوع وما بداوم طلاب كتير مابيعطوا الدكاترة شي

اما حرام ليش اظلمن بيعطونا محاضرات متلنا متل النظامي وفي منن بلحق الكتاب كلو بس في بعض الدكاترة بتتبع نظام الاسئلة والاجوبة

وأكيد رح يتغير البرنامج مو معقول نضل ندور عالدكاترة دوارة لحتى نلاقيهن
اي شو منضرب بالمندل

بس انا نزلت ولقيت برنامج معلق عالحيط بكل فخر ومو زاكرين فيو سيرة الاماكن

وبالنسبة الك انت انزل عالجامعة او اذا حدا من رفقاتك نزل يشوف البرنامج
بس يمكن كمان يكون وضعكن متلنا
اذا اول اسبوع الكن ب 22 يعني مابكون في طلاب وما بيعطوا

وان شالله بالتوفيق
الك ولكل الطلاب

تحياتي
 

(بالنسبة لأختك ... مو مهم شو الثانوية يلي سجلت فيها بمفاضلة المفتوح

اذا بدها تستفيد من المعهد أو الكلية يلي قدمتها سابقا
بتجيب الأوراق المطلوبة منها

وأكيد بينطبق عليها لانو مكتوب بالقرار
الطالب الذي يحمل شهادة جامعية
يعني متل وضع أختك

بس لازم تستعجل شوي لانو بعد بكرا آخر يوم)

بس ممكن سؤال تاني: القرار تبع المعادلة صار مشان اذا الطالب فات فرع
بالمفتوح الو علاقة بشهادتو القديمة
يعني مثلا شهادة اقتصاد وبعدين فات محاسبة بالمفتوح
صح؟
بس بين الاقتصاد والترجمة مافي شي مشترك

اهلين اخي الوسام وانا كمان منيحة والحمدلله

بس شو مشان مين يلي مو عاجبوا التعليم المفتوح؟؟؟

معلش بس حابة نوه لشغلة

انو التعليم المفتوح صاير تقريبا احسن من النظامي وهاد مو كلامي كلام الدكتورة فاتنة الشعال قالت هالحكي لما كرمت الأوائل من عنا وماشالله معدلاتن كانت عالية
النظامي ما بجيبا

انا كان معدلي بالسنة الاولى وبدون كذب 76
وحتى قالت الدكتورة انو في طلاب نظامي عم ينقلوا للمفتوح
ونحنا عنا بالدراسات القانونية صاروا يقبلونا بالمعهد القضايئي ويمكن بحقلنا نقدم للماجستير كمان فشو بدنا احسن من هيك

دوام عالمرتاح ومحاضرات وكل شي من احسنوا الحمدلله
بعدين المعدلات المطلوبة هالسنة للقبول كانت تنطلب للنظامي
وهاد دليل على انو مو مين ما كان صار بينقبل بالمفتوح

صار التعليم المفتوح حلم
ولوووووووووو

تحياتي الك اخ الوسام وميرسي لانك خليتني فضفض واحكي يلي بقلبي ودافع شوي عنا

سلاااااام
 

اهلين اخ "الوسام" وعليكم السلام
انا والله مو قصدي لا اعلن حرب ولا شي
بس فشة خلق
انا بالأول ماكنت لا دافع ولا احكي شي يمكن لاني كنت كمان مو مقتنعة بس بعدين تغيرت نظرتي وحبيت كتير اني انا تعليم مفتوح بس الناس ما بترحمك
لما بيسألوك تعليم مفتوح ولا نظامي وبتجاوب مفتوح
مدري كيف بتلاقي النظرة غريبة
بس بالعكس لازم من زمان نكون منطقيين ونحكي الصحيح وندافع ليش لاء
اذا حدا لسا مافهم شو هوي التعليم المفتوح خلي يفهم انو تطورت الأمور
ومتل ماقالت الدكتورة فاتنة الشعال "الله يخليلنا ياها "
نحنا عم نعكس صورة سيئة عن هالنظام لما ما بيعجبنا ومنقول انو النظامي غير والنظامي احسن ومن هالحكي
لازم نفتخر بحالنا شو ناقصنا عنن ولا شي
وبعدين يلي لسا ما اقتنع يشوف المعدلات المطلوبة "متل ما قلت حضرتك" بيفهموا تلقائيا شو يعني الدخول للتعليم المفتوح
ودمت بود

نسيت خبرك الوسام انو البرنامج نزل
للتعليم المفتوح والدراسات القانونية والدولية
وهي الرابط لاني ما بعرف نزلن متلك

www.ol-dam.net

سلااااااام