مرحبا زملاء ممكن أعرف أدش عدد
الطلاب يلي مقدمين على ماجستيرات المحاسبة
على حسب ما شفت 103!!!!!!!!!
ولا شو رأيكم.....
وإنشالله موفقين....

عدد المتقدمين لقسم المحاسبة 103
بدن منهن 40 ماجستير اكاديمي (20 محاسبة + 20 مراجعة )
وبدن 6 موازي (3 لكل قسم )
وبدن كمان 25 محاسبة ضريبة و 5 موازي
والباقي الله يتولاهم برحمتو 

يا ربي  عن جد  هاي  موكلية هاي اشباه كليات ..

..........والله حرام يلي  عم يعملو فينا؟؟؟؟؟؟؟؟؟؟؟؟؟؟؟؟؟

سلام للكل
طب طلاب المحاسبة نزلت النتائج تبعهن؟
ولا كمان منقوعين؟

شكلو اليوم متل مبارح ومتل يللي قبلو مافي شي جديد
ويمكن بكرا كمان ماحيكون في شي جديد
مع إنو بجامعة حلب طلعت أسماء المقبولين من يوم الأحد الماضي..
أحسن شي نقيم القصة من بالنا ونحاول مانفكر فيها كتير
لأنو سبحان الله بس يكون الواحد بدو شي يصير بيبطل يصير...
مإلنا غير الصبررررررررر

أهلين مادلين وضوء القمر   
شو وين كنتو مبارح مو مبينين بالمنتدى ؟؟
ومجد كمان مو مبين مبارح 
لتكونو بتشتغلو حلاقين ومبارح الاثنين كنتو معطلين 
بكل الأحوال هانت يا جماعة
وصلني من مصدر موثوق انو النتائج بنهاية هاد الأسبوع
يعني ما رح ننطر للأسبوع الجاي بإذن لله تعالى 

مرحبا  امبراطور
لا والله انا مو كوافيرة بس انا كنت مع رفقاتي بمشوار
بس عنجد هيك خبروك يعني ايمتى الخميس مثلا ؟
وما قالو اذا رح يقبلو الكل بالاقتصاد؟

والله يا مادلين حسب ما عرفت انو 90% الخميس بتكون النتائج النهائية معلقة
والدوام بيبدأ بـ : 31/10
أما بخصوص قسمكن فأكيد رح ياخدو الكل لأنو هنن بدن 40 وانتو كلكلن على بعضكن 34 يعني يمكن يدينوا 6 طلاب من عنا ليكملو النصاب 
بكل الأحوال أما متفائل كتير منشان قسمكن وان شاء الله الخميس ببشرك أنا باسمك بقوائم المقبولين 
بس بدي الحلوان ها مو تنامي عالموضوع بكرة بس يطلعلك 

تكرم عينك اكيد في حلوان بس انتو دعولنا وانشا الله ياخدو من عندكن بركي الكل بيطلعلو
وهيك بيكتروا العباقرة بالجامعة ومنعمل شي للبلد

مرحبا
الله يبشركون بالخير
ان شا الله تكون الخميس
يا رب نكون كلنا من المقبولين
وان شا الله منلتقى بالجامعة ومنتعرف عليكون
بس انا عندي تعليق صغير
شو منستفيد من العلامات من دون نتائج المقبولين
يعني قد ما جاب الواحد بالامتحان ما بيقدر يتوقع شي
صح؟