البوز وما أدراك ما البوز - منتدى جامعة دمشق

.البوز وما أدراك ما البوز

معمرجي أصلي

جامعـي مبـدعـ

مسجل منذ: 17-02-2010
عدد المشاركات: 201
تقييمات العضو: 0
المتابعون: 12

غير موجود
اشــترك بالتحديثات
رسالة مستعجلة

البوز وما أدراك ما البوز

11-10-2010 06:11 PM

أولا بعرف أنو مكان الموضوع مو هون بشكل عام بس حبيت حطو هون لأن أكتر شي موجه إلنا كمنتدى العمارة

البوز ...كلمة تـُستَخدَم بمدلولاتٍ عدة و يختلفُ معناها و تشكيلُها
حَسَبَ المقصود ِبها

بشوارعنا البوز موجود وله حضور قوي
و يكمن في المطاحشة و مفهوم مين بيدخل بوز سيارتو أول بيربح
و يتنافس السائقون في التقاطعات على دحش بوز سياراتون
رغم المغامرة بالاصطدام ببوز السيارة المقابلة
بس الكل بيعرف يلعب هاللعبة و بيقدر مين بوز سيارتو ربح ليفرمل

و البوز معروف لدى الرجال و النساء والأزواج خاصة
يعني الرجال بيفوت على البيت و بوزو شبرين
و المرة بتستقبلو مبوزة
و هاد دليل انزعاج و مسج بيبعتها كل طرف للآخر انو في شي مو عاجبو

و البوز درج كتير كموضة للأحذية و كلنا بنعرف الصباط و الكندرة و السكربينة أو الحذاء أبو بوز
و طبعا هاد الحذاء كان صيحة بعالم الموضة و كان إلو منافع عديدة
يعني بالنسبة للرجال كان يستخدم بوز الصباط لمعس الصراصير بالزاوية
و بالنسبة للنساء كان البوز من أهم الاسلحة للدفاع عن النفس للنفس الأخير

و البوز كمان معروف بقلم الرصاص و خصوصي القلم أبو بُوَز
الي انشهر كتير بفترة السبعينات
و كنا كأطفال نتبارى مين ببوز قلمو أكتر لدرجة انو كان يشق الورقة
و من بوز قلم الرصاص تم استنباط الخازوق العثماني
و كان من أهم وسائل الإعدام بفترة السفربرلك
لانو كان ينبرى بري

و بننتقل للبوز و هو الي بناخدو وقت التصوير و قت التشخيص
كلو ببوز و بياخود بوز معين و بيبلش تشخيص الشباب على البنات و البنات على الشباب و هاتك يا تبويز
و نشير بهذا السياق لبوز الحردان و بوز الزعلان و بوز الوحداني و المسكين

و بلغت شهرة البوز حتى طبقت الافاق و تم تسمية العديد من الفعاليات الاقتصادية باسم البوز
و على سبيل المثال لا الحصر (بوز الجدي )

و درجت عند الاخوة الحلبية تعبير دارج (أبوسك فنص بوزك)
او هاتلك بوسة من بوزك

و من هنا استنبط العوام مصطلح البوزمة
و هو مدلول انو الشخص ضارب بوز و مبوزم بمعنى انه لا يشعر بالراحة و انما يشعر بالامتعاض

و لشدة جمال لفظ الكلمة استنبطت منها الصبايا الدلوعات مشتقات تنبي عن مدلولات اخرى
مثل مبوزة يعني مبوظة و قالب بوز يعني قالب بوظ
و هالطريقة بتدل على مدى مياعة البنت و غنجها و إنها من بنات الزوات و كووووول على طول

وبنتقل لمصطلح خاص بالطنبرة
و الطنبرة هي انو تنفخ بالواحد و تكبر براسو بمعنى تشجعو ليتطمبر و يفوت فوتة مو قدها و هون بيلاقي حالو ببوز المدفع
يعني أول واحد بتنطبش الشغلة براسو

و بيبقى انو الي بيقرى الموضوع يفرود بوزو على طول و يبطل مبوزم و يبحبح أيدو بتقييم ايجابي

وبما انو اكثر اللي بالمنتدى مصاب بالبوز والتبويز راينا افادتكم
بالموضوع لاهمية التفاعل وعدم التبويز

الموضوع ملطوش لطشة عجيبة

« عرض آخر مواضيع العضو »

غاية التثقيف استبدال الدماغ الفارغ بآخر منفتح وليس بممتلئ

أنت غير مسجل لدينا.. يمكنك التسجيل الآن.