السلام عليكم ورحمة الله وبركاته .....
كل التحية والسلام لزوار هذه الصفحة ....ولطلبة جامعة دمشق كافة .....

منذ فترة يومين كنت عند احد اصدقائي ...وبيناما كنت اتنقل في حاسوبه الشخصي ...

وجدت شيئا لم اكد اصدقه الى الان ..بخصوص تصنيف جامعة دمشق عالميا ..
هذه الجامعة التي لها صيتها ...ولها هيبتها بين ابناء سوريه الحبيبة ...
وان خريج جامعة دمشق ليشعر بالفخر بانه درس في هذة الجامعة ....
لكني صعقت حقا عندما قرأت ان ترتيب جامعة دمشق عالميا ..هو """7439""
هذا الرقم بالنسبة لي كان مستحيل وضرب من المستحيل ان افكر يوما ما بهكذا رقم لتصنيف جامعتي ..
....وتناقشت انا وصديقي حول هذه المعلومة كثيرا ..
ولكنه وجه لي ضربة لنقل قاضية عندما قال لي ..""شو رأيك بترتيب جامعة تشرين بسوريا ""
قلت"" على ما اعتقد هي الثالثه .....""فقال حينها مقاطعا""ترتيب جامعة تشرين عالميا هو ""7409""
وهي الافضل في سوريا على الاطلاق قولا واحدا .....

وقال ايضا  ""بالمناسبه هذه الاحصائية هي احصائية حزيران 2010""((تازة))
لا ادري ان كنت انا حقا متفائل نوعا ما بجامعة دمشق ....وكنت متوقعا لها ان تكون من الجامعات الاوائل
في العالم ....

ولكنها وللاسف جاءت الثانيه في سوريا ....وربما الاخيرة في العالم ...
.....فتخيل يا رعاك الله ...
دمتم بحمى الرحمن ...

....................................................
حكمة من الحكم العطائية ....
((ليخفف ألم البلاء عنك علمك بأنه سبحانه هو المبلي لك..)).

الصراحة ترددت كتير قبل ما نزل هالخبر بس بما انو انفتح الموضوع وانفتح رح شارك فيه وهاد الخبر

احتلت جامعة تشرين المرتبة الأولى بين الجامعات السورية الحكومية و الخاصة خلال شهر تموز /2010/ و ذلك بحسب تصنيف موقع " ويبومتركس " الإسباني .

و يأتي احتلال الجامعة لهذا المركز بحسب الموقع لأسباب :" الاهتمام في مجال الجودة و الاعتمادية في الجامعات العالمية حيث استندت في تصنيفها هذا إلى الإنتاج المعرفي من حيث إنتاج البحوث و نشرها في الوسائل الإعلامية المحلية الحكومية و الخاصة إضافة لنشرها في الوسائل الإعلامية العالمية " .

و بحسب الموقع فقد استند في تصنيفه لجامعة تشرين بالمركز الأول :" لمشاركة الجامعة في النشاطات العملية و العلمية و الأكاديمية داخل و خارج القطر إضافة لقيام الجامعة بعملية التأهيل و التدريب و بناء القدرات للعاملين في الجامعة " علميين و إداريين " إضافة لكل ما يتعلق بالنشاطات الطلابية المتنوعة " .

كما و احتلت جامعة تشرين المرتبة الأولى بين الجامعات السورية الحكومية و الخاصة في عام /2010/ و ذلك استنادا ً لتصنيف /4ICUs/ العالمي .

و تأتي جامعة تشرين في المرتبة و ترتيبها /3197/ على مستوى العالم تليها جامعة دمشق ب /5531/ ومن ثم جامعة البعث ب /5732/ تليها جامعة القلمون /6697/ و من ثم المعهد العالي للعلوم التطبيقية و التكنولوجيا ب /7434/ .

و بحسب إحصائية موقع /4ICUs/ العالمي فإن جامعة الإتحاد الخاصة احتلت المركز رقم /7633/ على مستوى العالم تليها الجامعة العربية الدولية الخاصة بالمركز /8142/ تليها الجامعة الدولية للعلوم و التكنولوجيا بالمركز /8386/ ومن ثم جامعة الأندلس الخاصة بالمركز /8484/ تليها الجامعة الخاصة للعلوم و الفنون بالمركز /8738/ .

أما جامعة الحواش الخاصة فقد احتلت المركز /8750/ تليها مباشرة جامعة حلب الحكومية بالمركز /8881/ ومن ثم تليها جامعة المأمون الخاصة للعلوم و التكنولوجيا بالمركز /9372/ يليها المعهد الوطني للإدارة العامة بالمركز /9491/ و في المرتبة الأخيرة أتت جامعة الوادي الدولية بالمركز /9539/ .

يشار إلى جامعة تشرين احتلت للعام الثاني على التوالي المرتبة الأولى بين الجامعات السورية الحكومية و الخاصة وفقا ً لإحصائيات مواقع عالمية .

مازن محمد - عكس السير

هلأ كنت طالب بتشرين وانتقلت عالشام وللأسف الصراحة انصدمت بعد الإنتقال يعني حسيت فعلا في فرق بين هون وبين اللادقية يعني هالخبر من وجهة نظري أنا صحيح 100 بالمية ياريت ضليت هنيك والفرق واضح جدا من سوية مشاريع التخرج بجوز هاد الحكي بفرعي أنا بس ما عندي فكرة عن الفروع التانية 

السلام عليكم ...

مشان نحكي الحق ...

بصراحة جامعتنا من اقدم الجامعات العربية .. وبغض النظر عن هذه التقييمات العالمية ..

يبقى خريج جامعة دمشق افضل خريج عربي .. وبشكل عام خريجي الجامعات السورية ..

واعتقد ان هذا الترتيب كان يعتمد على مدى تطور و جاهزية البيئة الجامعية و الحرم الجامعي و المدرجات و المخابر .. و الشكل العام و الداخلي .. و الحدائق و المساحات الخضراء .. و الارصفة و هيكلية الابنية .. وليس اكثر ...

رح اضطر اقلب ع العامي ..

يعني مشان الله ... لو كنتو مطلعين على قائمة الجامعات التي تحتل المرتبات الاولى ..

كنتو شفتو انهن حاطين جامعة الملك فهد او مابعرف شو اسمها المهم انو هيي جامعة سعودية ...

بذمتكن من ايمتا كانت جامعات الخليج معترفة او مصنفة من اوائل الجامعات العالمية ؟!!

شيء معروف و لا يخفى عن احد بالاخص يلي عايشين برا بالخليج او غيره .. ان الخريج السوري سواء كان دكتور مهندس مدرس ... الخ ... مطلوب مطلوب مطلوب .. حتى لو معه  سنة خبرة بس ..

وهذا بيدل على مدى قوة الخريج علميا .. يعني بيعرفو : مو اخد الشهادة بالساهل او شاريها ...

مو ضروري تكون كل التصنيفات اللي بتنظمها المؤسسات العلمية صحيحة .. لانها غالبا لاتشمل كل المعايير ..

وبيضل رأيي ثابت وهو ان جامعة دمشق هي ىالافضل و الاقوى .. بين جامعات القطر و الوطن العربي .. ولاحدا يقلي جامعات مصر ولا الاردن و لا غيره .. ابدا ..

مافي ..

وانا بفتخر كوني طالب من جامعة دمشق .. لولا الصعوبات يلي بنواجهها :
1- المخابر .. معداتها غير كاملة ( طبعا حكى الاسكندر الاكبر عنها بمافيه الكفاية )
2- جو المحاضرة .. يعني الكل هلأ ملاحظ انه القاعات و المدرجات ماعم تسع الطلاب و نصهن عم يحضر برا ..! ولازمنا اجهزة تكبير صوت و ميكرفونات و اجهزة عرض ..الخ ..
3- نظام ال 60 يلي بيدبح دبح .. اعداد الطلاب يلي بترسب ..
لك اتخيلو .. قبل الدورة الاضافية كان من بين 200 طالب س 2 فيزيا 101 رااااااسب ..
!1

يمكن بعدنا شوي عن الموضوع ..

بس مع كل الصعوبات .. بتضل نوعية العلم و طريقة اعطاء بعض الدكاترة متقدمة نوعا ما ..
مافي مشكلة من هالناحية ...





اخي مصطفى يعطيك العافية و ان شالله ماكون تقلت عليك ....





تحياتي . .

B.A.
برج ايفل ..

والله أنا بعرف أنو تصنيف الجامعات ما بيكون من منظور جاهزية الجامعات بأحسن وأفضل الوسائل التعليمية...

جامعة دمشق أو جامعات سوريا بالمجمل تصنف من حيث مدى غنى المناهج يعني الطالب عنا صعب كتير ياخد الشهادة الجامعية بسوريا لصعوبة المناهج عنا...


ومن هون برأيي لازم تصنف الجامعات السورية بأوائل الجامعات العالمية...


شكراا عالموضوع ومتل ما قلت بتوقع التصنيف الأخير لجامعاتنا بسبب النظر إلى مدى جاهزية جامعاتنا بالوسائل التعليمية المتطورة أمام باقي الجامعات العالمية وليس بالنظر الى المناهج...


ويعطيك ألف عافية وبالفعل انصدمت ...

يا جماعة لو انو متل ما عم تحكوا مزبوط بانو المعايير يلي اخدينها تعتمد على التطور العلمي الموجود في الجامعات والمساحات الخضراء والنظافة وما بعرف شو
كانت جامعة القلمون اخدت المركز الاول بين الجامعات السورية عالقليلية مع العلم انو متل ما اتفضل احد الاخوة انو في فرق حوالي 3000 مركز بين جامعة تشرين وجامعة القلمون .......يعني جامعة تشرين احسن من جامعة القلمون ب 3000 مرة 
انا بتصور انو اكيد في معايير تانية الها علاقة بالمادة العلمية اللي عم تتقدم للطلاب
ونسب النجاح والرسوب
وحلقات البحث ومشاريع التخرج اللي عم تنعمل بكل فرع
يعني بحياة الله بحياتكن سمعتوا شي خبر بقول انو (( حسب الدراسة التي اجرتها جامعة دمشق فقد تبين ان ............)) كل عمرنا بنسمع بدراسات بجامعات هارفورد وبنسلفانيا وغيرا وغيراتا من الجامعات الاميركية او البريطانية اما عنا ...(( عبس ))
ودمتم

            ياجماعة قسما بالله انا مبسوط انو طلع لجامعة دمشق ترتيب كنت مفكرها منسية في غياهب وغبار التاريخ . هاد الا اذا هاد الترتيب هوي الاخير على المجرات  ....     وقتها يافرحتي بهالانجاز...

اذا اجينا للموضوعية والجد فجامعتنا/دمشق/ بدها كتير حتى تصير تقدر تنافس على مركز عالمي سواء من ناحية الوسائل العلمية او استيعاب افكار الطلاب واقتراحاتهن  او النماذج الامتحانية او حتى مايسمى مشاريع التخرج    واهم شي الممارسة العملية للاختصاص .و...و...و...و...و...
مثلا انا س4 حقوق لحد الان ماصار اي نشاط عملي بكليتنا يخدم اختصاصنا او مساعدتنا على الانطلاق بمجالنا بعد التخرج .....................


الا الوقوف امام لوحة النتائج اللي بتذكرنا بالمساجين
   

السلام عليكم............

والله أنا بعد السنتين اللي درستن بجامعة دمشق

وشفت العلم عنا و(خاصة كلية العلوم) لأي درجة هابط !!!!!!!!!!!!!!!

مالي مستغربة أبداً بالتصنيف

طبيعي جداً يكون هيك 

(ليش  بتزعلوا من الحق !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!) 

سلاااااااااااام

سلام

أنا بصراحة مابثق بهيك تصنيفات لأنو إذا بتلاحظو كل موقع إلو أرقامو الخاصة وأنا فتت على واحد من هالمواقع وكان ترتيب جامعة دمشق أي شي 7000 وشوي بس قبل جامعة تشرين ومن الجانعات السورية كلنت دمشق الأولى والمعهد الفرنسي أورينت التاني وجامعة تشرين بالمركز التالت

ومتلما قالوا ببداية التصنيف الجامعات الأميركية وكم جامعة بريطانية على فرنسية على ألمانية وإذا منقارن أي تصنيف ومنحسب عدد الجامعات التابعة لكل بلد مع عدد جامعاتنا بعتبر التصنيف وهالأرقام هي حلوة يعني شي 7000 جامعة أميركية أقل من ربعون بالصفحات الأولى للتصنيف وكم جامعة سورية على بدائة أدوات التدريس المسموحلنا فيها تصل لهيك أرقام من التصنيف

أنا عن جد مبسوطة بالتصنيف وأكيد جامعة تشرين مو قبلنا حكي مغرضين شفت بعنيي محدش قلي

السلام عليكم ورحمة الله وبركاته .....

صديقي إلكسندر طاهرنوف

اشكر مرورك وكلامك اللطيف ..
ما بدي اجزم بس بتوقع كل الكلام يلي قلتو ""على الاقل بكلية العلوم ""محقق وللاسف ...

يعني رغم انو لازم تكون كليتنا من اهم الكليات ولازم يتقدم لها الكثير من الدعم ..
من جهة المخابر ..والقاعات ..والاجهزة ...وغيروا ...ما عم نشوف شي ...