كرسي الاعتراف....خليك قدها...(علووووم)

مشاركة : 542

ThE NiGhT$ FuRy

MaNaGeMeNt Of
FaCuLtY Of ScIeNcE

..شــ3>ــام..

مسجل منذ: 30-08-2009
عدد المشاركات: 2465
تقييمات العضو: 138
المتابعون: 31

غير موجود
اشــترك بالتحديثات
رسالة مستعجلة

رد مشاركة : كرسي الاعتراف....خليك قدها...(علووووم)

06-09-2010 10:40 PM

وعليكم السلام ورحمة الله وبركاته

اقتباس

هل هي نظرتك للزواج إنو شي ضروري وما بيهم مين الإنسانة يللي بتشاركك حياتك ولا إذا كان فيه انسجام بينك وبينها..

الزواج أكيد شي ضروري
واختيار الزوجة المناسبة هو أساس نجاح الزواج
والإنسانة يلي رح ارتبط فيها .... أكيد بتهمني مين هية .... بس إنو يكون زواجي منها عن حب ... حتى لو صار ... وتغيرت أفكاري مع الوئت ... ما بظن إنو ينجح وأكيد رح يفشل
ممكن برأيي بشكل عام
إذا شخص شاف أنثى بالطريئ وأول مرة بيشوفها ... يلهفلها ئلبو ... ويتعلئ فيها ... ويتزوج منها ... على الأغلب هاد زواج تقليدي ... ولو إنه فيه شي إسمو حب

اقتباس

يعني من أحد ردورك ذكرت إنو الزواج التقليدي فيه فرصة يستمر الحب شغلة كم سنة..!! طيب وبعدين؟؟؟ شو بيصير؟؟؟ كأنو نظرتك فيها شي من السلبية..

أنا كنت عم أحكي عن حالة عامة وكلامي كيفي مو كمي
أكيد رح ينتهي الحب
لأن ما فيه تجديد
والحياة رح تصير روتين
بس بعد وئت كبير
وما بيكون صفي بالعمر أكتر من اللي راح
طبعاً نحنا بشر ... وكل واحد عندو أحاسيس وطاقة بنسبة معينة

هي هية الحياة
رووووووووووتين مع الأيام

أنا مو متشائم من الحياة ولا نظرتي سلبية
بس هاد الواقع يلي عم شوفه كل يوم بكل وئت وبكل مكان

أنا متفائل كتير
بس نظرتي للحياة بتختلف عن الجميع إجمالاً
يمكن بحكم البيئة والجو اللي عشته واللي عم عيشه واللي شفته من الدنيا

اقتباس

وبخصوص زوجة المستقبل .. زعلتني منك!!! شو هي للتاسع الله يسامحك..
بهالأيام أهم شي الزوجة تكون دارسة.. كيف بدها تربي ولادها وتتابعون بحياتون..؟؟ لازم الواحد يفكر لقدام.. الأب مسؤول طبعاً, بس الأم عليها المسؤولية الأكبر هي يللي قاعدة بالبيت مع الولاد لازم تتابع دراستون وقعدتون عالتلفزيون وبكرة عالإنترنت.. خاصة إنو هالجيل صاير فتح ولاد بعمر العشر سنين عميفتحو إنترنت ويعدو بالساعات.. هدول إذا ما في ام واعية بالبيت تدير بالها عليهون شو بيصير؟؟؟

المستوى التعليمي مهم أكيد
بس بالمقابل ... فيكي تعطيني نسبة كبيرة من طلاب الجامعات ... حكيي عل إناث أكيد
فيكي تعطيني نسبة كبيرة بحدود 80% من البنات ... فايتين عل جامعة منشان يدرسو ..؟؟
ئصدي مو الدراسة الدراسة .. أكيد نحنا وغيرنا بدنا ندرس
بس أنا منشان ما طول ردي وكلامي
الصالح عم يضيع مع الطالح على نظر عيني
أنا بيهمني الماضي .. ما بيهمني الحاضر ولا المستقبل ..
أنا إنسان إلي تفكيري وإلي معتقداتي
يعني أنا بيهمني الماااااضي كتير
وهو أهم نقطة بحياة شريكة حياتي
رح سلم معك جدلاً بنقطة
إني رح إتزوج جامعية
متخرجة أو طالبة
طيب

أنا متل ما ئلت ما بعرف ماضيها .. ومنشان هيك رح تضل أفكار براسي شروي غروي .. هاد الشي مو بطبعي لأني شكاك لاااااء ... لأن أول شي النفس أمارة بالسوء ... وتاني شي اللي عم شوفه كل يوم وما في داعي إشرح كلامي لأن واضح كتير
أكيد رح يجعني راسي
منشان هيك بفضل إني كون مرتاح وإتجنب هل أمور
وبالنسبة للأطفال .. فأكيد كلامك صحيح ... الأم لازم تكون متعلمة ومثقفة وواعية
بس أكيد أنا رح كون متفرغ كتير للأطفال ومع مرور الايام على بين ما يصير عندي أطفال .. بتكون زوجتي أخدت طريقتي بالتفكير وشو اللي أنا بدي ياه وكيف بدي أطفالي يكونوا سواء التربية .. التعليم .. الاهتمامات

بدي ئول كلمة ياريت بس تفهميها عليي منيح

ئد ما كان الإنسان واعي ومثقف وفهمان ... ( وشاطر بمجاله ودراسته بالجامعة وغير الجامعة ) بيضل في شي إسمو ( معاشرة وخبرة بالحياة ) هية يلي بتكمل شخصية الإنسان وبتوسع آفاقه بالتفكير وبالتعامل مع المجتمع والأهل والأطفال
أنا ما عم ئول عني إني كامل من النواحي الاجتماعية
لاء .. كل إنسان بيمتلك شي معين .. والأيام بتعلم .. والايام جاية .. بتزيد الخبرة بالحياة .. والأيام كفيلة بإنها تغير نظرة الشخص لأي فكرة .. ممكن يصير ظرف أو حادث أو أي شي بيخلي الإنسان يتغير 180 درجة

اقتباس

وآخر شي هلأ خطر ببالي .. يعني ما شاء الله حولك إنت مثقف وفهمان وعندك طموحات بحياتك ما لازم تكون زوجتك قريبة منك بهالنواحي يعني منشان تفهم عليك إذا حبيت تحكي معها بموضوع معين.. لأنو ما في أصعب تعيش مع حدا ما بيفهم عليك بيحس الواحد حالو عايش لحالو..

أول شي
بتشكرك كتير على كلامك الجميل وهاد بيدل على زوءك وأخلاقك الحسنة
تاني شي
زوجتي لازم تكون قريبة مني أكيد ... وتفهم عليي ... بس في شي أنا بآمن فيه .. إسمه جمااااال الروح
يعني لما تكون الروح جميلة ممكن تكون الحياة جميلة كتير
تالت شي واللي هو صلب جوابي جول نقطتك اللي طرحتيها
أنا حكيت بشكل عام عن إنها تكون للصف التاسع مثلاً
ههههه
أكيد مو ئصدي هيك
بس اللي بدي ياه إنه تكون واعية وتكون عم تدرس
يعني تكمل دراستها تحت عيني وتحت جناحي
ولا تواخذيني بهل كلمة
إنتي أكبر مثال على نجاح الدراسة والزواج مع بعض
وكمان مرت عمي
تزوجت سنة أولى شريعة
والسنة الماضية تخرجت وبمعدل كمان
هاد الشي ممكن يصير وبنسبة كبيرة كمان

أنا إنسان بغااااااااااار كتير
وشامي
أنا ما عم إحكي عن الشوام بالعاطل
هههه
لاء أكيد
أنا بحب يكون كل شي حواليي متل ما بدي
كل شي بدي ياه بساويه
بدي زوجتي تكون متعلمة أكيد ... وأكيد طموحي عالي بمستواها التعليمي واللي هو إنه تكون معها شهادة دكتوراه
بس كل شي ... تحت سئف بيتي

أنا مو متحجر
ولا شكاك
بس بغار وما بئدر إتحمل أي شي بيمسني بهيك أمور
ولا بئدر إتحمل لحظة غيرة أو أي فكرة تجي لراسي إنه بيوم من الأيام زوجتي كانت على علاقة ولو عابرة مع أي شخص
أنا بحب بعئلي وبئلبي
ولما بحب ... بتملك الشخص وبخليه يتملكني بالمقابل
وبضحي بكل شي حتى بروحي منشان حبيبي

وصلت فكرتي ؟؟

اقتباس

وبالنهاية بيضل كل واحد إلو أفكارو الخاصة طبعاً وما حدا بيفرض رأيو عالتاني كل ما هنالك إنو النقاش بيفتح الآفاق وبينبه الإنسان لشغلات ما كانت جاية ببالو..

أكيد

اقتباس

لا تواخذنا وجعنالك راسك مرة تانية...

لا ولو
لا وجتعيلي راسي ولا شي
إذا عندك أي نقطة حابة نتناقش فيها
ياريت تطرحيها هون بالموضوع

وسبب طرحها هون
رح يجي بالرد التاني

السلام عليكم ورحمة الله وبركاته

« عرض آخر مواضيع العضو »

وأمرُّ مَا لَقِيْتُ مِنْ أَلَمِ الهَوَى .. قُرْبُ الحَبِيبِ ومَا إلَيْهِ وُصُولُ

كَالعيِسِ فِي البَيْدَاءِ يَقْتُلُهَا الظَمَا .. والمَاءُ فَوْقَ ظُهُورِهَا مَحْمُولُ

يَا بَدْرُ كَمْ سَهِرَتْ عَلَيْكَ نَوَاظِرُ .. يَا غُصْنُ كَمْ نَاحَتْ عَلَيْكَ بَلَابِلُ

البَدْرُ يَكْمُلُ كُلّ شَهْرٍ لَيْلَةً .. وَهِلَالُ وَجْهِكِ كُلَّ يَومٍ كَامِلُ

أَنَا أرْضَى فَيَغْضَبُ قَاتِلي فَتَعَجَّبْوا .. أَيَرْضَى القَتِيْلُ وَلَيْسَ يَرْضَى القَاتِلُ؟؟!

قَتْلُ النُّفُوسِ مُحَرَّمٌ لَكِنَّهُ .. حِلٌّ إذَا كَانَ الحَبِيبُ القَاتِلُ ..

أنت غير مسجل لدينا.. يمكنك التسجيل الآن.