في فكرة كمان بس بدها شوية تكنولوجيا
فارمسي كريدت كارد
يعني متل بطاقة شراء مسبقة الدفع بيشتريها الزبون مشان يشتري فيها أدوية
والزبون بيستفيد أنو لح يكون في خصم خاص لأصحاب هالبطاقة
والصيدلي بيستفيد أنو هالبطاقة لح يكون ألها حد أدنى لتنشرى متل ألفين ليرة
ويمكن اعادة شحن البطاقة بحد أدنى معين وممكن يكون في حد زمني لصلاحية البطاقة
هي الفكرة هدفها زيادة ولاء الزبون للصيدلية
لأنو بنظر كتير من الناس كل الصيدليات متل بعضا خاصة وقت مابدو الزبون استشارة فساعتها مارح
تفرق معو الصيدلية .أما وقت يكون عندو هالبطاقة فلح يعمل جهدو أنو يستفيد منها ومايروح عليه هالخصم

ممممممممم

هلأ الcredit card إلها طابع تجاري بحت
                                                             
بس بعتقد بتنجح ضمن مناطق محددة
                                                               
ومفيدة لمرضى الأمراض المزمنة

أي مزبوط كلام زيد
وكمان مفيدة للتخلص من نئ المرضى على موضوع الخصم
وهيك مين ماقلك اخصملنا اخصملنا بتقلو اشتري بطاقة هههه

ما شاء الله عليكن عن جد افكار بتجنن
ان شاء الله بتحققو كلشي حكيتو عنو

انا عجبوني الاقتراحات كلهن والمشكلة عم فكر باقتراحات بس ما عم يطلع معي
وبكيررررر كتير اصلا عالتفكير

بس بستفيد منكن ... الله يعطيكن العافية

تطوير لفكرة  Credit card
ممكن للمرضى/الزبائن إلي صار في عندون ولاء ينعمل ملف خاص

على الكمبيوتر طبعاً، ونسمي (على الحساب) بدل كلمة دين



ممكن للزبائن من خلال ها الخدمة أخذ أدوية أو أي شي برصيد أعلى مثلاً (3000) و التسديد مثلاً آخر الشهر.

أنا بعتقد هاي نفس فكرة فارس  ولكن فيها تشجيع و على المدى البعيد ممكن تتحول معنا ل Credit card

رح الفت انتباهكن لشريحة مهمة من المرضى

"المرضى المزمنين"

في كتير خدمات ببالي ممكن  تتوجه لها الشريحة؟؟؟


ولكن بالأول رح  نشوف إقتراحاتكون

وإذا ما خطر ببالكون شي رح اقدم إقتراحاتي

researcher  pharmacist







في كتير من الأبحاث والنتائج العلمية المفيدة تعتمد على الدراسات الإحصائية

إذا إقدرنا نشكل فريق من صيادلة المجتمع  المدرب على إجراء دراسات إحصائية
بشكل  علمي ودقيق رح تتحول صيادلة المجتع لمراكز للبحث وللعلم



ممكن إلي بيسمع هالكلام ممكن يقول شوووووووو


ولكن عن جد ممكن تدريب فريق من الصيادلة(جمعية) قادار على إصدار المئات من

الأبحاث العلمية المفيدة التي تعتمد على الإحصاء فقط ولا تحتاج إلى مخابر او أي

رأس مال

السلام عليكم

أحدث الأفكار:

خدمة الوزن المثالي

وهي خدمة تقدمها الصيدلية للراغبين بالحصول على وزن مثالي والمحافظة عليه

ممكن دراسة هذه الخدمة من عدة جوانب مثل:
  1-يكون لكل مشترك بطاقة تعريفية
2-تزويد المشترك بمعلومات صحيحة عن الحميات و النظم الغذائية
3-تقديم الأدوية المناسبة والمكملات الغذائية
4-تقديم الاستشارات و النصائح
5-تقديم الدعم النفسي والمعنوي
6- مراقبة الوزن  وتدوينه في ملف خاص

أعتقد أنو لو يندرس هالموضوع بشكل جيد و يتخصصلوا الجهد والكفاءة
رح تكون ضربة الموسم