السلام عليكم.....

افتكرتو غلوريوس حب لأنو في هيك شي ليونيفارما و ما بعرف إنو في منو شامبو.....

يلا هي معلومة جديدة......

اسمعوا هالقصة وفيها سؤال ما بعرف جوابه:

دخلت أم لديها بنت عمرها حوالي 10 سنوات تعاني من السلس الليلي وتسأل النصيحة (يعني عند أي دكتور تروح) علماً أنها تعاني أيضاً من التهاب مفاصل رثياني شديد جداً سببه وراثي وتأخذ لمعالجته (methotrexate) خمس حبات يومياً ......هي خائفة جداً من الدواء وحتى أنها تخاف معالجة السلس البولي حتى ما تتداخل الأدوية مع بعضها


والسؤال: قرأت عن "الميتوتريكسات" ولم أجد مبرراً يجعل طبيب الأسنان يرفض معالجة تسوس لدى الفتاة بسبب تناولها لهذا الدواء .....قال ما بيحط حالو بهيك مسؤولية!!!   طيب شو السبب؟؟؟ وما الحل؟؟ يعني هل يبقى ضرسها مسوس بسبب تخوف الأطباء من المعالجة؟؟ ولم يعرف أنه بتصرفه هذا جعل الأم تدخل وهي تبكي من شدة خوفها من الدواء الذي بات العلاج الوحيد لابنتها.....

هي وصفة جديدة "إفطارية رمضان"





بس مو تخربطوا بالأدوية عالصيام

شكراً غولدن عالوصفة بس ما عرفت غير الأول  metforal850 لشركة يونيفارما

حبة مع الطعام

يحوي ميتفورمين لعلاج السكري

الدواء الثالث: adafol لشركة أدامكو

حبة بعد الأكل

يحوي حديد

و باقي الخرابيش ما عرفتهم

***********************************************

مشان سؤالك رح أسأل أخي كونه طبيب أسنان

مرحبا بالجميع
رمضان مبارك عالكل    

نسرين دكتور الأسنان بيخاف من الميتوتريكسات لأنو بيعمل نقص صفيحات وبالتالي إذا صار جرح باللثة أونزف احتمال ما يتوقف

بالنسبة للمرأة بظن بيعطوها للبنت ايمبرامين هو مضاد اكتئاب ثلاثي الحلقة بس بيستخدم لعلاج السلس البولي عند الأطفال لأنو الو خواص حاجب موسكاريني هيك بتذكر أخدنا بالأدوية بس ما عندي فكرة إذا بيتداخل مع الميتوتريكسات  

شو وينها غولدن مشان تصحح الوصفة

***********************************************

مشان الميتوتريكسات فأنا سألت أخي و قلي إنو حتى لو كان هاد الدواء بعمل نقص

صفيحات و نزف ففي إجراءات بيقدر طبيب الأسنان يعملها تمنع من خطر هالنزف و

الموضوع ما بدو كل هالخوف!!!!!

شكراً سويت لايف ونور الهداية على الإجابات.....بس عنجد هالبنت حالتها زعلتني كتير....يعني هي مريضة مرض مزمن فليش أهل الاختصاص بالحقل الطبي يزيدوا الهم عليها ......وكلنا منعرف أهمية الحالة النفسية لتناول الدواء.....ووقت شخص خايف من الدوا بيجوز ما يحصل على الاستفادة القصوى منه

======================

اقتباس

شو وينها غولدن مشان تصحح الوصفة

كنت عم أنتظر تفاعل بقية الشعب ......بس شكلن صايمين ومو رايقين لحدا

============================

اقتباس

الأول metforal850 لشركة يونيفارما

حبة مع الطعام

يحوي ميتفورمين لعلاج السكري

الدواء الثالث: adafol لشركة أدامكو

حبة بعد الأكل

يحوي حديد

صحيحين  
لكن لا أعتقد أن الميتفورال كان لعلاج السكري......بل أغلب الظن أنه استخدوم هنا لحالة (المبيض متعدد الكيسات) أو حالة مشابهة.....لأن هذه أحد استطبابات الميتفورمين وكما أذكر أن الفتاة كانت صغيرة

لمعلومات بسيطة أخرى حول هذه المتلازمة:
http://pha.jamaa.net/art261885.html


والدواء الثالث هو (utrosteron) هذا دواء استيراد على ما أظن ....دواء هرموني منظم ...الأسبوع القادم أخبركم تركيبه بالضبط لأنه اليوم كان عطلة




شكراً نور الهداية  
وحضري حالك لوصفة تانية قريباً

السلام عليكم...
سؤال
هل صحيح أنو فيتامين cمنشط وإذا كان هيك ليش في دواء (أغربينو)موجود في مادته الفعالة مع مسكن الألم ستامول وسيتاكودائين؟؟؟؟


والسلام
رمضان كريم


كل عام وأنتم من الله  أقرب

السلام عليكم.....

ممكن حدا يقلي شوفي أسماء تجارية لأدوية عنا فيها الأسكلوفير أو الأمانتدين.....

و سؤال تاني شو هي الوسيلة يلي ممكن نتبعها مع المرضى يلي بيجوا عالصيدلية لنقنعهون إنو الفيتامين c ما لوعلاقة الرشح...

و سؤال تالت شو في دواء للرشح ما برفع الضغط و لا كلهون بيرفعو بدون استثناء...

اقتباس

ممكن حدا يقلي شوفي أسماء تجارية لأدوية عنا فيها الأسكلوفير أو الأمانتدين

في زوفيراكس ليونيفارما مرهم للعقبولات

في شراب اسمو (اسيكلوفيران) و (سيكلوفيران) يمكن لمسعود وبحري

اقتباس

سؤال تاني شو هي الوسيلة يلي ممكن نتبعها مع المرضى يلي بيجوا عالصيدلية لنقنعهون إنو الفيتامين c ما لوعلاقة الرشح

كمان ما في شي مؤكد أنو فينتامين  سي مالو علاقة بالرشح بالمرة......هو بالنهاية فيتامين وبيقوي المناعة وبوجود العامل النفسي ممكن يشفي الرشح يللي أصلاً مدته 3 أيام.......

اقتباس

و سؤال تالت شو في دواء للرشح ما برفع الضغط و لا كلهون بيرفعو بدون استثناء

والله يمكن كلن بيرفعوا الضغط بس متل ما كأنو سمعت أنو فيكي تعطي مضاد احتقان موضعي (بخاخ أو قطرة أنفية) فبيكون تأثيره أخف


وإذا في اعراض حساسية فمضاد هيستامين بيوفي بالغرض بدون أدوية رشح.....جربت (كلاريتين) على هيك حالة ومشي الحال كتير


============================

اقتباس

هل صحيح أنو فيتامين cمنشط وإذا كان هيك ليش في دواء (أغربينو)موجود في مادته الفعالة مع مسكن الألم ستامول وسيتاكودائين؟؟؟؟

بس ما في تأثير متناقض......يعني فيتامين سي مالو منبه عصبي مركزي....هو منشط عام