[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> قسـم جـامعــة دمشــق --> منتدى جامعة دمشق
    لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت
عنوان البريد :  
كلمة المرور :  
                    تسجيل جـديد


صفحة 20 من 34 <- 18 19 20 21 22->

مشاركة : 191


prince007

جامعـي جديــد





مسجل منذ: 20-07-2010
عدد المشاركات: 1
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

[color=green][size=3]لحظة من فضلك شو بتعرف عن هندسة هاد العصر[/size][/color]

25-07-2010 03:43 AM




مساء الخير وبقول مساء لأنو أنا ما بفتح النت إلا بالليل وأظن الأغلب متلي ع كل حال بلا طول سيرة أنا طالب سنة تانية (هندسة التحكم الألي والأتمتة الصناعية بجامعة حلب) طبعا ما بعرف كتير عن التخصص بس البعرفو راح أكتبو:
يمكن كتير من الناس بيسأل شو هاالفرع الأسمو شي سطرين ونص يا أحبتي هاد فرع هو عبارة عن تجربة حلوة في عالم الهندسة يعني ببساطة هو بياخد شوي من هندسة الإلكترون (الكترونات صناعية) شوي من هندسة الحواسيب والمعلوماتية(لغات البرمجة متل c++وماتلاب) شوي من هندسة الطاقة( أليات وقيادة) وشوية ميكانيك.وأخيرا علم التحكم الألي وأتمتة النظم الصناعية (الروبوت كمثال بسيط).
فرع كتير جميل يمكن البعض يقول أنو هالفرع تجميع بس هو مو هيك هوعبارة عن تكامل كل هاالأشياء ومزجها مع بعض لتخرج للناس مشروع هندسي متكامل. طبعا بالسنة الأولى درسنا مواد عامة(فيزياء-رياضيات-كيمياء-انكليزي-ميكانيك....) بالسنة التانية تبدى شو المواد التخصصية(برمجة1/2-ألات وقيادة...) بالسنة التالتة الموادتخصصية أكتر(التحكم الحديث1/2-الدارات الإلكترونية-النظم المنطقية والدرات الرقمية-عناصر التحكم-المعالجات-الإلكترونات الصناعية) السنة الرابعة(الأنظمة الميكروية الحاسوبية-تصميم الدارات بالحاسوب-وثوقية أنظمة تحكم-الشبكات الحاسوبيةالدكاء الصنعي...وغيرها) السنة الخامسة(أتمتة النظم الصناعية1/2-أنظمة التحكم المتقدمة1م2-أتمتة العمليات التكنولوجية-تحكم تكيفي-نمدجة نظم التحكم وأخيرا هندسة الروبوت)
طبعا هو أكتر فرع عملي بالهندسة الكهربائية والإلكترونية(مو مدح بالفرع بس واقع)،من سنتين تلاتة استوردت الدولة مخبر اأتمتة نظم التحم والنمدجة بكلفة 10مليون يورو فيعني الفرع مو بسيط وكتير حلو وعملي ويمكن أكتر فرع فيه عملي بالكهرباء والإلكترون.طبعا عند التخرج يحصل الطالب على شهادة في الهندة الإلكترونية تخصص تحكم ألي وأتمتة صناعية. طبعا دراسة الماجستير متوفرة في الكليات الأربع في الجامعات الحكومية. التخصص مطلوب بره كتير في الشركات العالمية. الفرع موجود في جامعة دمشق بقسم هندة الحواسيب بالسنة الرابعة ممكن يتخصص الطالب بالتحكم. أسف عل الإطالة ويالي عندو أي سِال ممكن يسأل أنا بخدمتكن حبايبي.
وعلى فكرة الإنسان هو يالي بيصنع شي من فرعه يالي عم يدرسو مو الفرع يالي بيصنع شي من الإنسان
 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 192


I.Swidan

جامعـي مشــارك





مسجل منذ: 16-09-2009
عدد المشاركات: 88
تقييمات العضو: 0
المتابعون: 4

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

27-07-2010 11:59 AM




مرحبا ........
أنا طالب بكلية الهندسة المدنية واللحمد لله هلق صرت سنة رابعة .........

هلق الهندسة المدنية بسموها أم الهندسات و وهي عنجد كل ما الواحد تقدم بالمعرفة عنها بحس بهاد الشي .......
بس قبل ما بلش في عالم يمكن شوي بتخلط بين المدني والمعماري وببساطة الفرق بين هالهندستين هو انو :
المعماري بصمم شكل البناء من برا و وجوا والمدني هو يلي بيطلع فيها يعني المدني هو يلي بيحسب قديش بدو البناء حديد واسمنت و..........

يعني ما رح طول عليكم الحكي رح حكي بالمختصر المفيد انو :

...... (( طبيعة الدراسة )).........

هلق كليتنا بتعتمد بالدراسة اكتر شي عل رياضيات والفيزياء الميكانيكية وليس الفيزياء الالكترونية والكهربائية وهي من وجهة نظري (( الميكانيكية )) بفضلها أكتر من الكهرباء  يعني فيني قول ل بالنسبة لطالب البكالوريا بتشبه دراسة النواسات والقوى بعدين كلما تقدم الواحد أكتر بالدراسة بصير في تخصص أكتر فيها .


أما مجال العمل بعد التخرج

يعني لسى ما جربنا بس على هوا ما بيقولو انو المهندس المدني مستحيل يقعد بلا شغل والهندسة المدنية الها اختصاصات عددها 7 وهي (( الإنشائية -الإدارة والتشييد - الطرق والمواصلات - الجيوتكنيك - المائية - البيئية - الطبوغرافيا )) بس هلق بجامعة دمشق ساوو اختصاص واحد وهو عام يعني الواحد بيطلع بتاع كلو (( فهمان بكل شي )) بس بغير محافظات لسعتها موجودة هي الاختصاصات .
وطبعا فينو الواحد بعد ما يتخرج دغري يشتغل أو يكمل بمجال الدراسات العليا ويشتغل سوا .

وبتمنى كون هيك ادمت ولو فكرة بسيطة عن هل الفرع وتقبلوا مروري وشكرا ً لكم ........................                





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 193


شبل العقيدة

جامعـي مبـدعـ





مسجل منذ: 09-07-2010
عدد المشاركات: 209
تقييمات العضو: 17
المتابعون: 9

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

29-07-2010 03:32 PM




السلام عليكم
الاسم احمد الشيخ  طالب سنة ثالثة  جامعة دمشق  كلية الهمك  اختصاص الكترووون واتصالات  تحوي كيلتنا على العديد من الاقسام منها هندسة الميكانيك والكهرباء والحواسيب والاتمتة  الطبية ...................
اما عن اختصاصي فهو اختصاص  رائع وشيق "بغض النظر عن المعاناة " فهو يواكب التطوور وكما نرى ونلمس التطور الحاصل في علم الاتصالات  التي تخدم البشرية خدمات جليلة فندرس في اختصاصنا  ايضا مواد من اختصاصات اخرى  من تحكم وبرمجة ونظم منطقية ووووو.......
تتجسد روح الاخوة والتعاون بين زملاء الاختصاص الواحد يتبادلووون المعلوومات ويتساعدووون على فهم المعلومة  والتعاون في انشاء المشاريع الاختصاصية
كما تضم  ابنية حديثة وسكنا للطلاب فالطالب الذي يسكن السكن يصل خلال دقائق الى مبنى الاختصاص  كما ان  هناك بناء كلية المعلوماتية الذي  سيتم تجهيزه قريبا  بالاضافة الى المعاهد "معهد الهمك والمعهد التجاري
ولا ننسى المعهد العالي للترجمة
كادر اداري ماشي حالو وكادر تدريسي "مش ولا بد"
اختصاص جميل له آفاق واسعة "احسن شي مرة  واحد قلي لما بتتخرج  شو بتصير مصلح تلفزيونات ومسجلات"
وووووووووووووووبس  وشكرا للمتابعة وبعتذر اذا طولت عليكووون شوي
 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 194


RoOose

جامعـي مشــارك





مسجل منذ: 29-07-2010
عدد المشاركات: 47
تقييمات العضو: 1
المتابعون: 4

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

04-08-2010 10:40 PM




                                          مشكور عالموضوع كتير حلو     
                    انا طالبة تاريخ سنة اولى  وانشالله بترفع ع التانية
                      انا كان طموحي ادرس انكليزي لاني كتير بحبو بس للاسف
                      ما طلعلي والناس بس يسألوك شو بتدرس وبتقلن تاريخ بتحسون ما
                    بيعجبن وبيستهانو بهالفرع كتير  مع انو دراستو كتير حلوة متلو متل فرع
                    الاثار والناس بظنو انوالتاريخ  فرع سهل وهو بالعكس صعب جدا
                    وبدو دراسة وتعب كتير ومجالاتو كتير حلوة واحلى شي فيو انو ممكن
                    طور لغتك وتصير دليل سياحي وانا بس درستو حبيتو كتير
                    يمكن طولت عليكن شوي
                                       




اكتب ما تقوله الناس ضدي  في اوراق     واضعها تحت اقدامي  
وكلما زادت الاوراق  ارتفعت انا  الى الاعلى 


أنت غير مسجل لدينا.. يمكنك التسجيل الآن.

مشاركة : 195


zyadku

جامعـي جديــد





مسجل منذ: 24-10-2009
عدد المشاركات: 23
تقييمات العضو: 0
المتابعون: 6

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

06-08-2010 11:52 AM




مرحبا أنا زياد
أنا بدرس معهد هندسي اختصاص رسم هندسي  وخترت المعهد طبعاً لأنو علاماتي ما جابتلي غير معاهد
بس أخترت المعهد الهندسي لأن في شي متل الرسم المعماري والهندسي يعني أريب عل عمارة والمدني
اختصاصات المعهد:
رسم هندسي- بيئة – مساحة- انشائات عامة – فنية وبلديات
أنا أختصاصي رسم رسم هندسي من شان هيك لح أكتب مواد الرسم الهندسي للسنة الاولى لأنو أنا سنة أولى
رسم هندسي- رسم معماري –هندسة وصفية –معلوماتية- رياضيات – مقاومة مواد – بيتون – عربي –ثقافة –إنكليزي – نماذج.

أنا عم أكتب المواد لأنو المواد يمكن تفيد الطالب بمقارنة الكليات وماذا يحب أن يدخل
أنا طرحت هل موضوع بقسم المعهد الهندسي لأنو بصراحة عملت بحث عل نت عن هل شي وضليت يومين دور بس من دون فائدة
لأنو بصراحة مواقع الجامعة كلها بتقرف بس هاد أحسن موقع بشوفو
وهاد الشي طبعاً يعود على مواضيع الطلاب الشيقة والمفيدة والمسجلين فيه
                                        سلااااااااااام حار إلى جميع الأصدقاء




ZyadKu
Be optomistic, even difficult times will lead to better days


أنت غير مسجل لدينا.. يمكنك التسجيل الآن.

مشاركة : 196


المهندسة اسراء

جامعـي جديــد




مسجل منذ: 31-12-2009
عدد المشاركات: 2
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

08-08-2010 09:42 PM




مرحبا انا اسراء طالبة بكلية الهندسة المعمارية وانشاء الله حأطلع عالرابعة
بالنسبة للفرع ممتع جداً في إثارة يعني عنا بالكلية من أول يوم بتفوت عالفرع بضلك متوتر لحتى تتخرج وعايش على أعصابك لأنو عنا كل شي بالتنقيط اسكيز ,طباعة مشروع , أو انك تدق الباب عالناس وهي قاعدة ببيوتها منشان قياسات البيت.............الخ
بس بالرغم من هاشئ عنجد ما لح تلاقي متل العمارة لأنو فرع كتير حلو والكلية حلوة والناس هونيك لبعضها يعني فيك تستعين بأي طالب انو يساعدك دون أي منية بالعكس لح يكون هو مبسوط لأنك ساويتو فهمان وسألتو
اسفة كتير طولت عليكن





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 197


قبائل الياسمين

جامعـي جديــد




مسجل منذ: 02-08-2010
عدد المشاركات: 3
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

مني أن

09-08-2010 06:45 PM




مرحبا
أنا طالبة بكلية العلوم قسم البيولوجيا
درست هذا الفرع مو بناءاً على رغبتي وإنما هيك ماما بدها
مو ندمانة أبدا وبالعكس كتير كتير مبسوطة
تغلبت كتير بأول سنة لأني ماكنت بعرف جو الجامعة ونظامها
أنا هلأ سنة تالتة
قسم علم الحياة قسم جداً ممتع من حيث العملي والتشريح وإنك تكتشف كل شي بنفسك
بغض النظر سواء كان بقسم الحيوان أو النبات
وحاول تكون جميع نتائجك العملي والنظري منيحة أو بالأحرة ممتازة لحتى تساعدك تدخل أعلى اختصاص بالسنة التالتة
والاختصاصات هن كيمياء حيوية وأحياء دقيقة والحيوية البيئية
بالتوفيق





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 198


ياسمين الشام.

جامعـي جديــد




مسجل منذ: 21-07-2010
عدد المشاركات: 9
تقييمات العضو: 0
المتابعون: 6

غير موجود
اشــترك بالتحديثات
رسالة مستعجلة

لح احكيلكم عن فرعي

09-08-2010 09:19 PM




أنا طالبة بكلية الهندسة الكهربائية والميكانيكية قسم حواسيب
طبعا المفاضلة هي التي حكمت علي بهالفرع لأني ماكنت سمعانة فيه بلأصل
وهو فرع حلو يلي بحب الحاسب بس بدو شغل كتير ومتابعة
وبصراحة مافي شي سهل
وله مجالات كتير بس ناقصه شوية دعاية ليعرف الناس عنه



أنت غير مسجل لدينا.. يمكنك التسجيل الآن.

مشاركة : 199


اقرأ و ربك الأكرم

جامعـي مشــارك





مسجل منذ: 07-09-2009
عدد المشاركات: 37
تقييمات العضو: 1
المتابعون: 5

غير موجود
اشــترك بالتحديثات
رسالة مستعجلة

فيزيائية وافتخر

09-08-2010 09:35 PM




مرحبا
ان طالبة بكلية العلوم قسم الفيزياء سنة ثالثة بحب فرعي كثير و بشكر ربي دائما على العلامات يلي جمعتها بالبكالوريا لاني لو جمعت اكثر اكيد ما كنت فتو مو مشان شيئ بس لانو ما خطر ببالي يوم انو اتخصص بهالمجال على الرغم من اني من يوم يومي بحب الفيزياء
فرعي مشوق و جميل و بيحتاج للفهم كثير و براي بدو تعب و شغل بس للي بحب الفيزياء رح يلاقي حلاوة لهالشي
وشكرا





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 200


قبائل الياسمين

جامعـي جديــد




مسجل منذ: 02-08-2010
عدد المشاركات: 3
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

14-08-2010 08:36 AM




مساك ورد أستاذ يزن أنا أحترم جدا أحترم فيك طموحك والأمل يلي بين حروف كلامك
أنا طالبة بكلية العلوم سنة تالتة قسم البيولوجيا
أنا كتييير  مبسوطة بدراستي والحمدلله
ممكن أنا وأنت وغيرنا من العالم يلي عندها طموح انها تكمل دراسة ويكون الها روح لتضل ساعات وهي عيونها وعقلها وحتى كل كيانها معلق على صفحات الكتاب أو المحاضرة
فما بال الطالب يلي تشوفه بعيونك يائس وما ضل عنده ذرة أمل بالدراسة؟؟؟؟؟؟
قبل مايكون قلة دراسة أو تركيز أو استيعاب أو دراسة كمان لا ننسى دور الدكتور ونظام الأسئلة والدوام وحتى السكن وخاصة ازا ما كان من الشام أو بالأحرى من نفس البلد الموجودة فيها جامعتك................
وانا بعرف طالبة من كلية العلوم قسم الفيزياء طلعت من دورة المرسوم بدون ما تترفع وصار معها مرض نفسي وتتعالج عند الدكتور الله يكون معها
الحمدلله على نعمة الصحة ونعمة العزيمة والاصرار فينا
وشكرا كتيييييير الك
 





ملتقى طلاب جامعة دمشق




أنت غير مسجل لدينا.. يمكنك التسجيل الآن.
التعليق باستخدام الفيسبوك
صفحة 20 من 34 <- 18 19 20 21 22->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة