شباب:

أول شي : هاد واجبي يا لؤي و valiant

تاني شي : نحنا مو بس بدنا نعترض ع الانكليزي .. نحنا بدنا نناقش كل المشاكل اللي صارت معنا بالكلية طول السنة و على سبيل المثال انو ما كنا نفهم على د.حمدان و د.رضوان و د. تلتللو و كمان مشكلة تفاوت العلامات بين الزمر و المهندسين

تالت شي : أنا مرفع الانكليزيتين و مع هيك بدي اعترض لأنو الحق حق و لازم يرجع لاصحابه

رابع شي : بتمنى انو أكبر عدد ممكن من الشباب (و الصبايا منشان ما يزعلوا انو عم قول شباب) يحضروا منشان يكون طرح المشاكل أصدق و يكون التأثير أكير و يكون الحل أسرع

موعدنا الخميس 29/07/10 13:30 بالمدرج التاني


مدتم و دامت المدنية بكم....

زميلي مدني و بفتخر

اللي صاير بالضبط إنو نحنا رايحين على رئاسة الجامعة

مشان نشتكي بالنسبة للانكليزي

باعتبار نسبة النجاح كتير أليلة

و اللي هي 27 % بالانكليزي1

مع إنها مادة حملة و مأتمتة و هي مادة معدل

شو يعني مادة إدارية؟

مادة إدارية يعني لما بترسب فيها ما بترسب بالسنة

طبعاٌ هاد الشي بس بالنسبة لهي السنة بسبب الظرف الطارئ اللي مرينا في

هلأ نحنا ما لنا بحرب معها تصطفل لا بدنا نعاقبها و لا شي

اللي بهمنا انو الطلاب اللي تضرروا بسبب الانكليزي 1 او 2 ينظر العميد و رئيس الجامعة بوضعون هادا كل شي بدنا ياه

هلأ مظبوط حكيك VALIANT انو النسبة كتيييير قليلة بالنسبة لمادة الانكليزي 

بس نحنا ما منقدر نحكيها بالاعتراض للنقطة اللي حكاها العميد انو النسبة ضمن الحدود القانونية ولو ما كانت هيك لكان العميد اعترض قبلنا 

برجع بكرر ما بدنا نخطي خطوة مو مدروسة تخلي العميد يوقف ضدنا بدل ما يكون معنا
ما بدنا نخليه يحسنا انو تجاوزناه .لازم كل شي نحكيه يكون مركز ع الطلاب اللي تضرروا من ورا الانكليزي   

ووقت منلاقي صار في استجابة ساعتها منطالب بمعاقبة المدرسة   


بس سؤال صغييير ل SAM-6 اكيد انت خلال سنوات دراستك بالكلية مريتو بهيك مدرس(ة)

شو كنتو تتصرفو بهيك ظرف ؟ ولمين كنتو تلجؤو ؟ و شو الطريقة اللي كنتو تتبعوها و تحسوها انها الأمثل ؟؟    

اسفيييين كتيييييييير نحنا عم نعزبك معنا     

ما في  داعي ننزل ع كلية لانو ما راح نستفيد نهائيالزلك التجه لازم يكون ع رئاسة الجامعة بالنسبة للراسبين قرار المواد الادارية بينزل بس  من رئاسة الجامعة حسب ما خبروني و بالتوفيق

لسوء الحظ انا مشغول ما فيني انزل ع الكلية بس راح لم بطاقات و ابعتن لا تاخذوني

نزلت الثقافة و الميكانيك و لا لسى
                         

مرحبا
أنا سنة ثالثة يعني ما لي علاقة مباشرة .. بس حابة إنصحكن ....أنا سبق وشاركت بالاعتراض يلي قدموا طلاب الثانية (سابقاً ) على مادة المقاومة2 وحابة فيدكن من تجربتنا :
1- كان عددنا كبير (نسبياً) 68  وكان في شاطرين كتير وقعوا وبعتقد هالشي دعم طلبنا إنو الطلاب من كل المستويات عم تعترض على وقت الفحص
2- كان نص الطلب مهذب جداً وما ذكرنا فيه ولا اسم وما كان في تجريح لحدا
3- نحن طلبنا صح بس طلبنا كان بالمعقول يعني مثلاً ما طلبنا يرجعوا يعملولنا فحص كل ما هنالك إنو يرجعوا يعيدوا تقسيم العلامات بما يتوافق مع مصلحة الطالب
4- نحنا اعترضنا وفي عنا أمل نستفيد مو نضر غيرنا أو نعاقبوا على عملتوا لأنو بين هي وهديك في فرق كبير (مع اقتناعي إنو تقديم الاعتراض على E1,2 حقكن )
............
بناء على النقاط الأربعة رح إنصحكن نصيحة ...
1-بالنسبة للانكليزي فإنتوا عملتوا يلي عليكن و زيادة وأنا برأيي حاجة لا تعملوا أكتر من هيك بعدين بتنقلب ضدكن لأنو بصراحة لو كان العميد ( على فكرة العميد شخص  محترم برأيي ومتفهم ) بدو يساعدكن أكتر من هيك كان ساعدكن من قبل ما تنزل العلامات هو ما عم  يستنى الاعتراض لحتى يساعد أساساً هلق الوقت تأخر كتير
ويلي صار صار ...بس إذا بدكن تعاقبوا الآنسة لأنو هية غلطت بحقكن ففي كتتيييييييييررررر ناس بتغلط بحقنا ومنقلهن الله يسامحن وخلصت السيرة والآنسة وحدة من هالناس..منها لله شو عملت فيكن وبكرا لسا بيمر عليكن كتيرين غيرها متلها ..استنوا
2- بالنسبة لأنو تجتمعوا بالمدرج وتتناقشوا ..ولآخر القصة فهاد الشي أنا ما بنصحكن فيه نهائيا وهاد اسمو تهور وخصوصي إذا كان الحكي عالدكاترة وهالشي بيترتب عليه واحد من ثلاثة :
ا- أحسن الحالات : ما رح يصير شي
2- بيصير فيكن عليي وعلى أعدائي : يعني بتنضروا إنتو والدكاترة
3- أسوأ الحالات : تنضروا إنتو لحالكن
ونصيحة تانية قد ما فيكن بعدوا عن الواجهة وإذا بدكن تتحركوا ولا بد فاشتغلوا من بعيد لبعيد بحيث ما تنضروا ..لأنو صدقوني قادرين يضروكن
بجميع الحالات ..تمنياتي بالتوفيق لكل طلاب الثانية الجدد وأتأسف عالإطالة 
 

شكرا كثير black Tulip على النصائح المفيدة

تمنياتي لك بالتوفيق الدائم وللجميع

كلامك BLACK كتييير منطقي و صح

وانا مع رايك

نحنا ما لازم نتهور وانا قلت للبعض انو العميد لو بيقدر يساعدنا اكتر من هيك لكان ساعدنا

لأنو خلى عندو المادة قبل ما يوقعها 3 ايام مشان يحاول يعمللنا شي يساعدنا بس مع الأسف ما قدر


كل الشكر الك بلاك   

مرحبا شباب وصبايا 

أول شي بتمنى من الأخوة المشرفين وعلى رأسن كبيرنا وحبيبنا اللورد أبو الزوز ما تحذفولي ردي لأنو عم حاول أحكي اللي حسيت في لما قرأت الموضوع.

أول شي بحب ألكم أنو صرلي زمان ما ضحكت متل ما ضحكت لما قرأت هادا الموضوع    اللي كان لطيف بكل ردوده وتفاعلاتو وخصوص الأخ SAM-6 اللي حسيتو رايح عالجهاد.

تاني شي ومن دون زعل الموضوع ما بدو كل هاد يعني لا أول مادة ولا آخر مادة بتكون نسبة النجاح فيها 27% يعني عادي . وأنا من عندي بألكم ما حيصير شي لأنو إذا صار شي بدا تصير موضة وكل ما كانت نسبة النجاح أليلة بتبلش الطلاب اعتراضات.

تالت شي ذكرتوني بأيام السنة الأولى   . أنو نحن كبرنا وصرنا بجامعة وهالحكي..... بس أد ما كبرنا بنضل بحاجة لنسأل ونستفيد من غيرنا ( الكبارية على أولتكم ) .

بس في نأطة حكيتو عنا أنو بدكم تجتمعوا وتتناقشوا بالمواد أنكم ما عم تفهموا على بعض الدكاترة فأول شي أنا ما بعرف كيف الإدارة خلتكم تذكروا أسماء لأنو الأسماء اللي ذكرتوها هي أسماء دكاترة كبار ما بصير نحكي عنا أو نذكرها ( بغض النظر عن أنن بيفهموا أو لأ) يعني مو حلوة  ، ومتل ما ألت لسا ما شفتوا شي.

في النهاية أنا ما بدي أحبطكم لسا الطريأ أدامكم طويل بس هادا الواقع أنتو حرين

بالتوفيق