يسلموا  كتير شباب على الموضوع المفيد      
يعني والله أحلى شي بكليتنا أنو العالم بتساعد بعضا    

احلى شي السنة الثانية مواد سهلة كتير  ما بدها شغل عدا التصميم بياخد وقت

بس علامتو مضمونة 

وباقي المواد سخيفة يعني لا تخافوا              

شو هالطلاب الأولى ... طالعين متل النسور على التانية ...

       


طولوا بالكن ... بكير ... بكرا بتملوا ... 



حلو الحماس ... 

أهلا وسهلا بالطلاب يلي صاروا سنة ثانية أنا الحمدلله وبفضل الله صرت سنة تالتة أنا بحب إكدلكن إنه السنة الثانية أسهل بكتيير من السنة الأولى فلا تخافوا أبدا .
أولا أنا قرأت ملخص السنة التانية ووجدت بعض الإختلافات
سأذكر الإختلافات
أولا بيعطي مادة الهيدروليك واحد الدكتور نوار شموط  والدكتور وائل معلا
ثانيا الرياضيات 3 بيعطيها 3 دكاترة : الدكتور غسان سنوبر والدكتور سمير أبو عقل والدكتور حموش.
....................................................
بس رح أذكر نصائح بالنسنة لجميع المواد
1 .الهيدروليك 1 : مادة بدها فهم منيح ونصيحة إلكن إنه تابعوا مع العملي وتحلوا جميع أسئلة الكتاب وتأرجوها للأساتذة وصدقوني رح تحسوا بالمتعة بس لولا إنه الطلاب بيشتكوا من كبر المادة والدكاترة ممتازين والحمدلله إجت أسئلة الهيدروليك سهلة (هي وجهة نظري) وتاني شي بنصحكم أو لازم تشتروا نوطة أحمد العواد مفيدة جدا تجدوها عند عراب الكلية أبو محفوظ.
2 .البرمجة:هالمادة بصراحة بعتبرها أسهل من الخوارزميات ونصيحة مني إلكن تحضروا عند المهندسة بيطار ممتازة جدا بإعطاء المادة وحاولوا تحلوا بأنفسكم أكبر قدر من المسائل وتجربوها عالكومبيوتر وطبعا إذا ما قدرتوا تحضرو ا عنذ المهندسة إشترو ا محاضرتها .
3 . الرياضيات 3 : مادة سهلة جدا لولا القسم الدكتور حموش الذي يجد فيه كتير من الطلاب صعوبات لأنه فيو حفظ كتير وحاولوا تشاركوا مع الدكتور سنور وأبوعقل لأنه بيعطوا علامات للطلاب وأيضا لازم تحلوا جميع الوظائف .
4 . مادة التصميم 1 : حاولوا تحضروا محاضرات الدكتورة النظري لأنه بتعلمكن شو تساوا بالعملي .
5 . مقاومة 1 : مادة سهلة جدا وضروري  جدا تحضروا عند المهندسة إيمان التلا لأنه بتهمكم المادة كتير منيح .
6 . مادة المساحة 2 : أول شي لازم تجيبوا علامة منيحة بالعملي وقسم الدكتور أنور سهل بس قسم الدكتور رضوان طويل شوي .
إنشاء الله كون فدتكم بهالمعلومات عن السنة التانية الفصل الأول , ونصيحة مني إلكم بكل المواد حاولوا تجيبوا أكبر قدر من العلامات بالعملي وشكرا
سلاااااااااااااااااااااااااااااااااام

وانا كمان رح اعطيكن فكرة عن المواد من وجهة نظري



1- الانكليزي 3: استمرار للانكليزي 1 و 2


اخر الفصل بينزل كم درس بالمكتبة احفظوا معاني الكلمات و قروا الدروس لانو احيانا بيجي منون



2- الرياضيات 3 : مادة سهلة كتيير بقسم الدكتورين سنوبر وابوعقل و صعبة بقسم الدكتور حموش


وانتبهوا باسئلة الدورات انو في قسم من الرياضيات 3 بتلاقوه بدورات الرياضيات 4 بالنسبة لابوعقل و حموش متل الاحتمالات الهامشية لابوعقل و طريقة الحذف و المصفوفية لحموش



3- الهيدروليك 1 : مادة كبيييييرة فيها مسائل كتييييييييييييير و نظري كتيييييييييييييييييييير



حاولوا انكن تضلوا منتبهين و مشتغلين مع اساتذة العملي والا مابتلحقوا


وملاحظ انو باخر دروتين صاروا الاسئلة سهلة


وعملوا جهدكن انكن تحلوا كل مسائل الكتاب المحلولة و مسائل الدورات لانو غالبا بيجي مسالة منون


متل مثلا بدورة الحملة اجا مسالة من الكتاب و مسألة من الدورات



4- المساحة 2 :


تقريبا امتداد عن المساحة 1


مادة سهلة بقسم الدكتور انور و قصيرة .. و شوي صعبة و طويلة بفسم الدكتور رضوان


بس انا برأيي انو قسم الدكتور رضوان مضمون اذا حفظتوا النظري


5- البرمجة  : مابعرف عنا شي لاني ماقدمتا لا بالفصل الاول ولا بالتاني لانو للاسف العملي يلي معي تحت ال 14 !



6- التصميم 1 :


مادة بدا شغل كتييييييير يعني ديروا بالكن مشان تلحقوا تدرسوا باقي المواد كمان




7- المقاومة 1


مادة سهلة بس مابعرف كيف حملتا 59


هيي مادة مسائل بس فيها قسم نظري لازم تحفظوه منيح


وحضروا عملي عند ايمان التلا حتى اذا ماكنتوا عندا لانو رح تستفيدوا كتير .. هي الانسانة مابتبخل بالمعلومات ابدا عن الطلاب

الحقيقة ما بعرف كيف بدي اشكر  كل مين نصحنا مشان المواد ومشان الدكاترة و طريقة الدراسة و الخ ...............   


وهاد المعروف ان شا الله ما رح ننسالكون ياه ابدا و أمانة اي شي بدكون ياه من مساعدة نحنا جاهزين ضمن معرفتنا الضئيلة 


واكيد رح نحتاج لمساعدتكون  و نصائحكون بقلب السنة فجهزوا حالكون     

وان شا الله انتو كمان الله يبعتلكون مين يفيدكون متل ما فدتونا     


و شكرااااااااااااااااااااااااااااااااااااااااااااااااااااااااااااااااااااااااااااااااا   

إنشاء الله نحن موجودين
وأي أسئلة نحن جاهزين ويا ريت كمان إنتوا تحاولوا تساعدوا طلاب السنة الأولى الجدد لأنه بكونوا مو فاهمانين القصة وشكرا

ابو نبيل ما بقصر

و مبروك الترفع عالتالتة

و بدنا الحلوان

الله يبارك فيك و تكرم عينك

وإنشاء الله موفق بدراستك يا man

وشكراااااااااااااااااااااااااا

سلاااااااااااااااااااااااااام

وشو مشان الكتب ... يعني شو هنن الكتب يلي لازمين ...
لأني عانيت السنة الأولى وأنا جيب بهلكتب وحطهون بالخزانة ...
وعلى مين يدرس فيهون .... بس ولا حدا هون ... 
كانت أغلب دراستي محاضرات .... مع إني ما كنت مبسوطة بالمحاضرات كتير ... بسبب الزملاء يلي عم يكتبوهن 
... بس قلت أحسن من الكتاب يلي مو معروف شو المهم من يلي مالو مهم ....