هواجس خطرت ببالي في الفترة الأخيرة..

تبقى مجرد هواجس قابلة للأخذ و الرد..

لكنها أزعجتني صراحة..

و اعذروني عن بعض الجمل المبعثرة لكنني سأنقلها كما هي :

طبعاً الآن انتهينا من الامتحانات و سننطلق في مشاريعنا..

أنظر إلى هذه الفئة الشبابية التي تعمل..

عيلة الصيدلة - نحن - و نعرف بعضنا..

و أقول :

ما شاء الله..

بمجرد قول هيــا.... فالجميع يلبي النداء..

طاقة شبابية بشرية في غاية القوة..

لكن الهاجس الأكبر هو الاتجاه..!

أليس من الأفضل و الأولى أن تتجه هذه الطاقة الشبابية نحو مشاريع أهم و أفيد؟

و الحاجة أم الاختراع..!

نحن نحتاج - كعيلة الصيدلة - إلى كذا و كذا و كذا...

و  ينقصنا كذا و كذا..

أليس من الأولى أن نسد حاجاتنا قبل أن ننظر في حاجات الغير؟؟

أو أن نتمهل أولاً..!

فنحن ننطلق أو - نقفز - من مشروع إلى آخر بخطوات سريعة و عريضة لم نحسب لها بالاً..!

أصبحنا في الجرائد و المواقع و التلفاز..!!

و كل شيء محسوب علينا..

مشكلة أخرى..

مشكلة الإدارة التي تطالب صاحبها بالمسؤولية الكاملة عن كل شيء..

بمعنى آخر :

على المرء إذا حمل على عاتقه مسؤولية ما.....فعليه أن يتحملها جميعها من البداية حتى النهاية..

و هو المسؤول الأول و الأخير و عليه أن يمضي من البداية حتى الوصول للهدف..

لا أن يقف في منتصف الطريق مثلاً..

أو يقول أنا خائف من كذا و كذا..... وسيقال عنا كذا و كذا..

مخاوف و مخاوف..

نحن نختلقها و نضعها على أنفسنا و قد لا يضعها أحد علينا..

و هاجس آخر :

مالي أشعر أن بعض المشاريع قد بدأت تؤثر على مستوى الدرجات؟؟

خاصة بعد امتحاناتنا و المعدلات التي شهدت انخفاضاً نسبياً عن السنوات الفائتة..

هل هذا صحيح؟؟

بصراحة ما بعرف...!....بس هيك لاحظت ما بعرف اذا حدا تاني لاحظ شي مختلف؟

هاجس آخر :

نحن نعمل و نعمل..

و في كل مرحلة نواجه بعقبة من قبل مجلس الكلية..

كلية لا تحترم طلابها..

فمن الأفضل على طلابها ألا يحترموها..

و في البلدان المتقدمة نجد مجالس الكلية هي التي تحرك الطلاب و تدفعهم نحو العمل..

مو متل عنا..!!

نحنا نتحرك و هم يثبطوننا..!

و إذا كنا نواجه هذه الصعوبات فهل نحن مجبورون على تحملها..؟!

لماذا..؟!

طبعاًَ أطلت كثيراً و أعتذر..

لكنها تبقى مجرد هواجس قابلة للخطأ و الصواب و الأخذ و الرد..

...

اقتباس

المعدلات التي شهدت انخفاضاً نسبياً عن السنوات الفائتة

أجل ... ربما انخفضت معدلاتنا عن الفصل الأول ..... ( ولسا الخير لقدام والحمد لله بعد الثقافة والفيزياء   )

لكن بالنسبة لي ......... لا أظن أن المشاريع أو الورشات هي التي أثرت على ذلك





ولكن والحمد لله نحن طلاب السنة الأولى في هذا الفصل قد كنا فئران تجارب بامتياااااااااااز  !!! ....  .............. و لا أدري كيف خرجنا من هذا الامتحان سالمين !!!!!


وربما أصبح واجبا علينا في باقي السنوات أن نبدأ بطرق جديدة في الدراسة ......... تلزمنا ربما بتكثيف الدراسة وعدم ترك أي شيء (حتى وإن كان غير مهم ) تحسبا للمفاجآت السعيدة     

اقتباس

نحنا نتحرك و هم يثبطوننا..!

     

هذا فقط كي يشعروننا بالسعادة العارمة إذا تمكنا من نيل موافقة على دخول قاعة الانترنت مثلا
أما لو كان كل شيء ميسر ومسهل فسنفقد مثل هذا الإحساس الرائع !!!!!!!!!!!! 

( يعني بسيطة ........ منصير منطلع على البلدان غير المتقدمة ......... ووقتها شوفو النعم يلي نحنا عايشين فيها ........ ما شاء الله)




بالفعل ربما هذه مشكلة  كبيرة ......... وإذا فرضنا أننا لسنا مجبورون على مواجهة أو تحمل مثل هذه الصعوبات ................. فما البديل إذاً؟؟!؟؟!!!!!!! 


نتمنى أن نكون لها .......... ونرجو الله التوفيق

السلام عليكم

العلامات مالها علاقة بالمشاريع

في كتير طلاب لا مشاركين بالترجمة أو بالمعرفة وكمان اضربو بالمعدل

ومشان مشكلة قلة التحفيز والمساندة من الكلية

فبدنا نتأقلم مع الوضع،،، يعني شو بستفيد لو مشيت عكس التيار
                                                                                 
إذا سمحولي بشي بستغلو
                                                                                         
وإذا منعوني عن شي تاني فبحاول لاقي وسيلة تانية
                                                                                         
be flexible

اقتباس

نحن نعمل و نعمل..

و في كل مرحلة نواجه بعقبة من قبل مجلس الكلية..

كلية لا تحترم طلابها..

فمن الأفضل على طلابها ألا يحترموها..

لكن عقبات الحياة القادمة ليست أقل سهولة........كل شيء يحتاج لموافقات ومعاملات وسلطات ....فلا تتوقع أن تعمل شيء ولو كان تطوعي ولخدمة المجمتع وترى الجميع يعبدون لك الطريق زهوراً منذ البداية لكن التحدي يكون عندما تثبت المجموعة أنها على الطريق الصواب .....


وأنصحك بأن لا تفكر بهذه الطريقة لأنك بهالحالة ستبقى مكانك دون تحقيق هدفك ولكي تنجز المفيد نظم نشاطاتك حسب أولوياتك ولا تعمل لصالح "كرمال" شخص محدد... حتى لو كانت الكلية العزيزة....


لكن عندما أتعرض لمواقف معينة من اشخاص بحكم انهم يملكون سلطة...أتساءل عن السبب الذي يجعلهم لا يفكرون بحكمة بالمستقبل.....يعني أليس من الممكن ان تنقلب الموازين في يوم من الأيام ويصبح لأحدنا "نحن الطلاب" سلطة على من هو مسؤول عنا اليوم؟!! أو أننا سنبقى طلاب طول عمرنا !!! أستغرب قصر نظر البعض والسنون تجري بسرعة وتحمل بطياتها المفاجآت





أما عن تراجع الدرجات فلم ألاحظ هالأمر.....بالنسبة لي فصراحة معدلي أعتقد أنه سيكون إما افضل من السنوات السابقة أو بنفس السوية على الأقل.... بالعكس يمكن نظمت حالي أكتر بهالفترة ورب العالمين كان معي ووفقني بدراستي...




لكن اشعر ان بهواجسك في أمور محددة تتحدث عنها......

السلام عليكم ورحمة الله وبركاته

باعتقادي الشخصي انو المشاريع او النشاطات التطوعية او اي شي اضافي ممكن يساويه اي شخص
مارح ياخد من وقتو الاصلي وانما رح يعبي وقت الفراغ اللي كان اصلا ضايع يمكن بين تلفزيون وحكي ونوم .........

بس طبعا لحد معين
مو لدرجة انو ينلغى كل شي فراغ !!!
لانو للانسان في طاقة محددة

وكمان النشاط الاضافي الزايد عن الدراسة بيعطي دفع اكبر للدراسة
لما الانسان بيحس انو وقتو منظم وعندو فرضا بين هاد النشاط والتاني 3ساعات ممكن يدرس فين
فاكيد مارح يضوع وقتو بشي تاني لانو بيعرف انو ما عندو غير هالوقت
بس اذا كان طول النهار عم يعمل شغلة وحدة فاكيد رح يكون في وقت رايح بلا فائدة وحتى بلا رياحة
يعني يمكن بيكون مالل مواكتر

وكمان الاحساس انك مثلا خلصت صيدلة(بحالتنا) وبلشت تشتغل وما عندك اي انجاز باي مجال تاني بحياتك ما بتمنى حسو بحياتي ابد

===============

اما بالنسبة للعقبات فمتل ما قالت نسرين
مافي شي بالحياة سهل او طريق مفروش بالورد
يعني سنة الحياة انو الواحد لازم يعاني شوي

وهاد من جهة تانية كمان بيقوي الشخصية وبيخلي الانسان اقدر على تحمل اعباء اشياء اكبر ممكن تواجهو بعدين
يعني هلأ عم نحكي ع نطاق صغير نوعا ما واللي هو الجامعة
شلون بعدين بدنا نبني مسقبلنا بعالم اكيد في ناس كتير رح يحاولو يحطمونا اكتر من هلأ؟؟؟؟

طبعا مابدنا نحكي كلشي سلبي لانو الله سبحانه وتعالى متل مابيبعت ناس مزعجين كمان بيساعد عباده وبيبعتلن مين يساندن ويوقف معن وهالشي عم نشوفو  هلأ

موفقين 

اقتباس

بالفعل ربما هذه مشكلة  كبيرة ......... وإذا فرضنا أننا لسنا مجبورون على مواجهة أو تحمل مثل هذه الصعوبات ................. فما البديل إذاً؟؟!؟؟!!!!!!!

قصدي يعني ممكن واحد يخطر على بالو..

أنو فوق ماعم نشتغل مشان حضرة جنابكن جايين كمان "تتفقسوا" علينا..؟!

طبعاً نحنا ماعم نشتغل مشانهن..

و لا مشان الكلية.. ( لأنو حتى الكلية بنظام علاماتها و البرامج ووو ما بيستاهلو)

بل لهدف أسمى و أكبر......يمكن بدها توضيح شوي؟

اقتباس

إذا سمحولي بشي بستغلو
                                                                                         
وإذا منعوني عن شي تاني فبحاول لاقي وسيلة تانية

هلأ أنت ما بتمل..

بس غيرك يمكن يمل و يصير يقول : شو بدي بهالشغلة؟

مشان هيك قصدي أنو نوجه المشاريع لمشاريع مفيدة جداً و ضرورية..

لنا قبل غيرنا..

مشان يكون الواحد عم يتعب مشان شغلة محرزة عالأقل..!

اقتباس

وأنصحك بأن لا تفكر بهذه الطريقة لأنك بهالحالة ستبقى مكانك دون تحقيق هدفك

طبعاً..

هلأ في ناس بتمل دغري و بتقول : "هدول هيك و هيك بلالي هالقصة كلها"..

و مشان يروح هالملل لازم يكون الهدف نابع من شخص الإنسان و على قدر من الضرورة و الحاجة ما لا يستطيع تركه :

أو كما يقول أ.عمرو خالد :

اقتباس

مافيش حد بيحط في دماغو فكرة.....و يصر عليها... ويعيش عشانها....إلا لازم يحققها.

فهل نحن "جميعاً" نعيش عشان مشاريعنا؟؟!!

اقتباس

.....يعني أليس من الممكن ان تنقلب الموازين في يوم من الأيام ويصبح لأحدنا "نحن الطلاب" سلطة على من هو مسؤول عنا اليوم؟!!

و الله أنا ما بتوقع هالشي منوب..

إلا اذا كان في كتير شغلات..

أولها الفيتامين " واو"..

و ثانيها....................

خلينا ساكتين..

اقتباس

باعتقادي الشخصي انو المشاريع او النشاطات التطوعية او اي شي اضافي ممكن يساويه اي شخص
مارح ياخد من وقتو الاصلي وانما رح يعبي وقت الفراغ اللي كان اصلا ضايع يمكن بين تلفزيون وحكي ونوم .........

تمام..

بس أنو ما بدنا الشباب تملي أوقاتها بمشاريع لا فائدة منها..

أو مشاريع ذات إدارة فاشلة لا تعرف هي أصل المشروع..

بل مشاريع مفيدة ،  محكمة ، يرغبها الجميع..

على فكرة في كتير شغلات بالموضوع مهمة ماحدا جاب سيرتها !

السلام عليكم............

اقتباس

نحن نحتاج - كعيلة الصيدلة - إلى كذا و كذا و كذا...

و ينقصنا كذا و كذا..

أليس من الأولى أن نسد حاجاتنا قبل أن ننظر في حاجات الغير؟؟

هل تقصد بعيلة الصيدلة المشاركين"الفعليين" بالمنتدى أم مجمل طلاب الصيدلة....... و ما هو

الشي ء الذي ينقصنا عالصعيدين و لم نساهم بتطويره  حتى الآن.... أو بالأحرى لم ننتبه

لضرورة تأمينه, هذا إذا ما كنا نستطيع ذلك دون أن نثبط  بالأسباب التي ذكرت......

وسيم عندك شيء معين تلف حوله......."بق هالبحصة"

أو اتركها للغد..........



لكن بشكل عام مشاريعنا حتى الآن نحن أول المستفيدين منها......فلم أفهم قصدك


لكن أنا معك بأن النظام هو أهم ما في المشاريع ومشروع الترجمة ولله الحمد أكتر من هيك تنظيم بينتزع!!





أما الأمور الأخرى فأعتقد بإمكانك عرض مقترحاتك ورأيك بشكل ديموقراطي .....


أصلاً بهذه العطلة ستتوضح وتتنظم كثير من الأمور

يا ريت كل طلاب الصيدلة يشاركونا باللي عم نساويه و نشتغل فيه..

و إن كانت كل هالمشاريع متعلقة فيهم أولاً و أخيراً..

بس للأسف ماحدا عم يشتغل غيرنا أعضاء المنتدى..

و الحمد لله..

اقتباس

و ما هو

الشي ء الذي ينقصنا عالصعيدين و لم نساهم بتطويره  حتى الآن

هذا أهم شيء..

و أفكاركم هي الأهم حول هذا الموضوع..

مبدئياً هناك أمر نتحدث به يوم الخميس بإذن الله..

لكن هناك أمور أخرى نحتاجها..

و مو شرط تكون مشاريع تنموية..

يعني مثلاً..

لما طلعنا هداك اليوم من الاجتماع " أو بالأصح طالعونا"..

خطر ببالي أنو لو كنا نتحدث بصفة رسمية لما كانو طالعونا..

أو ما كانو قالوا هدول طلاب عاديين شو بدنا فيهن؟

و هيك ساعتها منذلل كل العقبات اللي تواجهنا..


يعني هي كم فكرة..

و الباقي عندكن..

--------------------

أهلا بك أخي أحمد..

و الحمد لله على سلامتك من الباكلوريا..