عفوا بس نسيت شغلة...

هلأ أنا بدي أتعرف على العالم يللي بدفعتي عن طريق المنتدى!!!

أصلا هي بيجوز خامس مرة بشارك هون

وما بعرف حدا مظبوط غير طلاب دفعتي!!!

بعتقد يلي هدفو التعارف والتسلية ما بيخلي ساحة ما بيشارك فيها وبعدين في منتديات تانية بتساعدني أكتر بهلشغلة

أنا قلت أنو مالي مضطر علرسائل بس ما كان في داعي للإشهار بالقصة بهلطريقة هي

سلام

اقتباس

المشكلة بس أخي بمناهج اللغة العربية والديانة..بعرف هاد مو مكان لهالنقاش بس..اللغة العربية صارت بدون أشعار وبدون إعراب ..صار الإعراب إختياري إذا إجا أصلا..وصارت الديانة بلا أحاديث وقرآن..باختصار محو اللغة العربية والديانة شغال عنا عال للأسف..

لا حول ولا قوة إلا بالله

أنا تفرجت على مناهج الإبتدائي
لكن الثانوي فما عندي أي فكرة

شلون ديانة بلا قرآن كريم وأحاديث شريفة
يعني بدهم يساوو متل هون
بدهم يلغو الديانة وينزلو بدالها ثقافة اجتماعية (نسان شو اسمها)
وبياخدوها المسلمين وبقية الديانات

لا والعربي
معقول من دون إعراب وشعر
إي هلكونا وقتها بأسئلة النقد
هلأ بيلغو الشعر من أصلو

اقتباس

المهم كنا لما نطلع من الامتحانات ونشتكي لأنه كله استنتاجي وصعب وطويل..يقولو هيك بكندا بدك تكون بروفيسور بالمادة لتجاوب..

هون معهم حق
لازم الأسئلة تكون استنتاجية
لكن متل ما قلت
نحنا العرب بدنا نرجع عبلادنا
فبدنا معدل عالي كتير لننافس بالمفاضلة ضمن بلادنا


-------------------------------------

hassan

صراحة مالي عرفان شو صاير معكم

بس طول بالك

السلام عليكم

على شغلة غلق الرسائل المستعجلة

وبعيداً عن طلاب الصيدلة

بس في أعضاء بغير كليات مو بس بدهم منع من الرسائل

بدهم طرد كلي

فتحت موضوع الاعلانات الإدارية

بالفعل في بعض أعضاء بدهم طرد كلي

الله يعطيك العافية يا ياسر

اقتباس

أنا قلت أنو مالي مضطر علرسائل بس ما كان في داعي للإشهار بالقصة بهلطريقة هي

عادي حسان .. الله يجعلا اكبر المصايب !!!

بالنسبة إلي ماكنت منتبهة

بس رفيقتي بكلية الرياضيات اجت عم تضحك عليي وشمتانة .. قال انشمست فيني بطلت ترافقني !!    


وانا كمان اجتني الضحكة على حالي

رفقاتي صارو  يقولولي وليه ياما تحت السواهي دواهي على ميين بدك تتعرفي

ههههههههههه


بجد شي بضحك ... اي بالجامعة وقدام عيني ما بروح اتعرف عليكن بدي اتعرف بالرسايل  


احلى شي عم استنى اهلي يجو من السفر مشان قلهن

كمشوني بقضية اداب 

خليهن يضحكوا كمان    

هههههههههه

السلام عليكم

مشان نغيرلكم جو

هي فيديو بيحكي عن تجربة عملوها مع مجموعة أطفال ليختبرو قدرتهم على السيطرة على النفس

هو كبير شوي (3.5 ميغا)

بس كتير حلوي

https://www.jamaa.net/up/_=12218=_The_Temptation.rar

بس أمانة

مو الولد يلي لابس أخضر كتير بضحك

يا جماعة هيك  جو المنتدى صاير بيكئب

مابيصير الشي يلي صار

يعني أنا صحي أنني حذفت كل رسايلي

بس في مرة  طلبت إيميل (أحد الشباب المشاركين بالمشروع مشان نضيفو لموقع التنسيق)

وكان ضروري يعطيني الإيميل  وتحايلنا ألف حيلة عالمنتدى حتى  أخدتو

يعني معقول يجيني فصل بحجة التعارف وانشمس

ما بقبل

كلنا فايتين  على منتدى علمي طلابي محترم وراقي ومنعرف الجو فيه

والحمد لله أنا ببعرف عن طريق مشروع الترجمة كتير من الشباب و الصبايا حتى لو بس بالمرحبا

والله كلن تهذيب وزوء و لباقة

أرجو من الأخ ياسر  يقدر الوضع  هيك الجو مو صحي لما الأعضاء يحسو  بإحساس مالازم يحسوه بالمنتدى مشان يستمرو أعضاء فعالين فيه !!!

(تخيلو بعد هالحكي تنحذف الميزة عني أنا كمان     )

يعني أنا آسفة بس سوء الظن المسبق بالناس ما بيصير بدون ما نشوف الموقف من جميع جوانبو !!!!

============================

للحديث تتمة..................

حنان و جولدن والكل كلكن زوء بجد

وقفتوا معنا :)


بس عنجد الموضوع مو مستاهل

يعني فضوها سيرة اديش بدنا نضل نحكي بالموضوع وشو رح نستفيد



ياسر مو اخد فكرة غلط عننا نحنا التلاتة

و انتو بتعرفونا منيح

واسم كلية الصيدلة بعدو عالي


هلا مو زعلانة وحسان بروق بسرعة وانا مو زعلانة كمان


القصة مو ظن سيء ... ولكن صاحب المنتدى مسؤول عن اي غلط بصير ورح تنحط بصحيفة اعماله اذا ماعمل يلي عليه ... حتى لو نحنا مؤدبين ومنعرف حالنا منيح وما منعمل غلط .. بس هو كمان مالو مضطر يتحمل سيئات بعد ما شاف اعضاء من غير كليات واعضاء بشاركو ومالن بالجامعة اصلا     



لهيك الله يرضى عليكن ... مو ناقصنا نخترع هموم من الفضا .. في شغلات اهم نزعل كرمالا ..


معقول نزعل انو كتبو اسامينا بشقفة موضوع ... ومانزعل لشغلات اكتر جدية واكتر دموية


( مشاركة مخفية ... الله يرحم عضويتي ناوية رجعا بالصيف ان شالله    )

اقتباس

وتحايلنا ألف حيلة عالمنتدى حتى  أخدتو

                                                                                             
ممممممم
                                                                         
يا محتالة إنتي
                                                                             
هلأ بنقلو لعمو الشرطي (ياسر)

خليه يشوف شغلو معك
     

مرحبا ...........

شكرا يا جماعة.........

يعني عنجد نسرين زيد حنان

كلكم ذوق...........

بس متل ما قالت رعد.......يعني القصة مو محرزة

وكلها سوء تفاهم انشالله بينحل

بصراحة خجلتوني وما عدت أعرف شو أحكي.......

شكــــــــــــــــــــــــــــــــــــــــــــــراً

.......................................

اقتباس

( مشاركة مخفية ... الله يرحم عضويتي ناوية رجعا بالصيف ان شالله  )

يعني بفهم أنك ناوية تشتركي معنا بالمشروع الصيفي....!!!!!!!

على فكرة بما أنو فتحت الموضوع هون

نحنا"أعضاء السنة الأولى" ناويين انشاء الله بالصيف نعمل مشروع صغير

وهوة أنو نجمع أخطاء محاضرات الكيميا العضوية تبعات محمد القاضي "بالرغم من قلتهم"

وكمان نكتب أسئلة دورات للعملي

ودليل طالب جديد للسنة الأولى

وكمان في شغلة لسا ما حدا بيعرفها أنو نجمع تقاريرنا بالفيزياء العملي ونعمل متوسطات للنتائج وكمان نحطهم بموضوع لحالو

وهدول الشغلات كلهم بالإضافة لفيديوهات تشريح وصور نباتية وحيوانية ونحطهم بديفيدي ونعطيهم لطلاب السنين الجاية

وكمان في فكرة بدها تقلنا عليها ديما بوقتها بالصيف
..............................

بتمنى تعملو هيك كمان ......... وأهم الشي أسئلة دورات العملي

بعرف أنهن موجودين ضمن الساحات بس إذا نسقناهم أكتر وبموضوع واحد لحالو بصيرو أظبط....!!!!!!

شو رأيكم؟؟؟

يللي بدو يناقشني من طلاب السنة الأولى يجي على ساحتنا

سلاااااااااااااااام

وبعتذر مرة تانية عن القصة يللي صارت

مفاضلة الدراسات العليا على أساس معدل الإجازة

http://www.tishreen.info/_local.asp?FileName=900595128201006090345332
‏