كيف قدمتو بالأدوية
اسئلة عمرين كانت سهلة بس د.سوسن اسئلتها مو سهلة أبدا اللهم الا يلي كررتو بالدورات غير أنو ادوية الايدز مو دارسة أنا منها الا الاسم والية التأثير
بس عندي سؤال محيرني     
عند  الدكتور عبد الناصر في سؤال عن الفرق بين مضادات الهستامين 1  الكل جاوبني أنو الجواب الصحيح هو عبور  الحاجز الدماغي بس أنا وقت الملازمة رجعت لكتاب الكيميا الصيدلية  وكان مكتوب أنو التنين بعبرو الحاجز الدماغي بس الجيل الاول بحصر مستقبلات الهستامين و المسكارين فجاوبت لهيك انو الفرق بالانتقائية فمقول هالتناقضات العلمية بين مادة ومادة لنفس الفكرة       
رجاء خبرونا اذا طلعت المادة لأنو عأساس بلشت الدكتورة اليوم تصحيح
سؤال تاني : منشان الاسعاف صحيح أنو د. عماد بكرر كتير دورات؟    
والسلام

مشان التصحيح. مو قبل يومين وهادا الكلام من الدكتورة نفسها.
أما مشان سؤالك بجاوبك بعدين هلأ ما معي وقت .

ومشان الاسعاف ما بقدر قلكم غير ادرسوا منهاج.  

الفحص 100 سؤال:
50 للدكتور عماد.
30 رستم.
20 شعبان.

   
 

الحمد لله على سلامة جميع الطلاب بعد هالمادة
متل ما قلتي ندوش أسئلة عمرين سهلة ما عدا سؤال مضادات الهيستامين بس الجواب أكيد عبور الحاجز الدموي الطلاب سألوا الدكتور وهيك قال

اقتباس

فمقول هالتناقضات العلمية بين مادة ومادة لنفس الفكرة

والله ياندوش هاد الشي دايماً عم يصير
مشان هيك دايماً بتحفظي المعلومة مقترنة باسم المادة
وبالنهاية بنطلع ما عنا معلومات بنوب  
لا تبعدي كتير بين محاضرات سوسن وعمرين
عند سوسن الأدرينالين الأفضل أن يعطى تحت الجلد (في حال الصدمة التأقية) مشان ما يؤثر عالقلب
أما عند عمرين الأفضل أن يعطى وريدي مشان ما يعمل تقبض وعائي يقلل تأثيرو
فشو مشان  

اقتباس

سؤال تاني : منشان الاسعاف صحيح أنو د. عماد بكرر كتير دورات؟

أنا سمعت أنو السنة الماضية ما جابوا دورات فما بعرف

اقتباس

الفحص 100 سؤال:
50 للدكتور عماد.
30 رستم.
20 شعبان.

متأكد
يعني نص الأسئلة للدكتور عماد

يلا موفقين يا جماعة ادرسوا منيح
لا تنسوا تخبرونا إذا نزلت الأدوية
سلام
   

السلام عليكم:

اقتباس

متأكد
يعني نص الأسئلة للدكتور عماد

متأكد لأنو سألتو وهو هيك قلي.
ادرسوا قسم الدكتور عماد منيح لأنو مو متل السنوات الماضية.
واعتمدو اعلى الفهم مو البصم.

بالتوفيق للجميع.

مرحبا يا جماعة
كيف دراسة الاسعاف معكم؟؟
سؤال عالسريع
الضغط الاسفيني الرئوي أديش قيمتو الطبيعية؟؟؟
لأنو بكل محاضرة مكتوب شكل
ونحنا الهدف دايماً نخفض هاد الضغط مو هيك  
سلام
   

مرحبا
أنا لاحظت انو لازم يكون تقريبا بحدود 8أو9 و أكتر شي للـ 12
ولازم نخفضو لتسهل عمليات التبادل الغازي بالرئة
بس هالاسعاف شغلة كأنو لازم نختص قلبية    

السلام عليكم:

PCWP قيمته الطبيعية 8-9 وحده الأعلى المقبول 12 بس أكتر منها بيعكس وظيفة قلبية سيئة وهو مؤشر استخدام المقويات القلبية.
ولما منستخدم مقويات قلبية وما بتنخفض قيمته هادا بيستعدي إعطاء أوكسجين ومنفسة وبالحالات الشديد خزع رغامى.

حاولوا تفهموا الأفكار وتربطوها مع بعضها .
يعني مثلاً مناخد عنوان البحث: صدمة قلبية انضغاطية:
معناها القلب ما عم يتعبى منيح وما عم يضخ منيح والدم متراكم بالرئتين.
وكل مشكلة كيف منحلها، مقويات قلبية، بزل تامور.....وهيك بتلاقوها سهلة.
وبس تخلصوا من الصدمات حاولوا شوفوا المشترك والمخالف بين كل وحدة.
بالتوفيق للجميع.

السلام عليكم
في عندي كم سؤال حابة اسئلكم ياهم
بالمحاضرة 2: مو منحسب المساحة لنص المنحني ؟يعني من C لB مو من AلBمنشان تتوافق مع المحاضرة 1

مسا الخير

اقتباس

أنا لاحظت انو لازم يكون تقريبا بحدود 8أو9 و أكتر شي للـ 12
ولازم نخفضو لتسهل عمليات التبادل الغازي بالرئة

اقتباس

PCWP قيمته الطبيعية 8-9 وحده الأعلى المقبول 12 بس أكتر منها بيعكس وظيفة قلبية سيئة وهو مؤشر استخدام المقويات القلبية.
ولما منستخدم مقويات قلبية وما بتنخفض قيمته هادا بيستعدي إعطاء أوكسجين ومنفسة وبالحالات الشديد خزع رغامى.

تمام فهمت الفكرة
 

اقتباس

في عندي كم سؤال حابة اسئلكم ياهم
بالمحاضرة 2: مو منحسب المساحة لنص المنحني ؟يعني من C لB مو من AلBمنشان تتوافق مع المحاضرة 1

ما بعرف والله بس برأيي لا توجعي راسك بهيك قصص

أنا حليت أسئلة دورات وأسئلة الدكتور عماد كتير سهلين يعني بهمو بس فهم الفكرة مو بصم كلمة كلمة
هلأ بس طلع عندي كم شغلة غريبة بالدورات حابة أستفسر عنهم:

تعتبر الصدمة الناجمة عن الحروق صدمة رضية    
هي خطأ مو هيك ؟؟؟
لازم صدمة بنقص الحجم

أهم مبادئ معالجة الصدمة الانتانية
التعرف الباكر على الانتان ثم المعالجة الفورية المناسبة ولا إعطاء كميات كبيرة من السوائل 
أنا حسيت الخيار التاني هو الأصح مو هيك  

كل ما يلي صحيح بالنسبة للصدمة قلبية المنشأ عدا:الجواب تبدأ أعراض الصدمة عقب الاحتشاء من6-12 ساعة بعد بدء آلام نقص التروية القلبي المفضي للاحتشاء الحاد
طيب هي كمان صح  
والمشكلة أنو باقي الخيارات كلها صح
أما باقي الأسئلة كلها واضحة

مرحبا
sweetlife
مبدئيا منشان سؤال الصدمة الانتانية بعتقد الاحتمال الاول هو الصح لانو الخيار الافضل للمعالجة هو الوقاية والتعرف الباكر والمعالجة الحاسمة
بالتوفيق