مسا الخير يا جماعة:

شو بلشتو أدوية ولا لسا؟؟؟؟؟    
شو هالسؤال أكيد بلشتوا.
طيب من وين بلشتوا؟ وكيف ملاقيين هالمادة؟؟؟

بالنسبة إلي بلشت بالصعب اللي خايفين منه السرطان.
ومن شوي خلصته يعني كأول مرة دراسة ما شي الحال ونوعا ما عرفت اللي لازم أعرفه من كل دوا بس اللي عم يخربطني استخداماتهم الكتيرة في منهم عم أنساهم.أما الـ S/E مو مشكلة كتير سهلين.
بس كمان شغلة كتير بتفيدكم:
عملوا ربط بين المحاضرات، يعني اللي بيستخدم بسرطان البنكرياس اثنين بس؟ مين هنن يا حزركم.
وهيك بالـ S/E أو بالاستخدامات يعني تقريباً بيصير الواحد يعرف الأسئلة ويتنبأ فيهم.


كمان درست محاضرة الفطور عند الدكتور عبد الناصر، كنت مفكرها صعبة بس طلعت شبح ما بيخوف. وما أخدت كتير وقت وخلصت.
وهلأ عم فكر قوم راجع السرطان مرة تانية جايي عبالي ركزه كتير منيح.
بس سؤال حدا عم يدرس غير الأدوية؟؟؟؟؟؟
أنا عم مرق شوية غذائية. وتقانة. لأني بلشت من الجمعة.

كمان لازم ما ننسى ندعي لبعضنا مشان الله يوفقنا.
وإذا حدا عنده استفسار أو معلومة مهمة يكتبها وقت بيكون فاضي، مشان نستفيد كلنا.

بالتوفيق للجميع.

والله أنا بلشت بعمرين

والمحاضرات شي بيقرف  
يا ماحلا سوسن قدامهم  

خاصة المحاضرات7 و8

كلهم بيخربطوا وأسماء أدوية بحياتنا مو سمعانين فيها

والله حاسة بقمة اليأس والاحباط  

مسا الخير
أنا بلشت لسوسن بس الأدوية كتار وعم حاول  ركز بس تخلص المحاضرة بتجي ادوية المحاضرة يلي بعدا بتنسفها وماعم احفظ الا التأثير الجانبي المميز بس بدن تكرار
الله بعين

صباح الخير جميعاً:

اقتباس

والله أنا بلشت بعمرين

والمحاضرات شي بيقرف
يا ماحلا سوسن قدامهم

خاصة المحاضرات7 و8

كلهم بيخربطوا وأسماء أدوية بحياتنا مو سمعانين فيها

والله حاسة بقمة اليأس والاحباط

سابقاً كنت من النوع اللي إذا حدا بيقلي انو هي المحاضرة صعبة ساعتها بلاقيها صعبة وما بقدر ادرسها، أما هلأ بالعكس تاماً لما حدا بيقول هي صعبة بروح بكتب عليها كتير سهلة،       وبتعب فيها مشان ما لاقيها صعبة.
وهيك ما عم لاقي المحاضرات صعبة، ومن الصبح لهلأ خلصت المحاضرتين هدون السابعة والثامنة، بس كأنوا مو كتير صعبين، عنجد ما عم امزح بس نوعاً ما فيهم شوية أسماء غريبة وبدنا نحفظهم، وعم حالو اربطهم بشغلات غير شكل،.
مثلأً بأدوية الايدز في دواء Neverabin مبينة هادا منربطه مع كلمة Never بالانكليزي ،واللي بعده مع كلمة Delivery وآخر واحد بينتهي ب z معناها بيشبه الكلمات الألمانية لأنو اغلبها بتنتيهي ب Z.فليش عم تلاقوا المحاضرات صعبة ما بعرف حاول تبسطوا الأمور.   
الله وكيلكم الجو عندي بالبيت صاير مو خرج دراسة كتير بس شو بدي أعمل شي لا بد منه وقد ما نقيت ما رح يتغير شي وما حدا رح يحس فيني فخليني اتوكل على الله و أكيد ما رح بخيب، وقد ما كانوا صعبين خلينا نجيب علامات عالية. بجوز يكون هادا آخر تحدي بيحاتنا قدام محاضرة معقول نخليها تغلبنا.
وبما هدون المحاضرات صعبين متل ما عم تقولوا لازم كل يوم المسا نرجع نعملهم مراجعة يعني مابيخدوا نص ساعة بتكون المحاضرة خالصة.

اقتباس

انا بلشت لسوسن بس الأدوية كتار وعم حاول ركز بس تخلص المحاضرة بتجي ادوية المحاضرة يلي بعدا بتنسفها وماعم احفظ الا التأثير الجانبي المميز بس بدون تكرار

هو المشكلة بالتأثيرات المتشابهة الكتيرة والأفضل هدون نربطهم مع بعضهم بيبقى الشي القليل للبصم. بس أهم شي التكرار وبالاخص تاني يوم يعني بعد ما نحفظ المحاضرة يفضل تاني يوم نعملها مراجعة لأنو ما بتاخد وقت ومنكون لسا متذكرينها.

بالتوفيق للجميع
وخليكم كوووووووووووووول
كلهم 20 محاضرة أدوية مو حرزانين.
     

صباح الخير

شباب .. أنا درست محاضرات عمرين

وكانوا صعبين كتير .. بدهن دراسة بصم وما في شي للفهم ابدا

ومالنا متعودين هيك من عمرين ..

صحي شباب :

عم يقولوا انه الدكتورة سوسن بتجيب دورات , والدكتور عمرين ما بيجيب أسئلة دورات ؟

عكس السنوات الماضية ...

ابقوا خبرونا ... وموفقين جميعاً

سلامووو يا حلوين

السلام عليكم:

اقتباس

عم يقولوا انه الدكتورة سوسن بتجيب دورات , والدكتور عمرين ما بيجيب أسئلة دورات ؟

عكس السنوات الماضية ...

اللي بعرفه انو الدكتورة سوسن في عندها بحث الربو ما أخدناه كان معطي السنة الماضية ،بس يمكن الاسئلة سهلة وهيك هي وعدتنا انو نجيب علامات ومعدل.
أما الدكتور عبد الناصر عمرين فمنهاجه جديد يمكن بس آخر خمس محاضرات من منهاج النسة الماصية والباقي كل جديد، لأنو بعرف انو كان عم يعطي من مرجع 2010 بس مالي متاكد.
على كل لابد من الدارسة وشد الهمة.

اقتباس

سلامووو يا حلوين

بلاها هي الجمل، وبدالها اكتب السلام عليكم.
بيكون أفضل.

السلام عليكم

كم سؤال عالماشي..............

بالمحاضرة الخامسة سوسن
السلايدات المحطوطين بالأخير مدري من أنو كتاب مو مطلوبين مو هيك؟؟؟؟؟


وبمحاضرات عمرين بالمحاضرات الأخيرة بس اسم الدواء وتصنيفه وآلية تأثيره المطلوب ولا ندرس كل شي ونركز على هدون  


رجاء تسألولنا حدا من يلي كان عم يحضروا عمرين هو شو قال بالضبط

والله هالمادة بدها بصم كتير وأكتر من كل الأدوية يلي مرقت معنا من قبل
الله ييسر ويوفق الجميع
سلام
   

مرحبا يا جماعة
بس بدي اسأل شو الاطلاع بآخر محاضرة لـ د.سوسن
التأثيرات الجانبية كتير بتخربط

السلام عليكم:

اقتباس

بالمحاضرة الخامسة سوسن
السلايدات المحطوطين بالأخير مدري من أنو كتاب مو مطلوبين مو هيك؟؟؟؟؟

بصراحة الدكتورة مو متذكرة انو عطتهم والطلاب كأنوا نسيانين يسألوها عنهم، بالأصل قرأت منهم شوي نفس المحاضرة بس مع تعديل شوي، لذلك فيكي تتركيهم للأخير وقت تملي تقرأيهم، انا هيك رح اعمل.

اقتباس

وبمحاضرات عمرين بالمحاضرات الأخيرة بس اسم الدواء وتصنيفه وآلية تأثيره المطلوب ولا ندرس كل شي ونركز على هدون   

رجاء تسألولنا حدا من يلي كان عم يحضروا عمرين هو شو قال

حسب ماقلي اللي عم يكتب المحاضرات متل مو مكتوب بالمحاضرة وكمان متل مو مكتوب المحاضرة الأخيرة هيك قال الدكتور.
بس بصراحة ما تطمنت وخايف ناكل شي كم، لذلك حفظت كل شي يعني الآلية والتصنيف والاستخدامات كلهم أما التاثيرات الجانبية: متل غثيان اقياء اسهال....الخ ما كتير أكدت عليهم أكدت على المهم متل فقر دم، أذية عصبية.
لا تخافي كتير سهلين والله مالهم صعبين توكلي على الله شو بدك تعملي. ومتل ما قلتلكم حاولي تعيديهم تاني يوم أحسن طريقة أنا هيك عم اعمل والحمد لله ملاقيهم سهلين.

اقتباس

والله هالمادة بدها بصم كتير وأكتر من كل الأدوية يلي مرقت معنا من قبل

تماماً، مشان هيك ما إلنا غير نعيدها قد ما نقدر هي أفضل الطرق لحفظ الأمور البصمية.
بالتوفيق إن شاء الله وإذا حدا يحتاج شي خلينا نكتب بهالموضوع.
والسلام
   
 

السلام عليكم:

اقتباس

بس بدي اسأل شو الاطلاع بآخر محاضرة لـ د.سوسن
التأثيرات الجانبية كتير بتخربط

كل التأثيرات الجانبية لبحث السرطان الموجودين بالمحاضرات للإطلاع، والمطلوبين الموجودين بآخر محاضرة بآخر صفحتين، هو الدكتورة طالبت بالشكل تبع التأثيرات الجانبية يمكن بأول أو تاني محاضرة سرطان، وطالبت كمان بالجدول اللي موجود بآخر محاضرة، والشب اللي عم يكتب المحضرات ترجمهم للطلاب مشان ما حدا يضيع وهنن نفسهم اللي بآخر صفحتين.

يس كمان لا تنسوا سلايد الـ S/E تبع الصرع. حبيت ذكركم.

والسلام.