السلام عليكم من جديد :

الأخ الثائر ... والله صراحة الموضوع شدني أكتر ما تخيلت .. لذلك وددت التوسع فيه ولكني لم أوفق إلى الآن للمطلوب

أريد منك أن ترفق اسم الموسوعة الفيديوهية التي كنت قد تكلمت عنها ... 51 حلقة ..

مع أني ظننت أني عرفتها ... ولكن للتأكد والاطمئنان !

عم عذبك معي .. آسف ... سلامي إلك و للمشاركين بالموضوع ... و لأعضاء المنتدى كلن .. و لأهالي سوريا و بالأخص أحبابي الشاميين .. و لكل العالم 

أخ أبي قاسم...شو رأيك لو اقتبست كلام الأخت شيماء قبل ما تقتبس كلامي...ولا لتكون ما شفتو...بيجوز؟!

أخت شيماء...أنت ئلتي(اللهم اهدي أمريكا وأت بها إلى الإسلام
شو رأيكن هيك كلنا ندعي)...كأنو الكلام كتير واضح...كأنك عم تدعي الشعب الأميركي بأكملو للدين الإسلامي...وطبعاً من دون أي مبرر...؟!

طبعا أخت شيماء أنا عم أحكي عن أول رد لألك...بس بقية الردود وبرأيي أنها مسايرة مو أكتر...وأنت ئلتي هالشي بنفسك...( هههههههههههههههههههههههههههههههه
أخي أنا مشاركة بمجموعة عالفيس بوك اسمها المسلمين والمسيحية معا..
فاتعودت عالمسايرة)...

يعني كان المفروض تبرري كلامك الأول...مو تحرفي فيه لحتى تسايري غيرك..صح...؟!

هلأ بدي إزعل منل ملاك

اي أنا قلت مسايرة..مو عم آخدك على قد عقلك..يعني عم أوجد نقاط مشتركة بيناتنا مع أنه في شوية اختلافات..
بس بالنهاية قلت أنا أنه نحنا مالازمنتخانق لأنه بالنهاية جميعنا أفرع لنفس الشجرة..

وكمسلمة كلمة اللهم اهدي أمريكا وأت بها إلى الإسلام مافيها شي..مو القصد المسيحية غلط..القصد أنه أنا مسملة وهاد الشي طبيعي يخطرر ببالي..

ما بعرف كيف مدايقك هالشي..ذكرتيني بمجموعة عالفيس بوك ..كلها مسيحيين..فكرتها الأساسية أنه عم يدعو للمسلمين بشهر رمضان..وخصوصا بليلة القدر أنه يصيرو مسيحيين مثلهن..

المهم أختي أنا بعرف أنه بردودك بتبيني عصبية وإنتي مو هيك..

وبالنهاية يعني بقلك إني التقيت بمسيحيين ما بيفرقو عن المسملين بش..هاد دليل أنه المسيحية الصح ما بتفرق عن الإسلام..
بالتالي
اللهم اهدي أمريكا وأت بها إلى الإسلام    :)

أوكي أخت شيماء متل ما بدك...أنت كان ئصدك بريء...وأنا يللي فهمت عليك غلط....؟!

بس ممكن سؤال أخت شيماء...؟!...إذا أنا ئلت (اللهم أهدي السعودية وآتِ بها إلى المسيحية)...كيف رح ينفهم ئصدي...؟!

يا ريت الجواب يكون بكل صدق وحيادية...

وشكراً...

هلأ بالأول رح اتدايق..لأنه في كتير أمور السعودية ممثلة فيها الإسلام صح..
بس ممكن الأمور التعصبية التانية هيي يلي خلتك تقولي هيك أو تشوفيها مو منيحة..

بس بالنهاية هيي دعوة..وبتدل أنه إنتي متمنية الخير للناس..وهالشي منيح..

هاد شعوري لما شفت هديك المجموعة تبع هداية المسلمين للمسيحية..اتدايقت بعدين قلت..خليهون يدعو..عالأقل دعوة مو حرب..وبالدعاء الإنسان يتصل بربه وأكيد بعدها رح يعرف الصح..

بس أول شي بيخطر ببالي هو سؤال..شو شفتو عالمسلمين غلط لحتى بدكن تهدوهن؟؟

وإنت يمكن سألتي وأنا قلتلك أنه المسيحة بأمريكا بعيدين كل البعد عن المسيحية..وإلا ماكان صار في اغتصاب وزنا..وقتل..بتعرفي مبارح شفتت ببرنامج أنه 3150 امرأة تقتل سنويا بأمريكا على يد الأزواج  أو boyfriends..
بقا مشان الله قليلي هدول مسيحية مثلك؟؟

آبي قاسم
موضوع السلسلة التي تتحدث عن امريكا
سأتحدث عنه بموضوع مستقل
عم جهز بالموضوع
مدعوم بالصور ومقاطع الفيديو
يعني الموضع بدي اكون متابعو مع المنتدى شي اسبوع كامل
تنزيل فيديو وتحميل وهيك شي

وتكرم عيونك ياغاااااااااالي


الاخت أنجل
والاخت شيماء
انا برأيي المتواضع

لازم تنهوا النقاش

وكل وحدة منكن
تكتب موضوع مستقل
يتحدث عن الروابط يلي تجمعنا
لانها أكثر مما يفرقنا
         
         
         
;i(1     6;   
         
         
         
         
;i(1     6;   
         

لا بد من بعض التعليقات الأخرى :

بداية ... أرحب بالجميع ... و بالأخص الأخ الثائر على هذا الموضوع الرائع ..

The Angel

ما معنى أن أقتبس منك أو من شيماء أولاً ... أنا فقط أردت توضيح الاختلاف في رأيك ... الرأي يا ملاكي (ههه يا دلع هاه ) لا يتغير .. أي مهما تغيرت الظروف أو الردود أنا لا يمكن أن أغير رأيي إذا كنت قد قلته عن علم (وليس عن قناعة سابقة) ... و للأسف هذا حدث فأردت توضيح ما حدث ...

والمفارقة .... : أنك بكلامك الجديد خالفتي نفسك مرة أخرى ... و التوضيح آت بإذن الله :

قلت :

كخلاصة طبعاً : أن الشعب الأميركي لا تمثلة الحكومة .. صحيح !؟ و أن الشعب الأميركي يختلف عما نظنه ؟ و أن الحكومة الأميركية بعيدة عن تطبيق الدين المسيحي الصح !؟ ... فقالت الأخت شيماء اللهم أهدهم للمسيحية الصح .! وأنت تأتين الآن و تقولين ... ما ردك إذا قلت : الله أهد السعودية و أت بها إلى المسيحية !؟.
ما هذه المفارقة .. أنت بعد هذا الكلام أردتينا أن نعتبر أن الدين المسيحي الحاكم في أميركا هو جيد بالنسبة لك على قدر نوعية الدين الاسلامي المطبق في السعودية !! ( بالنسبة لنا ) .... فكيف توافق هذا معك ! !؟

أرجو التوضيح ؟


الأخت شيماء :

إن كان ردك الأخير يندرج تحت باب "أنا مليت من هالحكي هون ... وما بدي سكر الموضوع لأنو مهم " فسأقبل ردك .. أما غير هذا فلقد أخطأت برأيي البسيط !!


يا جماعة : أحب أن أتوجه لكم جميعاً ... لا ترد لمجرد أنك ترد ... فكر ... شغل عقلك ثم  اكتب ... لا تعتمد نهائياً على معتقدات سابقة لديك في ردودك

أنا لا أعرف إن كان لي الحق في قول هذا ... و لكن كما تعلمون ... والواحد بدو أخواتو بأحسن صورة يشوفون ... وهذا كان سبب إضافتي النهائية



الآن : أرجو ألا يكون أحد عم يقرا و عم يفكر كيف بدو يرد عليي ... أنا بالنسبة إلي الأمور واضحة ... ولا تحتاج لأي توضيح من أي أحد ... فأرجو التفهم ..


الأخ الثائر :

اسمح لي أن أشكرك مجدداً على طرحك المميز للموضوع .. وإن كنا قد تركناه جانباً ........ بس أنت قلتلنا الموضوع إلكن هههه


لا حدن يزعل مني ... تحياتي للجميع 

ماشي أخ ثائر..أنا فكرتي ومابعرف إذا واضحة بس حاولت وضحها قدر الإمكان..
ولو المشرف بوافق ..أحب ما على قلبي أعمل موضوع عن مدى قرب المسيحة للإسلام..برأيي المسلم واجبه الأول خدمة الناس وبناء جسور مشتركة معهن..

الأخت أنجل معها حق بأنه تدايق شوي..بس نحنا لازم نحكي ونتناقش أحسن ما نخلي هالكلام بعقلنا..ويكبر بعدين ويصير حقد..

والأخ أبي..ردي الأخير ما بيحمل معاني خفية إذا برأيك أنا أخطأت مو مشكلة..ابعتلي رسالة إذا بدك وقلي بشو أخطأت لوضح الفكرة..بس ماعاد احكي هون أكتر من هيك

سلام

أخ أبي قاسم...أنا لما رديت أول مرة رديت على كلام الأخت شيماء لما حكيت أنو (اللهم اهدي أمريكا وأت بها إلى الإسلام)... لأنو بكلامها واضح كتير منيح أنها عم تدعي مسيحي أميركا إلى الدين الإسلامي مع أنو موضوع الأخ الثائر هوي موضوع سياسي بحت وما في داعي أنو تجي الأخت شيماء وتطلب من 6 مليون مسلم أميركي أنهم يهدوا المجتمع الأميركي المسيحي بأكمله...يعني كان الحديث عن سياسة بلد وصار مع الأخت شيماء حديث طائفي ديني...فأنا رديت عليها أنو الحكومة الأميركية لا تمثل الشعب الأميركي إطلاقاً...ولهيك طلبت منك تقتبس كلامها بالأول...لانو ردي كان نتيجة حتمية لردها...ومو أنا أبداً يللي اقترحت فكرة هداية الشعوب لأديان سماوية معينة...

وعلى فكرة أنا ماحكيت أبداً أنو ( و أن الحكومة الأميركية بعيدة عن تطبيق الدين المسيحي الصح !؟)...أنا حكيت أنو سياسة الرئيس الأميركي لا تمثل إرادة شعب بأكمله...

على عكس السعودية والكويت...يللي ما عندهم فصل بين السلطة والدين والمجتمع...وما عندهم استعداد لتقبل أي دين تاني غير الدين الإسلامي...فالخطأ بالسعودية خطأ سياسي وديني واجتماعي...

أما بأميركا فإذا كان في خطأ فهوي خطأ سياسي بحت وبعيد كل البعد عن الدين والمجتمع...

ما بعرف أخ أبي قاسم إذا فهمتني أو لأ...؟!

بس بكل الأحوال شكراً كتير لألك وللأخت شيماء وللأخ الثائر...

الاخ آبي قاسم
الاخت شيماء
الاخت أنجـــــــل

شكرا لردودكم
والله مليت قد ما رديت عليكم
طبعا امزح معكم ها

على كلن
ياريت كل شخص
لما بدو يرد
يرد بروااااااااااااااااااق
وأؤكد برووووواااااااااااااااااااق

مشان مايزعل غيرو

شيماء
المشرف بتصوري
ما رح يرفض موضوع يتحدث عن المحبة والسلام والحوار ولم الشمل
أنا اشجعك عليه
وبانتظار موضوعك


أخوكم المحب لكم دووووووووووم
الثائر