نبض المشاعر مشكور على ردك

الاخت الغالية انجل
سلامي لك ولكل أخواننا المسيحية
الدين المسيحي دين المحبة والسلام
الدين المسيحي والاسلامي
عاشوا قرون بمحبة وتآلف ومودة وسلام
حتى أن مسيحي المشرق قاتلوا تحت راية صلاح الدين  عند تحرير بيت المقدس من المستعمرين

بالنسبة موضوعي اولا مشكورة كتير على ردك
ولكن ليس دفاعا عن الاخت شيماء
هي دعت لهم بالهداية
وشرحت موقفها
وكذلك انت اخت انجل تدعين لهم بالهداية
دعونا نعمل سويا 

يد بيد  لتخليص امريكا ولو بكلمة من الظلام والجهل
فامريكا ابتعدت كثيرا عن الدين المسيحي

هذا ليس كلامي
هناك سلسلة حلقات تتألف من 51 حلقة تتحدث عن امريكا
وعن العبادات الجديدة التي نشأت فيها

السلسلة موجودة على اليوتيوب
مابعرف اذا شغال بسورية
ولكن راااائعة
تتكلم بنزاهة وموضوعية والمنتجين للسلسة امريكان
شاهدوها وسوف تصلون للنتائج

اتمنى من الجميع الابتعاد عن العصبية والطائفية المقيتة
والنقاش بديمقراطية ووعي

فرسول الله صلى الله عليه وسلم يقول
((ليس منا من دعا إلى عصبية، وليس منا من قاتل على عصبية، وليس منا من مات
على عصبية)) ... أو يدعو لعصبية، أو ينصر عصبية فقُتل فقِتْلة جاهلية)) رواه مسلم .

سلامي الحار للاخت أنجـــــــــل
والاخت شيمـــــــــــاء



الدكتور أحمدالحريري
أتشرف بردك على الموضوع
ودعوتك الشاملة للمبادىء المشتركة بين الاديان السماوية

فكلنا مؤمنون
وربنا واحد هو اللـــــــــــــه

أنا حابب بس علق شوي بس شوي مو كتير :

The Angel

اقتباس

يا شباب الوطن المثقف...لا تحكموا ع الشعب الأميركي المسيحي من خلال الإدارة الأمريكية...أو من خلال سياسة البلد الخارجية...خلونا واعيين وخلونا نحكي بمنطق وبحكمة...

اقتباس

عفواً أخت شيماء...ما بتصور أنو كان في داعي ذكرك بالدين المسيحي وخاصةً أنو الدين المسيحي هوي الدين الغالب بأميركا...صح...؟!

اقتباس

بس إذا بدكم منا ندعي لأميركا بالهداية للدين المسيحي الصح...معناها خلونا كمان ندعي للعرب وخاصةً المملكة العربية السعودية والكويت بالهداية للدين الإسلامي الصح

اقتباس

بس كأنو في شوية طائفية بالردود...ما بعرف...؟!

اقتباس

بعدين عفواً أخت شيماء كيف بدك من 6 مليون أميركي مسلم أنهم يهدوا كل الأميركان المسيحيين...ليس للهدرجة الأميركان المسيحيين كفرة لحتى بدك ياهم يصيروا مسلمين...؟!

مين عم يعمل الطائفية هلأ !؟ والله الحكي فات ببعضو كتير ما .!؟


شيماء

اقتباس

أخي طول بالك على أمريكا..

اقتباس

الله يهديهن ويعينهن شو بدنا نقول غير هيك
اللهم اهدي أمريكا وأت بها إلى الإسلام

اقتباس

هو أختي فينا نقول الله يهديهم ويصيرو كلهن مسيحيين صح..بالنهاية المسيحية الصح ما بتفرق كتير عن الإسلام

اقتباس

الفكرة أنه حاليا أمريكا في تخبط..وبما إني مسلمة قلت إن شاء الله المسلمين هنيك يغيرو المجتمع
وهلأ إنتي ذكرتيني بأنه الله يهدي المسيحية هنيك ويصيرو مسيحية صح..

يمكن ما ضل لا طائفية ولا شي ... شوي تانية بتصير مسيحية هههه


نبض المشاعر

اقتباس

نقطع نحن عنهم كل شي

مو الهم شو بيصيروا ... المهم يكون في رجال تطبق هالحكي !!


أحمد الحريري :

اقتباس

و بالنهاية آمل من كل شخص ان يرى الله امام عينيه سواء كان مسيحي او مسلم
و يتقيد بدينه و عقيدته
الذي امر بها

يا حبيبي يا أحمد ... لكن ليش في دعوة .. إذا كل واحد بدو يتقيد وما يشغل عقلو... هيك بتصير حياتو بلا طعمة ..
يعني أنا بقصد لو بجي حدن و بيثبتلي أنو أنا على غلط ... رح أترك .. أما إذا كنت متقيد .. معناها ما رح أترك .. بس الفكرة أنو يقدر يثبت كل واحد فكرته .. وإلا ليش في علم اسمو العقيدة !!!

أخي الثائر :
حياك الله على مواضيعك المميزة صراحة ! أنا لم أكن أود التعليق على الموضوع لأني لست بالدراية الكافية عليه... وأرجو أن تتقبل مروري ..

شكراً

Obay Qasim

مشكور على لفتتك الكريمة
وتصحيحك للامور
يامصحح الموضوع

اضفت للموضوع لمسة خاصة والله

حياك الله وعلا الله مراتبك في الدارين

مشكور مرة أخرى

أخوك الثااااائر

ابي حبيبي انا حكيت هل الكلام

بعد ما قلت انو كل شخص سواء كان مسلم او مسيحي انو يلتزم بعقيتو

و بشريعة الله و وقتها لازم يكون مقتنع بدينو و ما حدا رح يغير فيها طول ما هوة ماشي على حق

تقبل ردي

اقتباس

يمكن ما ضل لا طائفية ولا شي ... شوي تانية بتصير مسيحية هههه

ههههههههههههههههههههههههههههههههه
أخي أنا مشاركة بمجموعة عالفيس بوك اسمها المسلمين والمسيحية معا..
فاتعودت عالمسايرة

بس لأنه نحنا أفرع لنفس الشجرة..والخناق هاد ماله داعي

بسم الله ... السلام عليكم ورحمة الله وبركاته :

أول شي : أنا ما توقعت أنو ردي لهدرجة سيء ..ههههه .. يا جماعة .. أنا ما قلت شي . أنا بس رتبت شوية أفكار ... ولا شو ! ؟

ومشان مشاركتي بشوية لعي بالآخير .. فما في شي ... ولا شو ؟؟ لأنو الدكتور أحمد قال : أنا حكيت هالكلام ... ومشان التوضيح أكتر ... أنا ماني ضد حدن ..

بس اللي بطلبو هو تشغيل العقل ... كمان هاي فيها طائفية !! ههه   أنا رجعت كتبت هالحكي مشان ما حدن يفهمني غلط لا سمح الله ..

أتأسف أخي الثائر هذا ليس مكاناً لهكذا كلام ... ولكن كما تعلم .. للتوضيح فقط !
والله من وراء القصد .

تحياتي للكل ... و أوعا حدن يزعل مني هاه !؟ ...

اهلا بالشباب
اهلا بالشباب
اهلا بكل شباب وصبايا
سوريا
مسلمين مسيحيين

اهلا وسهلا بيكم
من الحسكة الى القنيطرة المحررة
ومن حلب الى درعا


سلامي لكم جميعا
زميلكم الثاااائر

رب واحــــــد
بلد واحـــــــد
قائد واحــــــد

ومنتدانا واحد

أول شي ميرسي كتير عالموضوع أخي الثائر



بس حابب وضح بعض النقاط حول الأمور يلي انطرحت



أول شي الأديان تجمع بين الناس ولا تفرق والتفرقة ناتجة عن سوء الفهم  للأديان من متبعيها


والدين المسيحي هو أول دين جاء لكل البشرية ودعا للحب والتسامح


ورفع من كرامة ومكانة الانسان

فهو دين عالمي والاديان قبله كانت نخبوية خاصة بأقوام معينة


بينما المسيحية جاءت رسالة رحمة للعالمين


ثم جاء الاسلام ليلتقي مع المسيحية كأديان عالمية تدعو للأخوة والتسامح


ونشر الفضيلة والأخلاق واحترام الانسان لأخيه الانسان


فجوهر الاسلام والمسيحية واحد


النقطة الثانية يلي دائما بتكون موضوع لنقاشاتي الطويلة مع العالم


وهي انو ياجماعة الشعب الامريكي غير الادارة الامريكية


والشعب الامريكي هو من أكثر اذا لم نقل بأنه أكثر الشعوب قيما وأخلاق ومبادئ

وأغلب منظمات حقوق الانسان هي أمريكية



كما أن مؤسسات المجتمع المدني بأمريكا تقوم بأعمال انسانية كبيرة ذات طابع


خيري وخاصة في افريقيا ومختلف أنحاء العالم 


ومالازم نحكم بمنطقنا الشخصي على شعب هو الأرقى عالميا




لك تقديري ولكل الأعضاء كمان

jasim

مشكور على ردك القيم
ردك تأكيد لما قاله الزملاء الاعضاء

وشكرا لتوضيحك
ووعيك وعقلك الكبير
الذي إن دل يدل على وعيك الكبير

نحن
ندعو
العالم
الى االخير
المحبة
السلام
الوئام
وما مؤتمرات حوارالاديان إلا تاكيد
للقيم والمثل العليا
المشتركة بيننا

جزاك الله كل خير
وكثرالله من أمثالك

أخوك الثااااااائر

بسم الله .... السلام عليكم :

أود أن أعلق الآن على الموضوع ... بعد أن قرأته صراحة ..

قال الأخ الثائر في نهاية الموضوع : بالنتيجة : عجبي من دولة الديموقراطية .. أو هيك شي !! ..

ونجد ردورداً تقول : إن الشعب الأميركي راقٍ .. ألم يقرأ أن نسبة السود في السجون هي 3 أضعاف نسبة البيض ... أيمكننا إنكار العنصرية لدى الشقب الراقي هذا !؟

والله إني أتعجب لما أقرأ ..! ثم إن في الموضوع ما يكفي لإثبات أن الشعب الأميركي (إن كان مغلوباً على أمره كما تقولون ) فهو ليس بالشعب الذي لا يرضى الخطأ و يسعى إلى التصحيح .. وإن كان ذلك مع الحكومة !! والدليل المطالبة من خلال الموضوع على أن يقوم هذا الشعب بالتحرك ... قبل أن يتوجهوا إلى الرئيس ..

ومن هنا نعلم أن الشعب الأميركي يستطيع فعل شيءٍ إن أراد ... لكن هو لا يريد .. إن هذا الشعب ,, وبحسب ما قلنا آنفاً .. شعب يعشق العنصرية و التفرقة .. وما هذه الإشاعات عن التوافق الشعبي في الآونة الأخيرة إلا لحفظ ماء الوجه كما يقولون !!

أرجو أن أكون قد وفقت في توضيح الفكرة .. و في النهاية لا يسعني إلا أن أتوجه بالشكر الجزيل لصاحب البادرة الرائعة في إضافة هكذا موضوع !

دمتم بخير