اقتباس

اغلى انسانة على قلبي : هيما

هالانسانة انا مستعدة امنها على روحي لانها ثقة وكفو

بعرف إنو هالرد قديم

بس هلئ كنت عم اقرأه مرة تانية ...

عنجد رنا ...... الله لا يحرمني منك .... والله وأنا مستعدة أمنك على روحي 

وبرجع بقول يلي ما بيعرفك ... بيجهلك

ولهلأ ما عم انسى موقفك لما طلع بطريقنا الولد الصغير يلي عم يبكي

( الله يجبر بخاطرك ... متل ما جبرتي بخاطره )

أنا متأكدة إنو ما حدا بيعرفك منيح قدي ..

يعني إنتي و كوكي عم شوفكم أكتر من اخواتي ... والله بيعلم غلاوتكم عندي

   

وطبعاً ما لازم انسى حبيبات قلبي

رؤى و ريمي

   

من أغلى الناس على قلبي

ولما عوضت عملي معكم من أسبوعين .. شو تمنيت لو كنا فئة وحدة

عنجد أكتر شغلة حبيتها بكلية الصيدلة هنن الناس يلي اتعرفت عليهن


كوكي :

بسيطة و مرحة و حبابة .... بتحب تساعد من دون أي مقابل ...

بتعمل خير و مع هالشي بتحس حالها مقصرة

من أكتر الناس يلي ارتحت بالتعامل معهم بحياتي .. ويا لطيف شو مساعدتني قبل هلأ

لأني دائما باتغالظ عليها ....

بس مشكلتها إنها مترددة شوي .... ومن جديد صايرة نقاقة شوي ( شوي صغيرة  )

بس للأمانة هي بتنق للشي المنيح 

(( يعني بعملي الاصطناع هي بتكون عم تنق علي و على رنا مشان نشتغل صح

ونحنا منستناها لتدير وشها ... ومنختصر شي مرحلة ... ))

 

عنجد هي صديقة وفية و مخلصة و قلبها طيب كتير

يعني نيالي لأني رفيقتها .. وشو ما حكيت بكون مقصرة بحقها


إيلان :

ما صرلي زمان بعرفها بس بحسها طيبة كتير ... و مسالمة

و ما بتقصد تأذي حدا ...

بس لسا ما اتعرفت عليها منيح


آية الرحمن :

أجدد وحدة بتعرف عليها من المنتدى

هلأ ما كتير شفتلها مشاركات .... بس لما شفتها

حسيتها كتير هادية و حبابة و عاقلة


حسام :

كمان ما كتير بعرفه ... بس شفتلو كم رد

وحسيته عفوي و بسيط و آدمي


___________________________


Starry-eyed

اقتباس

شو قصتكن جماعة السنة التانية كلكن مبتسمين  ............يعني لهالدرجة الصيدلة حلوة

   

حاطين قناع .... لأنو الدكاترة بحبونا نضل مبسوطين على طول

لك سلام

ما حدا قال عنك عصبية

بس متل ما قلتلك كنت مفكرتك شريرة بس بعدين تبين العكس تماما

ونحنا كتير منحبك وهاد الشي بالاجماع  

============================================

حسام: من معرفتي القليلة بقول: انو كتوم- بالو كتييييييييير طويل ورايق لدرجة فظيعة - نشيط

ايلان: كتييييييييييييييييير طيوبة- متفاجئة  دايما وبحسها بتطلع فيني وكاني من المريخ - لساتها كتير طفلة - بحسها ما بتحاول تتاقلم وبزعل لما بلاقيها متدايقة وما بتحب الصيدلة -كمان بحس انو ثقتها بنفسها لساتها ضعيفة- نصيحة اخر شي: حاااااااااااج تشاؤم عنجد بدي ياكي تضلي مبسوطة

اية الرحمن: هلا انا ما بعرفك منيح بس من اول انطباعين حسيت انك كتير مرتبة وراكزة -هادية جدا - ما كتير اجتماعية -رايقة

كوكي: واخيرا اجينا لكووووووووووكي

ههههههههههههه هالبنت ما فيني اتذكرها بدون ما اتضحك لانها عنجد كتير لذيذة وامورة وظريفة و ما بتحب يكون حدا زعلان -متواضعة بشكل عجيب - بالها كتير طويل وبتتحمل كتير غلاظة مني - يعني شو بدي قول هالانسانة من اروع الناس يللي عرفتهن بحياتي وعنجد جوهرة نادرة بهالايام وكتير صعب انو الواحد يلاقي رفيقة متلها - مترددة وبتمنى لو تخفف من ترددها شوي(يعني التردد حلو لانو بيخلي الواحد يتصرف صح بس كمان ما يزيد عن حدو)- كمان اوقات بتضخم الامور

وهي وردتين لاحلى كوكي وهيما

 

وكمان هي وردتين لاحلى رؤى وريمي
 


بااااااااااااااااي


         

السلام عليكم :

صحيح متأخرة بس اسمحولي احكي عن الأعضاء يلي قبل :

سلام:كتييير حبابة وما في منا,ومعجوقة مدري هي بتعجق حالها بس أبدا ماحسيت أنو عندك قلة ثقة بنفسك.

اقتباس

ليش آخدين عني فكرة العصبية..... و الله ما عملتلكون شي, سئلو رفقاتي و هنن بقلولكن

مالها عصبية أبدا كيف تكون هالشعور   

NAJOOOOM 33:  مندفع بس يمكن بتهور,وأكتر شي بعرفو بلاقي حالها بقمة الغباء  ;i

(15; لما يحكي عن الكمبيوتر يعني عبقري معلوماتية متل ماقالت سلام .

أما حنان : مممممممممممممممممممممممممممم

من ردودها :لما بتحب شي بتتعلق فيه , وإذا كان شغل فمابتهدى لتخلصو  , وكمان

من ردودها كتيير حبابة ومسالمة,وما شفتها غير مرة بس ما متغير رأيي فيها غير إنها

عنجد طفولية كتيير .

اما إيلان :لساتها طفلة بس تفكيرها كبير, ومميزة واسمها حلو 


سلام بنصحك تحذفي اسمي 

مالح انقلى لو شو ماصار (مالح يلاقو شي يحكو عني عاملة حساب هيك يوم  )

بالتوفيق للجميع

السلام عليكم :

اقتباس

وبحسها شوي ضعيفة الشخصية

قصدك شوي بإحساسك , ولا شوي بضعف شخصيتي

هلأ  يمكن معك حق بسبب قلة ردودي وحكيي 

اقتباس

ما كتير اجتماعية

ليش لأني آخر وحدة لتعرفتوا عليها   

عندي مبدأ بمشي عليي بكل شي :

كل تأخيرة وفيها خيرة  يمكن لازم غيرو بس ما عم أقدر 

ــــــــــــــــــــــــــــ ـ ـ ــــــــــــــــــــــــــــــــــــــــــــــــــــ ـ ـ ــــــــــــــــــــــــــ

(ضلعت غلطانة عم يحكو   ,,, يالله احكو  احكو  مالح يطلع معكن شي جديد) 



 

اقتباس

قصدك شوي بإحساسك , ولا شوي بضعف شخصيتي

قصدي شوية ضعف (ويمكن هيي لطافة تترجمت معي لضعف..)
هي الصفة يمكن كون غلطانة فيها فصححيلي كل شي بحكيه إذا مو صحيح

اقتباس

ليش لأني آخر وحدة لتعرفتوا عليها

لا والله الله يسامحك..بالعكس بعرفك من الفصل الماضي.. يعني مو من وقت قصير.. بس كتير أحيان بشوفك بالجامعة وبجي لسلم عليكِ بلاقيكِ غيرتي طريقك (بس أكيد بتكوني مو منتبهة).. وأحياناً منكون كذا بنت من المنتدى بتسلمي من بعيد وما بتحاكينا.. مشان هيك قلت لحالي يمكن مو كتير اجتماعية

أمانة ما تاخدي عخاطرك .. يمكن كلامي مو زابط.. بس إنتي احكي شو الصح.. وأناا حكيت شو حاسة.

اقتباس

لما بتحب شي بتتعلق فيه  , وإذا كان شغل فمابتهدى لتخلصو

هي أول مرة حدا بيصيب الهدف        شكراً آية الرحمن     

اقتباس

عنجد طفولية كتيير

معناها يانجم صار بدي لهاية      مو بدلة سنان 

أما آية الرحمن :
بنت واضح أنو شاطرة ، وبتقدر تفهم بعض خفايا الأمور     
حبابة ومزوقة وبانتظار اتعرف عليها أكتر

لأنو على مايبدو في بيناتنا اهتمامات مشتركة   

...السلام عليكم ....

أول شي شكرا لسلام عالموضوع .... 

وعالاستفقادة


... هيما ...

طيوبة وحبابة كتير ومرحة ودمها خفيف  ، ردودها حلوة وموزونة، شخصيتها مميزة كتير 

وأفكارها جديدة ومبدعة  ، كتير بتحب تفيد العالم وبتساعد الكل بإخلاص ، صاحبة مبادئ ...

وواثقة بنفسها وبتعرف كيف تتصرف بكل المواقف ، واعية وطموحة ، و متسامحة وما بتحب تزعل حدا،

وصبورة وبتتحمل نقي وغلاظتي يلي ما لها حدود ..    و أكيد ما رح انسى مساعداتها الدائمة لإلي ...



... رنا ...

شخصيتها مميزة وفريدة كتير وفعلا يلي ما بيعرفها بيجهلها، مرحة وظريفة وقلبها طيب 

إنسانة مثقفة ، واثقة من حالها ، مخلصة،  بتحب المزح بس وقت الجد فعلا هي شخص

يُعتمد عليه وكفوة ....    .....وهي من الأشخاص يلي ببادرو بالمساعدة بدون تردد  ...

صبووورة كتييييير و دايما كنت إتغالظ عليها بأيام الفحوصات ...... وبكفي إنها بتتحمل نقي الزايد 

وكمان في شغلة حلوة بشخصيتها هي إنو إزا قررت تأنجز شي شغلة بتساويها بالوقت المناسب 


أما سلبياتها هي وهيما : إنهن ما بخلوني آكل شوكولا كتير .....    

بس فعلا هنن من أغلى الناس على قلبي وبعزهن متل أخواتي ...   

وما رح لاقي متلهن أبدا  وأكيد الحكي بيشمل رؤى وريمي ..  

ورح لخص كل هالشي بجملة وحدة وقول :

  ..... الحمدلله إنهن رفقاتي .......  



.... رؤى ....

اجتماعية كتيييييير وظريفة ونشيطة وبتحب المزح ، واثقة بحالها 

بتحب تشارك وتساهم بكل مشروع جديد ، طموووحة ومتفائلة .....


... ريمي ...

طيوبة وحبابة كتير وحساسة .... مجدة وبتحب النظام والإتقان بكل شي 

بتساعد غيرها ، وبتحب الكرتون الياباني متلي .....


....نسرين ....

نشيطة وظريفة و بتساعد الكل دايما...ما بتحب تترك وقت فراغ  

واثقة وبتعرف شو بدها ......  وردودها بتخليني إتفاءل   


.... سلام ...

إنسانة متفائلة وطيوووبة كتير ونشيطة ، بتفوت عالقلب بسرعة 

مواضيعها مميزة كتير وراااائعة ، وخواطرها كتير حلوة ومعبرة وقمة في الإبداع


... نهى ...

ظريفة كتير .. حبابة وصريحة والحكي معها شيّق ، ردودها حلوة وإلها طابع خاص

بدل على تميز شخصيتها..... ...  ومواضيعها حلوة وفيها إبداع وخاصة لما كتبت موضوع

((هل مررت يوما بشارع الثورة؟)) .... بصراحة كان كتير واقعي ومعبر .......


...حنان ....

لسا ما كتير بعرفها ...بس بعرف إنها ظريفة وقلبها طيب كتير ... وخدوومة ...

بس لساتها عم تكتبلي : العضو كوكي .....


...آية الرحمن ...

حبابة وهادية .... هادا أكتر شي بعرفو عنها .. ولسا ما تعرفت عليها منيح


.... إيلان ...

ظريفة وحبابة وطفولية ، وقلبها طيب كتير ....


.... مها ...

حبابة و نشيطة  ومرحة ..... 

وبحسها بتحب الإتقان وبتحب العلم كتير ...

   

اقتباس

بس مشكلتها إنها مترددة شوي .... ومن جديد صايرة نقاقة شوي ( شوي صغيرة  )

بس شوي ؟؟؟ !!!!

ايه أنا وعم حط هالرد وصل ترددي لـ 700 ردّة بالثانية 

اقتباس

(( يعني بعملي الاصطناع هي بتكون عم تنق علي و على رنا مشان نشتغل صح

ونحنا منستناها لتدير وشها ... ومنختصر شي مرحلة ... ))

هو أنا كمان بزودها شوي ....

بس خلص بوعدكن إني رح حاول ما نق جلسة وحدة بس ....

قلت رح حاول

       

السلا عليكم :

اقتباس

بعرفك من الفصل الماضي.. يعني مو من وقت قصير

عنجد  ,, الله يسامحك وما بتحكي

اقتباس

بس كتير أحيان بشوفك بالجامعة وبجي لسلم عليكِ بلاقيكِ غيرتي طريقك (بس أكيد بتكوني مو منتبهة)

لا والله لا تفهميني غلط بصراحة لهلأ ما بعرفك بالواقع  بعرف هالشي تقصير

مني  , بس  معقول شوفك جايي تسلمي عليي قوم غير طريقي 

بصراحة أكتر في عندي تبرير لقلة تعرفي على أهل المنتدى بس ما بحكيه هون

اقتباس

أمانة ما تاخدي عخاطرك

خدي راحتك نهى مالح آخد على خاطري ولا شي بالعكس ....

وجدي

اقتباس

حسام: اجتماعي وأكابر وراقي بالتعامل
بس مشكلتو أنو طويل شوي

لتكون مفكر حالك قزم 
مافي بيني وبينك كم سنتيميتر
!!!!!!!!!!!!!!!!!!!!!!

اقتباس

والله عم فكر ما عم لاقي سلبيات

هي هي

عندي سلبيات كتيير
كيف مالقيت ولا وحدة !!!!!

اقتباس

حسام إذا اليوم وأنت ماشي أكلت زق ونقرفت رقبتك لا تدعي علينا

لأ الحمد لله ما صار شي
بس كانت تريلّا رح تروّحني
الله اعلم من عين مين




زيد

اقتباس

زلمة كتير أكابر وحباب وطويييييييييييل

حباب وآكابر فهمناها
بس طولي مو لهالدرجة  ..

nanon

اقتباس

كنت متخيلة إنو رح يكون طويل كتير.. قامت دغري جاوبتني: ليش ما بتعرفي حسام؟

رح تقولي نفس الحكي اذا شفتيني
لأنو الجماعة نفشوني كتير
وانا يا حسرة 

اقتباس

آدمي ومرتب وطيوب ونشيط ورياضي (عاشق البرشا) .. وطوييل

آدمي كتير , مرتب مو دائماً , طيوب كتير , نشيط يعني , رياضي بشكل مو طبيعي
يعني بالفصل الأو مروّح محاضرات بلاوي من ورا المباريات وهلأ ناوي عالامتحان ما ضيّع ولا مباراة من كأس العالم 

طوييييل شوي

اقتباس

بس مدري ليش حاسستو مشكلجي.

مو مشكلجي كتير

بس بيعذبني ضميري كتير اذا نمت بدون ما ازعج شي حدا من رفقاتي بشي كلمة او
بشي تقفيلة
(( هي الشغلة نازلة بدمّي مافيني غيرها ... ))


Hema

اقتباس

وحسيته عفوي و بسيط و آدمي

عفوي كتير
       

VELVET

اقتباس

حسام: من معرفتي القليلة بقول: انو كتوم- بالو كتييييييييير طويل ورايق لدرجة فظيعة - نشيط

كتوم بس مع الأشخاص يلّي ما باخد وش عليبهن
أمّا مع أصداقائي بنفلت عليهن كلّ فلتة الله يجيرهن منها


كمان بالي طويل   بس لحد معين  وبعدين بنفجر 

رايق