السلام عليكم:

شو هالموضوع يا سلام!!  حكي عالناس بالوجه...."عينك كنت عينك"

يللا بسيطة...........


أول شي بدي أشكر كل يللي دخلوا  وقالوا رأيون فيني.......

بس في فقرات حبيت علق  عليها لفتتلي نظري أو ضحكتني....

اقتباس

بظن انو من البنات يلي بيقعدو بالصف الاول بالمدرج

لا والله ما بحب الصف الأول بنوب يمكن قعدت فيه مرة وحدة وما فهمت شي من محاضرة الأدوية لأنو الشمس عمتني وصار معي ديسك برقبتي......وحالياً ما عد حضرت لا بالصف الأول ولا بالأخير...

اقتباس

- : من يلي بنطو وبناقشو الدكاترة أثناء المحاضرة ....بس الله يرضى عليها صايرة مخففة هالعادة السيئة

يا لطيف لهالدرجة كانت عادة سيئة!!! بس لطمنك مو خففت العادة بس المواد والدكاترة صفيانين ما بيتناقشوا   وبأول فرصة رح أرجع.....

اقتباس

هلأ يمكن شوي بتحمل حالها فوق طاقتها و بتشبك 200ألف قصة بالثانية لتساويهون بس لهلأ هي

عم تلحق تساويهون, بس بدي قلها خفي على حالك شوي بركي اجى الزمن يلي ماعاد تلحقي

تعملي في كل هالشغلات سوا

لسا هي الشغلات يللي بتعرفيها بس!!!

حكيك صح وأوقات بفكر بهالطريقة.....بس برجع بقول نحنا بعمر بيسمح أنو نعمل مية شغلة سوا بدون ما نضر حالنا وشعاري دوماً (اغتنم خمساً قبل خمس) ما بحب أوصل لعمر أو مرحلة أو حالة معينة وما عملت كل شي بحبو وإذا أنا هلأ ضمنانة حالي أعمل كذا شغلة فبعدين الله أعلم........فبحب يكون عندي ذخيرة وخبرة...

المهم طالما أنا بالسليم ما بعتقد خفف على حالي ..... بس هاد ما بيمنع أني أوقات ما بنظم وقتي منيح .....يعني الوقت بالذات ما بعرف سيطر عليه منيح وعلى طول بتفشل مخططاتي...

اقتباس

و الله يلي بإيدوا القلم ما بيكتب حالو من الأشقياء

(هالمتل سمعتوا يوم الأربعاء)...........

شوووووووو!!!!! بلشت فوايد اجتماع الأربعاء تظهر وتبان




شكراً كتير ع نصايحكن وادعولنا


---------------------------

شخصيات مبارح :

رؤى: أول بنت شفتها شخصي من المنتدى بمناسبة لقاح التهاب الكبد ......صراحة ما تخيلتها نفس البنت بس حبيتها وحسيت أنها شخصية قوية ما بتحكي الكلمة غير بمكانها....وبتعرف حالها لوين متجهة..
سلبيتها: إحساسي بيقلي أنها ما بتعترف بهفواتها بس صراحة ما مسكت عليها شي لهلأ....

هيما: من أكتر بنات المنتدى رواق وطيبة وحبابة بشتهي شوفها مو مبتسمة...وما بحب ناديلا حتى شخصياً غير "هيما"

سلبيتها: بحس أوقات ممكن تتدايق من أي حدا بس ما تحب تقول لأنو بتخاف على زعل الناس كتير...


WTO: كتير متحمس ومندفع وبحب شتى أنواع التطوير......بس أوقات بيكون متحمس بدون تخطيط مسبق متأني..يعني باندفاع الشباب....
ومشان الفصحى ما كتير بتدايق منها بالعكس بحب أسلوبو الخطابي بحس كلماتو محبوكة تمام وأوقات بيعجبني كيف بينفد حالو من شغلات بطريقة ذكية.....بس شغلة التصفح المخفي مو ظريفة بنوب وخاصة للمشرفين لأنو أوقات "عامة الشعب" بيكون لازمن شي وبدن يقولوه للمشرف "أون لاين" فيعني معلش ورجينا وجودك على طول.....


goden pill:  ما بتعرف تنظم وقتها على طول مستعجلة وملحوقة......ومدري ليش بتطلع بتخوف عالمنتدى لدرجة انو مرة في بنت لما شافتا قالت"هي أنتي !!! مستحيل!! فكرتك طويلة وعريضة وإلك عضلات" 
وكمان كتير بتعدل ردودها بالمنتدى وبتضيف عليهن شغلات....
---------------------------------
-------------------------------------------



شخصيات اليوم:

رنا: أكتر بنت فرفوشة ومزوحية بالمنتدى.....لما بكون معا بتزيح الهم عن قلبي...
سلبيتها: فوراً بتمزح مع بعض البنات ولو متعرفة عليهن من جديد مع أنو مو الكل بيلقى مزح


إياد: هالشب كتير طيوب وأكابر وآدمي وبتوقعلو مستقبل مشرق لأنو شكلو شغيل وبحب العلم...
سلبيته: ما عندو كتير ثقة لمجرد أنو سنة أولى ...طيب ليش؟؟ كلنا كنا سنة أولى ويا ريت كنا بهالنشاط والعلم ......


Starry-eyed: حبابة وظريفة وبتشتغل على حالها وبتحب تجرب كل شي يعني بتخوض بدون خوف.....
سلبيتها: صراحة ما كتير احتكيت معها بس نقاقة شوي وبدها شغلتها بسرعة


ZAID: محترم ودريس وشغيل وكلامو موزون وبيساعد الكل...بس أحسن شي فيه عالمنتدى أنو بيحكي كل شي بيراسو بكلمتين "المختصر المفيد"....
سلبيته: أوقات بحس أنو بيحمل بعض الأمور أكتر ما بتستاهل......بس يمكن معو حق لانو بيتعب على حالو كتير بالدراسة..
بيعتب على يللي بيناقشوا الدكاترة وقت المحاضرة 




يا لطيف شو حكيت......نسيتو تحكو من سلبياتي أنو أوقات بضل بحكي بحكي بحكي بحكي جرايد..................

شكراً كتير سلام ....... اتذكرتيني بأول دفعة 

هلأ أنا ما بلوم أي حدا ما عرفني

وخاصة طلاب الأولى

لأنو تقريباً من آخر الفصل الماضي ما عاد شاركت إلا قليل كتير

بس لازم تعملولي حفلة هلأ ...... لأنو صرت مشاركة 3 مشاركات بـ 3 أيام

وعم تقلولي ما عم شارك 

بالنسبة للأسماء :

رؤى :

حبابة و محبوبة ....... بتشتغل من قلبها ... بس مشكلتها إنها متسرعة

وما بتسمع لحدا ... نقوزة كتير .. بس قلبها طيب وإذا عصبت ممكن تروق بسرعة خارقة

نسرين :

شو ما حكيت عنها بكون قليل

انسانة رائعة ... شغيلة ... وصبورة كتير ... ومتل ما قالت ريمي .. بكفي إنك عم تتحملينا

ولهلأ ما لقطتلها و لا سلبية ... وأكتر شغلة حلوة حاتذكرها من هالمنتدى ... هي إني اتعرفت على نسرين منو

وسيم :

ما بيهتم برأي العالم فيه كتير وهي صفة مخليتو واقف وما بيستسلم

بيعمل الشغلات دون سابق انذار ومن راسو

صبور وشغيل وحتى إذا عصّب بكون التعصيب عالخفيف

بيطلب من العالم إنها تحكي وهو ما بيحكي !!!!!!!

رنا :

شو بدي قول لقول

رنا أكتر صفة بتنطبق عليها هي : يلي ما بيعرفك بيجهلك

يعني ممكن إنو تمزح مع الناس من أول مرة ويفهموها غلط

بس بحياتها ما حاولت تأذي حدا وهي بس بترطب الجو مو أكتر من هيك

حبابة و شغيلة .....قد حالها ... وخدومة

يعني شو بدي قول أكتر من هيك ..... هي رفيقتي و حبيبة قلبي

إياد :

على اعتبار هو من السنة الأولى .. فأنا ما بعرفو كتير

Starry-eyed :

كمان ما كتير بعرفها

بس بعرفها بالكلية وهي هادية و حبابة

زيد:

شغيل وفهمان

_________________


وآخر شي بس حابة قلكم شغلة صغيرة

عن السبب إنو الأغلبية ما عاد شاركوا ( ما عم احكي عن طلاب التانية بس ... بشكل عام )

والسبب هو إنو كلنا صرنا منعرف بعض بالحقيقة ... وعم نشوف بعض بشكل يومي تقريباً

طبعاً عم احكي عن البنات ... يعني إذا ببتذكرو كيف إنو خلال أسبوع بالفصل الأول كلنا عرفنا بعض

فما عاد حدا إلو حيل يرجع يفوت و يحكي هون ... (لسا هلأ بيكون تركهم )

بعدين ممكن الواحد بعد ما يكون صرلو فترة مسجل ... يديق خلقو

وخصوصي إذا صار شي خلاف !!

_____________________

شكراً لكل مين حكى عني

     

و شكرأ لسلام مرة تانية

 

اقتباس

وما بحب ناديلا حتى شخصياً غير "هيما"

   

خلص رح غير اسمي بالنفوس ... هلئ بوشي للقنوات 

أحلى شي في قانون مرق بالحيوية العملي

هيما × 1000

 

طيب لح نرد مشان ما يقولوا ما بيسمع لآراء الأعضاء هههه...

اقتباس

ما بعرف ليش حاسس حالو حامل هم الكون وماشي......

صديقي إياد..

إن لم نحمل نحن هم الكون فمن يحمله إذاً..؟؟

هل نترك هم الأمة للعجائز و الأطفال؟؟

أم للشباب الطائش الذي لا يدري في أي طريق يمشي و يتخبط به الزمان حيث يشاء..؟؟

اقتباس

مشان طلب الأخ W.T.O مو بالي غير إنو ايمتى رح تغيرولنا هالابتسامات عفن قلبنا منهون بدنا

سيكون إن شاء الله..

اقتباس

شغلة التصفح المخفي مو ظريفة بنوب

و الله هي الشغلة سامحونا فيها شوي..

لأن التصفح الخفي إنما وجد بشكل خاص للمشرفين..

كي يتم تدارك المشاركات و متابعة بعض الأعضاء " الملاحقين"..

كما أنه يتيح للمستخدم أريحية بالتنقل مريحة جداً..

و لها ميزات أخرى عديدة - اكتشفوها بأنفسكم -

بس خلص تكرمو منصير منخفف عنها شوي..

اقتباس

يمكن لازم نزبطلنا جمعة كبيرة """شبابية""" مع شباب الأولى والتانية والتالتة مشان نعزز أواصر الصداقة والمعزة

و الله جبتها يا معلم..

بس بتعرف شو؟

فاقسين من هلأ..

لأننا المشكلة مو فاضيين منوب..

دوبو الواحد عم يخلص محاضرات ليمشي..

لا عنا وقت نطلع مشاوير و لا عنا وقت نفوت عالنت اذا بدك..

و المشكلة كمان أنو كل واحد عندو مشاريعو و أعمالو و ارتباطاتو..

و هالوقت بيتعارض مع هاد و هادا عندو موعد و هاد ما معو مصاري وووو........

بس سيدي اذا بتزبطوها أنا جاهز..

بإذن الله بحاكي كريم و شبيب و ياسر و منردلك خبر..

السلام عليكم....
شكراً سلام عالمواضيع الحلوة

بالنسبة ل:رنا ,هيما ,VELVETمابعرفون  للأسف...

goldenpill: حبابة كتير ,متعاونة بتحب تساعد الناس,رزينة بتمنالها كل خير...
بالنسبة للسلبيات :ما في..

رؤى:كمان حبابة كتير ومزوحة ومنطلقة للحياة...
وكمان ما شفت سلبيات...

وسيم:ما بعرف عنو غير أنو المشرف العاقل...أسلوبه بالخطاب محترم ...
السلبيات :أحيانا بكون جدي زيادة..

زيد:ما بعرفو بس لاحظت أنو :متعاون ,دائماً بساعدنا وبجاوب على تساؤلاتنا..
السلبيات: ما شفت شي لسا..

بنجي بقا عالسنة الأولى ..

Starry-eyed  :
الإيجابيات: طيبة, لطيفة,ومندفعة  و بتحب تساعد الكل...
السلبيات:بتعصب بسرعة شوي بس فوراً بتروق ...

أما إياد:
الإيجابيات:خلوق, عاقل, وبحب كل شي مفيد.
السلبيات:ما شفنا شي لسا ........بس عندو هدوء غريب!!!

سلام

بس قبل ما بلش بالاعضاء الجدد

بدي احكي كلمتين بحق انسانة ما بدي قول عنها انها رفيقتي لانها صارت اعز من اختي

هالانسانة من ارقى الناس يللي شفتهن بحياتي واعقلهن

عندها قوة بشخصيتها وثقة بحالها لدرجة بتخلي كل حواليها يثقوا بحالهن وبشخصيتهن  (و انا بصراحة وباكثر من موقف صدمتني قوتها وصلابتها يللي ما كنت متوقعتهن منها) والشي الاكيد انه مالها بحاجة لحدا يقودها او انو تكون مطيعة لحدا

قوية وما بتسمح لحدا ابدا بانو يتعدا حدودوا معها

صاحبة مبادئ ما بتتنازل عنها شو ما صار

بالها طويل وبتتحمل كتير من العالم

واي حدا بيقول غير هالصفات بيكون ما بيعرفها ابدا

و اي حدا بيحاول انو يزعجها فساعتها رح تكون هي نهايتو لاني انا ما رح اسمحلو  ابدا

عرفتوها مين هية؟؟

اغلى انسانة على قلبي : هيما

هالانسانة انا مستعدة امنها على روحي لانها ثقة وكفو

             

و هلأ منجي للاعضاء الجدد :
اياد: شخص ظريف -مجتهد وعندو همة عالية جدا بالنسبة لطالب بالسنة الاولى - بيحب يساعد غيرو
السلبيات: بدون زعل:
اوقات بيعمل مشاكل مالها طعمة ونصيحة : حاجة مشاكل خود الامور بروح رياضية

ستيري ايد:(ما رح بدل للانكليزي  ): انسانة مرحة- قلبها طيب كتير وبتحب كل الناس- بالها طويل وما بتحب تزعل حدا- بتحب تفهم كلشي عم يصير حواليها -
السلبيات:اوقات بحس انو ثقتها بنفسها ضعيفة ولازم تكون واثقة بحالها اكتر

زيد: مثقف واعي فهمان شغيل وبيحب يخدم بلدو ويساعد غيرو



نراكم غدا بالحلقة القادمة

سلام            

]color/]

اقتباس

بس عندو هدوء غريب!!!

       


ما بتوقع

الــــــــــــــــســـــــــــــــــــلام عليكم ............


24 ساعة غبت عالمنتدى بس بلاقي 3 صفحات فيهون من ضمن الردود مقلاايتي 


الله يسامحكون طب حدا يخبرني     


منشمر ومنقول بسم الله .......

بالبداية : الله يعطيكي العافية سلام 


------------------


حنان .....


ا

اقتباس

لحلو أنو ردودا ظريفة كتير  وهيي بادرت معي بحلقات توم وجيري

مجبر أخاك لابطل 

اقتباس

سلبيات بالمنتدى : شو بدي قول لقول .......

ليش ماتحكي الرد مهما كان حجمو مابياخدو مصاري 


---------------

ريمي ....

اقتباس

متسرعة و مممممممم  يلا بكفي هيك

هلأ صح متسرعة بس مو كتير 

انت كمان ليش بيكفي 


-------------

رغد ......

اقتباس

اولا رؤى : اكتر شي بيعجبني انو دمها خفيف ... هلأ توقيعا مبين انو هيي جدية بس لما شفتا غيرت رأيي .. بتحب المساعدة

توقيعي جدي .......؟؟؟؟؟.....

كلو صورة 

شكراً للإطراء


------------

starry-eyed

اقتباس

رؤى خانوم.......... من أول ما تعرفت عليها وين ما رحت ((في رحاب الكلية أو في المنتدى)) بتطلع بوجهي  .......

هو أنا مابهدي لا بالكليو لابغيرها


بس شكلو كمان انتي هيك 


بس لأوصل لعندك الي اذا بتلأي 


--------------

VELVET

يمكن هي رنا مو أكيد ها

اقتباس

رؤى: (اخ منها لرؤى )

لهالدرجة مآسية مني 

اقتباس

السلبيات: اذا بدي احكي كلشي بدي اعد لبكرا لذلك رح اختصر بنص صفحة:

ولايهمك احكي والك هدية بطاقة نت 

اقتباس

متسرعة_اوقات بيصير معها انفصام شخصية يعني خلال ثواني بتنقلب من مبسوطة لمعصبة-مزاجية لدرجة مو طبيعية واقات ما بتسمع النصيحة (لذلك انا يأست)

انفصام شخصية 

على مهلك عليي بدي انفق 

مابسمع النصيحة ؟؟؟

الله يسامحك والله بسمع كلشي بينحكى قدامي واذاااا عجبني بطبقو وإذا لأ عالأرشيف 

اقتباس

الايجابيات: مافي

 


---------------


نهى خانووم ...........

اقتباس

لازم تعد للعشرة قبل ما تساوي شي.. لأنو طيبة قلبها واضحة وممكن يستغلها حدا نفسيتو مو تمام..

شوقصدك والله ماكتير فهمت عليكي   


-------------

إياد .....

اقتباس

أحيانا بتكون مبسوطة وبتقبل مزح..............بس أحيانا

       

لا والله بتقبل المزح كتيييير وبقدر فرق تمام بين المزح والجد

بالعلامة الحرب لساها قائمة بين الساحتين

بس للمعلومة معنا كرت جوكر جماعة التانية ها 


--------------


سلام .......

اقتباس

بس أحيانا بتصر على موقفها و ما بتغيرو لو انطبقت السما عالأرض و أحيانا ما بتفرق معها حدا

نظرتك بمحلها أصبت 

اقتباس

(شوفوها كيف ناطة من استقبال للتاني  )......

فضحتينا 

اقتباس

* ليش يلي انذكرت أسمائهون ما حطو مشاركة    يعني يقلولنا رأيون بحالون بما إنو هنن أدرى الناس

فيها..... و كمان عن باقي المتهمين يلي معهون........

والله هلأ شفت البلاوي وليكني عم رد 

--------------


بلسم حياتي .....

اقتباس

السلبيات : بحسها متقلبة شوي

شو كتييييييييير قلال يعني 0.000000001  بس 


--------------


نسرينو .....

اقتباس

بمناسبة لقاح التهاب الكبد

ذكرتيني صار وقت آخر لقاح 

اقتباس

سلبيتها: إحساسي بيقلي أنها ما بتعترف بهفواتها بس صراحة ما مسكت عليها شي لهلأ....

وحياتك مظبوط 

هاد الحكي زمان

وبصراحة شديدة :


كان عندي عند شديد وخصوصي بالنسبة للحكي عليي

يعني ماكان مسموح حدا يحكي عليي

بس هلأ ومن فترة قريبة في أشخاص ثقة وبحترم رأيون وباخود فيه فصفصوني فصفصة  وبظن لسا في تتمة بس مافي وقت  هلأ

لذلك ولا يهمك من هالناحية 


----------------

هيما ......

اقتباس

بس مشكلتها إنها متسرعة

وما بتسمع لحدا ... نقوزة كتير .. بس قلبها طيب وإذا عصبت ممكن تروق بسرعة خارقة

هلأ رديت على هالحكي


بس السرعة الخارقة هي لأنك بتعرفي تروقيني 


---------------

وسيم .......

اقتباس

و قد نرى عند رؤى ضرورة وجود المساعد الموجه في العمليات الصعبة..

لقد فهمت شطراً من الكلام ولم أفهم تتمته


على كلٍ مايتحمله الموجهون مني كافي لشكرهم لكن أفضل أن يكونو مجهولين


وبعد عدة من التوجيهات أظن أنني تتطورت تطور ملحوظ

المشكلة لا يوجد شهود لأنهم ليسو هنا 

(لاحدا يدور لأن أم الرور وحدة منون وأهم وحدة  )

مايثير تساؤلي لمَ وجه المقارنة ؟؟؟؟

------------

أميرة الشطورة ......

اقتباس

وكمان ما شفت سلبيات...

له له ولو .؟؟ بحبشي الا ماتلاقي 


-----------


يلا بكمل الحكي بالرد الجاية بلا مايلتعى قلبكون 

اقتباس

مشان طلب الأخ W.T.O مو بالي غير إنو ايمتى رح تغيرولنا هالابتسامات عفن قلبنا منهون بدنا

لأ يي شو يغيروهن .... كتيير حلوين

بس يضيفو  كم وحدة عليهن بيلزموني

بدي واحد نعسان و واحد عم يضرب راسه بالحيط

و  أهم شي بدي واحد عم يشد بشعره هي كتيير بحتاجها

 


VELVET

أكيد ما في حدا ما بيعرف أنها بتحب المزح و الضحك

حبابة قلبها طيب  حتى لو ما  أظهرت هالشي كتير  و بتحب تساعد

أيام بحسها طايشة و ما بتعرف شو بدها بالضبط


_ كتير متسرعة بتصرفاتها و بالحكم و باتخاذ مواقفها

(بكفي هيك رنا و لا بدك كمان      )


ZAID

انسان واعي و أحسن شغلة فيه أنو بجاوب على أسئلتنا و بساعد كل مين بيقدر يساعده

هاد بس اللي بعرفه


STARRY-EYED

كمان لسا ما سنحت الفرص انو نعرف طلاب السنة الأولى منيح

بس STARRY-EYED  بنت حبابة و مرحة و هيئتها كتيرة غلبة 


EYADOO

كمان نفس الشي

بس باين عليه أنو طموح كتييير

و واعي و بيسعى ليزيد من ثقافته

ما بعرف بس هيك بحس

_ و سلبيات ..الهيئة أنو متسرع و لازم يفكر أكتر بالشي اللي بده يساويه


بس أحلى شي أنو في ناس انحط اسمهن و انتكتب عنهن و هنن هلأ لدريو  بالموضوع

   


سلااااااااااااااااام للكل

و بانتظار الحلقة الجاية

   

خبرونا انو طلاب دفعتنا معلقين عالمروحة


يلا بسم الله


منبلش ب ميمي ...


ايجابياتها : شغيلة وهادية .. بحسها بنت خجولة ..بتعرف شو بدها وبتعرف مين هيي . اخلاق عالية ، صديقة ممتازة .
سلبياتها : لما تحط ببالا انو مارح تقدر تعمل شي فعلا ما بتعملو = بتفقد الامل بسرعة ...



اياد ...

ايجابياتو : طموح جدا ، مهذب جدا ، انيق بس مو جدا 
سلبياتو : بحس بعدو ما نضج يعني لسا في طفولة بشخصيتو ( ليكو مين عم يحكي    )


زيد ...


الايجابيات :: كتيرة ماشالله ... زكي ، مجتهد ، متعاون ، مالو قليل مروة ، متدين ، شخصية بتعجبني ، رجل بحق 

السلبيات : مابعرفو منيح لسا ومشاركاتو مافيا سلبيات ولكن من اسمو بتوقع يكون جدّي وشغل سياسة 


فالفيت : ماحصلي الشررف بمعرفتا لسا .. ولكن بتمنى من كل قلبي


بس مافهمت .. رنا هيي نفسا فالفيت ؟


( يلا ناطرة تعلقوني    )