مرحبا

هلأ أنا ما بعرف من يلي قلتوهم غير وسيم وغولدن بل

وسيم:

+  :  مهتم بشدة بجودة وجدية المنتدى

        إلو اهتمامات بالفيزيا والفلك بتمنى لو إحسن إتعلم منها ولو شوي

-  :  متخبي ورا حجاب التصفح المخفي وبالنادر جداً لنشوفو متواجد صراحة

      مندفع شوي ولازم يكون عندو شوية دبلوماسية

      مشاركاتو قليلة جداً مع أنو كتابتو كتير حلوة

غولدن بل:

+  :  رايقة كتير ويمكن بحياتها ما بتعصب

        مبتسمة دائماً للحياة

        شكلا نشيطة وشخصيتها قيادية

-  :  من يلي بنطو وبناقشو الدكاترة أثناء المحاضرة ....بس الله يرضى عليها صايرة مخففة هالعادة السيئة

------------------------------

صراحة ما كتير بعرف أعضاء المنتدى بحياة الواقع غير كم شخص

يمكن لازم نزبطلنا جمعة كبيرة """شبابية""" مع شباب الأولى والتانية والتالتة مشان نعزز أواصر الصداقة والمعزة

السلام عليكم ورحمة الله وبركاته


عنجد الموضوع حلو كتير........وأنا بنتظار دوري ودور باقي طلاب السنة الأولى

   

أما بالنسبة للمتهمين اليوم...............

=======================

رؤى....


عم استرجع الماضي أول ما فتت عالمنتدى ..........وقتها.....ما كنت أعرف غير كم واحد سنة أولى...

ومع أني كنت حاول كون اجتماعي بس ماحدا كان يجاوبني ولا حدا ينطش......

باستثناء شخصين كنت حسهم كالأخوة.........الآنسة رؤى ..............والسيد بطريق!!!

أحيانا بتكون مبسوطة وبتقبل مزح..............بس أحيانا   

======================

hema

           


======================

الآنسة نسرين...


ما شاء الله حكيتو ووفيتو............بس أكتر شي لاحظتو هو نشاطها واجتهادها.... وحرصها على العمل المنظم....

======================

الأستاذ وسيم

حسب ما بعرفو إنسان راقي جدا........وجدي......وبنفس الوقت حباب.....عندو اهتمامات حلوة...

أما السلبيات فمتل ما قالو......

التصفح الخفي والمشاركات القليلة والـ((نشافة )).......أحيانا....(عم أمزح)

ما بعرف ليش حاسس حالو حامل هم الكون وماشي......


======================


هي حكيت شوي.........وما شاء الله عليكم شو صريحين.....


بانتظار دور السنة الأولى ..................

السلام عليكم

والله انا كنت كاتبة مشاركة و بعدين حذفتها لإنو بعد ما كتبتها تذكرت إنو من آداب

النصيحة ( ذكر السلبيات ) أن تكون سراً و ليس علناً

و مشان هيك بعتذر عن المشاركة بهاد الموضوع أما الإيجابيات فأكيد باقي أفراد

العيلة رح يكفوا و يوفوا

بس فكرة الموضوع حلوة مشان جمع العيلة...

شكراً سلام

   

بسم الله الحمن الرحيم
اللع يبلي  و  يعين
صحي ما فهمت شي بس منقول على الله
خير والله يوفق الجميع

Am the same with you Hala ,,, am new here and know less about members ..
any way am waiting to talk about humans I know or about me 

السلام عليكم...............

ما شاء الله كلو وصلتو الفكرة منيح و بلش يطالع و يفضفض...............

هلأ اجى دوري بالحكي:

نسرين: متميزة بنشاطها و اندفاعها و حيويتها المتجددة كل يوم و كتير خدومة و بشوشة.......

هلأ يمكن شوي بتحمل حالها فوق طاقتها و بتشبك 200ألف قصة بالثانية لتساويهون بس لهلأ هي

عم تلحق تساويهون, بس بدي قلها خفي على حالك شوي بركي اجى الزمن يلي ماعاد تلحقي

تعملي في كل هالشغلات سوا.......(أكيد ما حدا فهم شو بدي...)

Hema:

كتير نفسيتها هنية و طيوبة و دمها خفيف.......... و الله أكتر منهيك ما بعرف لأنو ما عاد آنستنا بشوفتها

إلا بالمناسبات السعيدة...........

رؤى:

مزوحة و بتفش القلب و حركة و اجتماعية درجة أولى (شوفوها كيف ناطة من استقبال للتاني  )......

بس أحيانا بتصر على موقفها و ما بتغيرو لو انطبقت السما عالأرض و أحيانا ما بتفرق معها حدا

(هالحكي طبعا من يلي حسيتو بالمنتدى مو من الواقع)...........

W.T.O:

ما كتير بعرف أكتر من يلي قلتو...........

***********************************************************

بس كم تعليق عالهامش قبل ما حط باقي الأسماء:

* ليش يلي انذكرت أسمائهون ما حطو مشاركة    يعني يقلولنا رأيون بحالون بما إنو هنن أدرى الناس

فيها..... و كمان عن باقي المتهمين يلي معهون........ و على سيرة الاتهام  إذا حدا عم يحكي شي مو

صحيح عنو يصحح وجهة نظر الأعضاء في, لكن مشان شو نحنا عاملين الموضوع مو مشان الأعضاء

تفهم بعضها أكتر و ما يضل حدا آخد فكرة مو صح عن التاني..............

*كمان إذا بدكون بعد ذكر شو بتحسو عن العضو تتركولوا شي نصيحة إذا عندكون.........

*STARRY-EYED

لكن بدك تحكي عني مهيك    ............ و الله يلي بإيدوا القلم ما بيكتب حالو من الأشقياء

(هالمتل سمعتوا يوم الأربعاء)........... بس خلص قريبا انشاء الله..............

* مشان طلب الأخ W.T.O مو بالي غير إنو ايمتى رح تغيرولنا هالابتسامات عفن قلبنا منهون بدنا

غيرون و إلا رح نقاطع المنتدى.................


و هلأ اجى دور الأسماء التانيين:

EYADOO, STARRY-EYED, ZAID,VELVET

ورجونا  شو رح تعملوا فيهون..................

ستاري آيد :

بنت مندفعة  ونشيطة وبتسأل  كتير  وهاد الشي حلو

سلبيات : لسا ما بين معي

إياد :

قلبو طيب و حباب و مهذب و مندفع ولبق (خاصة لما يقلي آنسة حنان )
ومتعاون وبيحب يسأل عن التفاصيل

سلبيات : أحياناً بيطول ليرد عليي  ههههههه  ما لقيت غير هي

زيد :

شب حباب وشاطر (من الأوائل) و ذكي وتعاملو راقي 

سلبيات : مممممممم ....... أحياناً بسمع عنو أنو متشبث برأيو
وأحياناً بيكون حاطط مخو بالدراسة زيادة وما بيركز بالحياة كتير  ههههههه


VELVET
ظريفة ورايقة وصورها حلوة كتير
بس مو كتير فيني احكم
مواضيعها خفيفة دم 

السلام عليكم

من بعد إذنك سلام في أربع شخصيات راحو عليي بدي عبر إذا بتريدي  

هلأ أنا مالي حابة اذكر سلبيات للكل الأسماء الموجودة إذا ممكن لأنو أنا مو كتير بعرف الكل فبخاف إني اظلم حدا

رؤى: بنت كتير طيوبة وظريفة وأهم شي بتتحمل مزحاتنا ومقالبنا  وبحب مشاركاتها ومواضيعها    

السلبيات : بحسها متقلبة شوي

هيما: بصراحة مابعرفها كتير بس دمها خفيف وروحهامرحةخصوصا بالصور يلي متصورتون هي وشلة التانية    

نسرين: محترمة وماشاالله عكيدة بكل معنى الكلمة و كمان وازنة هالبنت وبنفس الوقت بتحب البسط والتسلاية يعني جامعة بين الجدية والمرح
السلبيات : مالقيت عليها سلبيات

وسيم: إنسان محترم وأكابروأول ماسجل بالمنتدى كان إنسان طبيعي يعني بيحكي متل كل العالم وكان مواضيعو ومشاركاتو محترمة وبنفس الوقت فيها خفة دم
بس فجأة وبعد استلامه للإشراف انقلب مية وتمانين درجة  مابعرف شو السبب           
السلبيات: هلأ حلو الواحد يكون جدي ويحكي بالفصحى بس كمان لكل شي وقت يعني للفصحى وقت وللعامية وقت يعني بالنهاية حلو إنو الإنسان يتصرف على طبيعتو ضمن الحدود يلي وضعها الله وهيك بيفرض احترامو وين ماكان

_____________________________________

الشخصيات الجديدة
إياد: مابعرف عنو شي غير إنو طالب أولى ومشاركاتو خفيفة الظل

STARRY-EYED: كمان مابعرف غير إنهاسنة أولى

زيد: إنسان محترم ومحب للعلم وقت الجد جد  ومهتم بالعلم والدراسة ومشاركاتو ومواضيعو القديمة على ما أذكر بتدل على شخصية عندها مبادئ دينية مترسخة فيها

رنا: تسلميلي إنت وهالاسم الجديد مالح اكتبو هلأ بالانكليزي خليه رنا            

المهم هي بنت لذيذة وشغل رواق وضحك ومواضيعها كتير حلوة            

شكرا سلام على الموضوع بعرف حكيت كتير سامحونا                

زيد شكراً إنك رديت ووضحت

وأكيد أنا ماقصدي شي  كلو مزح 

بس من قلة السلبيات ماعدنا نعرف شو نحكي

بالعكس أنا لما كانو أهلي يتدايقو من فوتتي عالمنتدى كنت  قلن أنو في أوائل بالمنتدى

وأنا ناطرة ينحط اسمي سلام خانوم  حتى شوف سلبياتي

وبالنهاية شكراً لمن أهدى إلى عيوبي