السلام عليكم.................

قد يكون الموضوع مكرر أو سمعانين عنو سابقا بس معلش خلونا نشارك في مرة

تانية من باب إنو  يلي دخل جديد عالمنتدى و ما صحلو يشارك بيشارك هالمرة:

هلء كل فترة بحط أسماء أعضاء بالمنتدى و كل واحد بيقول ميزة هالعضو و شي ما

بيحبو في و بكل صراحة (طبعا بس يلي عم نشوفو علي بالمنتدى يعني شو بيعجبنا

في بالمنتدى و شو يلي ما منحبو في كمان بالمنتدى)

انشاء الله الفكرة تكون وصلت.....

ملاحظة: مو مشان شي بس الأسماء يلي رح اطرحها من منتدى الصيدلة فقط لأني

ما بعرف غيرون...... و رجاء من دون أي تجريح أو مبالغة........


و الأسماء:


W.T.O , golden pill, hema, ph.Ruaa

و كل يوم في 4 أسماء تانين...........

شكراً سلام عالموضوع

فعلاً اليوم طق قلبي من المنتدى  و حسيتو كتير ناشف

بس رح بلش برؤى :  الحلو أنو ردودا ظريفة كتير  وهيي بادرت معي بحلقات توم وجيري 

سلبيات بالمنتدى : شو بدي قول لقول .......    


غولدن بيل :  مواضيع كتير حلوة + حذرة بمشاركاتها  وكلمتها موزونة و أحياناً بتكون مشاركات مطعمة بخفة دم  متل لما شاركت بموضوع لما حتصير دكتورة
أو لما حكت عن متلازمة ما بعد الامتحان ببستان الصيدلة

سلبيات : .....................................عنجد ما لقيت     

هيما :  ما كتير شفتلا مشاركات من لما فتت عالمنتدى وما بعرف شو بدي قول

أما : W.T.O
فمارح احكي شي .....................على مسؤوليتك
أصلاً كيف بتسترجي تحطي اسم المشرف مع عامة الشعب   

لاء رح احكي : مشاركات جدية جداً  وحذرة كتير وكلمات بالفصحى + أسلوب خطابي
+ مشاركات مقتضبة
يمكن هاد الشي مو سلبي لأنو مشرف
يعني هيك لازم يكون   

بس الواحد لازم يحكي ضميرو
جو المنتدى مضبوط بطريقة كتير حلوة (يعني نحنا بمنتدى محترم جداً)
ما في مرة طلبت منو طلب إلا لباني :  تغيير اللقب + حذف مشاركات +.........

شكراً كتير سلام على الموضوع الحلو

   



ph.Ruaa

بميزها ثقتها بنفسها

هلأ السلبيات    بلاها....... يلا أصلاً هنن ما بعيتبرو سلبيات


_متسرعة و مممممممم  يلا بكفي هيك 



hema

هادية و بستغرب انها ما بتعصب

عندها قلب لتشرح و تشرح و بحس انو بيلبقلها تكون آنسة 


_  نقوزة و يتضخم الأمور

(هيما  عملي حالك ما قريتي شي  )


golden pill

أحلى شي فيها همتها العالية و اللي كتير بحبها فيها

بتحب تشغل حالها بشغلات مفيدة دائماً

و طبعاً حبابة

بكفي انها متحملتنا 



_ بتضل بتقلي ترجمي انت قدها ......... و أنا   



W.T.O

ما بهمو رأي حدا و ما بيعمل الا اللي بيرضيه

و واثق من كل شي بيعمله

و متفائل


_ متل كل المشرفين الشباب

روح قلبهن ينقرو على كل شي بساوه البنات حتى لو ما فيو شي

و بعدلولهن و بيحذفولهن و .... 

( ولي انحذف الرد  )


أكيد كل شي سلبيات  قلتها هي مو سلبيات

لأن الحمد لله ما لقيت سلبيات اكتبها

سلااااااااااااااااام

   

حلو كتير


رح شارك بيلي بعرفو ... هلأ السلبيات لسا ما اكتشفتا


بس اعرفا وحياتك لقولها


W.T.O , golden pill, hema, ph.Ruaa




اولا رؤى : اكتر شي بيعجبني انو دمها خفيف ... هلأ توقيعا مبين انو هيي جدية بس لما شفتا غيرت رأيي .. بتحب المساعدة



هيما .. مابعرفا لسا


جولدن ... غير شكل هالبنت ... نجييبة درجة اولى ... بظن انو من البنات يلي بيقعدو بالصف الاول بالمدرج D:


وسيم ... كمان ما بعرف ... لكن بلاحظ انو شخصية واثقة من حالا ... وبتخوف شوي



يلا


عقبال ما يجي اسمي لنشوف رأي الاعضاء


سلاااام :)

                                                                                                                                                                                                                                                                                                   

السلام عليكم



والله طريقة غير شكل لنخفف شوي من سيئاتنا ............... يعني أحسن ما نغتاب العالم منحكي عليهن بوجهن


يلا لنبلش ...........

رؤى خانوم.......... من أول ما تعرفت عليها وين ما رحت ((في رحاب الكلية أو في المنتدى)) بتطلع بوجهي .......
لا بس هي عنجد ظريفة و نشيطة وغير شكل    ...........و متل ما قلتو .. واثقة من حالها    ............. هاد لهلأ ها ............ يعني لسا ما شفنا منها شي تاني


غولدن بل ........... الابتسامة والهمة العالية دائما معها  ............. هي أول بنت تعرفت عليها من صبايا المنتدى........... وبالها طويل ((بيكفي إنها متحملتني لهلأ))
بتحكي الكلمة المفيدة وبس ....... بقى عطول لما بدي اسألها سؤال بحس حالي كتير غرارة قدامها ...............


هيما .......... بعرفها بس بالكلية ............ رايقة ومسالمة ومبتسمة........ يعني ما فيني احكي شي على مشاركاتها



W.T.O........ كل شي بعرفه إنو مشاركاتو بالفصحى  .............. بس ما في مشكلة من هالناحية ................ لأنو  لما يحط عنا شي مشاركة دغري بيترجموها للعامية حرصا على وصول الفكرة على أكمل وجه لعامة الشعب   




وسلام خانوم  ........... ايمتى بدو يجي دورك ؟؟
يلا بدنا نحكي عليكي بقى  

شي عظيم

شايفة كمان عنا صار في مقلاية:  

نسرين: انسانة موزونة وناجحة - شخصيتها قوية- واثقة من حالها - ظريفة(بس مو دايما اوقات بتتغالظ) -متواضعة-بتحب تشتغل وتساعد غيرها كتير 
السلبيات: امممممممم هلا بالنسبة للسلبيات ما لي ملاقية لهلا مع انو صرلي زمان عم بحبش

والبحث مستمر(بس ليطلع معي شي بقلكن)

رؤى: (اخ منها لرؤى )
السلبيات: اذا بدي احكي كلشي بدي اعد لبكرا لذلك رح اختصر بنص صفحة:
متسرعة_اوقات بيصير معها انفصام شخصية يعني خلال ثواني بتنقلب من مبسوطة لمعصبة-مزاجية لدرجة مو طبيعية واقات ما بتسمع النصيحة (لذلك انا يأست)
الايجابيات: مافي


هيما:السلبيات: اوقات بتعطي للامور حجم زيادة عن اللزوم(طبعا عم بحكي بالحياة الواقعية مو هون لانو الحمد لله ما عاد شاركت)- هي من الاشخاص يللي بيلومو حالهن كتير حتى لو كانو مو عاملين شي

الايجابيات: كمان موزونة وعاقلة-ما بتعمل حركة الا لتكون مدروسة وفي منها فائدة- قلبها كبير وما بتحب تزعل حدا -  طيوبة كتير-ظريفة
طبعا هاد يللي تذكرتو عن الكل


سلام  ونراكم في الحلقة القادمة    

         

                 

وأخيراً خلينا وسيم  يحط رد طويل  و بنسبة 50% عامية

نحنا منحب الفصحى

بس يعني مو كل الأوقات     

أحياناً بتحسسنا أنو يلي عم يحكي كتير جدي

شكراً على رحابة صدرك .........

بس بدنا تطبيق       

مع أنو أنا حكيت إيجابي وسلبي

والصبايا كمان   

على كل حال فعلاً منتدى الصيدلة مميز وغني بالمشاريع والأفكار الإبداعية

وإسهامات أعضاؤه والآفاق يلي فتحوها كتير حلوة

ولما كنا نلتقى مع البنات والشباب  كان في كتير احترام

وهاد الشي كتير مريح

  الفضل بكل هاد لنهى خانوم يلي دقت ناقوس الخطر

-----------------------------------------------------------------

بالمناسبة أنا ماجاملت حدا بكلامي

وغولدن بيل بس لاقيلك سلبية رح دجها دج  ............... بوعدك