أول شي السلام عليكم
انا خريجة 2007 من جامعة تشرين
مقيمة حاليا بالسعودية
بدي انزل عسوريا بشهر 7 منشان قدم عالدراسات ممكن كام استفسار
اول شي امتحان الانكليزي بقدمو قبل ولا بعد المفاضلة ووين بيقدمو
وكمان انا حابة ادخل صيدلة مشافي هدا التخصص كتير مهم هون بالسعودية بس وقت كنت ادرس بسوريا ماكان الو اي اهمية ياترى هلأ تغير الوضع
كمان اذا انا حطيت المشافي رغبة اولى في احتمال مايطلعلي يعني هادا على شو بيعتمد
يعني انا معدلي 82
وياريت لو في حدا عم يدرس هالفرع بالمنتدى يخبرني عنو وعن دراستو
واخر شي في منهالاختصاص بحلب ولا بس بالشام
وشكرا لسعة صدر وحلم اللي بدو يرد علي

السلام عليكم ورحمة الله وبركاته ..

بداية نرحب بانضمامك لمنتدانا ونقول حللتِ اهلاً ونزلت سهلاً ...

مع تمنياتنا لكِ بكل الفائدة وكذلك الإفادة ...

زميلتي سأجيبك على تساؤل واحد ... كوني لست طالب صيدلة ...

اقتباس

اول شي امتحان الانكليزي بقدمو قبل ولا بعد المفاضلة ووين بيقدمو

بالنسبة لاختبار اللغة الانكليزية للقبول بالماجستير فهو يقام كل 3 أشهر مرة ...

وأحياناً يصدف قبل المفاضلة وأحياناً بعد المفاضلة ...

على العموم إن تأكدت من موعد إجراء الامتحان السابق سأجيبك متى يكون موعد الاختبار الجديد

تمنياتي لك بكل التوفيق ...

وأتمنى من الأخوة طلاب الصيدلة إجابتك على استفساراتك المتعلقة بالاختصاصات ..

تحيتي

الجولاني

أنا آخر سمعة سمعتها (لأن كل سنة الماجستير شكل ما عبيعرفوا شلون بدون يزبطو)

أنو في امتحان وطني لكل الطلاب دمشق وبرا دمشق (40% من العلامة )

والباقي 60% هي المعدل

بالنسبة لصيدلة المشافي

بظن أنو لساتو على المكانة نفسها لذلك هو من الفروع ليست ذات العلامة العالية

عموماً يمكن السنة الخامسة بيفيدوكي أكثر

بس قلت بحط اللي بعرفه

شكرا أخي الجولاني على مداخلتك وبانتظار موعد الامتحان
بالنسبة للفحص الوطني أخ ايرون  متى فينا نعرف عنو ووين بيقدمو
يعني بيعلنو عنو قبل فترة  بتعرف عشان الواحد يحضر حالو
وللاسف مابعرف حدا من طلاب السنة الخامسة متل ماذكرت سابقا انا مغتربة

شكرا للجميع والله بيعين

السلام عليكم:

متل ما بعرف أنو بيقدموا الفحص الوطني بمعهد اللغات (قريب من كلية الصيدلة) وكل فترة يمكن 3 أو 4 شهور في فحص .....


كمان أنا سنة رابعة وما بعرف كتير بهالأمور




بالتوفيق

هلأ كأني أنا فهمت غلط
الفحص الوطني بتقصدو فيه امتحان اللغة الانكليزية
ولا فحص بالصيدلة
لانو متل مافهمت من حكي الزميل جولدن انو هو بمعهد اللغات وكل اربع شهور اصبح انت عم تحكي على فحص الانكليزي مو هيك؟؟

nostaljia
أهلا فيكي بالمنتدى

بالنسبة لتساؤلاتك لح حاول جاوبك عليها حسب معرفتي وكوني سنة خامسة

اقتباس

اول شي امتحان الانكليزي بقدمو قبل ولا بعد المفاضلة ووين بيقدمو

امتحان الانكليزي أنا بعرف أنو السنة الماضية كان بالصيف (يمكن بالشهر التاسع بس مو مذكرة بالضبط) على كل تبع السنة بيجوز يكون موعدو تغير وهنن بحطو اعلان وأكيد رح ندرى فيه.

اقتباس

وكمان انا حابة ادخل صيدلة مشافي هدا التخصص كتير مهم هون بالسعودية بس وقت كنت ادرس بسوريا ماكان الو اي اهمية ياترى هلأ تغير الوضع

هلا الاختصاص هاد حلو كتير بس للأسف الوضع بسوريا ما تغير

اقتباس

كمان اذا انا حطيت المشافي رغبة اولى في احتمال مايطلعلي يعني هادا على شو بيعتمد
يعني انا معدلي 82

بيطلعلك كل شي ما شاء الله معدلك أعلى من معدل الأولي عنا

اقتباس

هلأ كأني أنا فهمت غلط
الفحص الوطني بتقصدو فيه امتحان اللغة الانكليزية
ولا فحص بالصيدلة

فحص الانكليزي شي و الفحص الوطني شي
الفحص الوطني بالصيدلة والسنة أول سنة بيصير في فحص وطني
كان من زمان موجود لغو سنة والسنة رجعو (على حظنا يعني)
عليه 40% والمعدل 60%

ويمكن الزميلة سويت لايف والزميل فارما عندون معلومات أكتر مني لأنو على هوا ما فهمت منون أنو في فحص كفاءة والله هاد أنا ما بعرف عنو شي

شكرا أخ L . KH على اجوبتك
بالنسبة لفحص الانكليزي شفت موقع لالو عالنت كتير حلو ومفيد حتى فيه نماذج امتحان
والموعد الجاية ب 24 نيسان انشاءالله بقدم بالموعد اللي بعده
وهاد الموقع للبيحب يطلع
http://www.mhe.gov.sy/AWLA/

وياريت الزميلة سويت لايف والزميل فارما يساعدوني إذا بيعرفو شي عن الفحص الوطني

السلام عليكم ورحمة الله ...

الزميلة nostaljia

بالنسبة لأختبار اللغة الانكليزية الخاص بالماجستير وكما ذكرت في مشاركتي الأولى

يقام كل 3 أشهر مرة .... بمعنى أن لو افترضنا أنه سيكون اختبار كما ذكرتِ أنتِ بتاريخ 24 / 4

سيكون الاختبار الآخر بالشهر السابع أو بداية الشهر الثامن ... أي سيكون لديكِ فرصتين قبل

المفاضلة على الماجستير للعام القادم ...

اقتباس

وياريت الزميلة سويت لايف والزميل فارما يساعدوني إذا بيعرفو شي عن الفحص الوطني

زميلتي ... بالنسبة للاختبار الوطني والذي نسميه اختبار معياري ... فالقرار أعتقد أنه قد صدر

وريثما يصبح بمتناول اليد سأضعه ضمن هذا الموضوع ( الرابط  )

لكِ أن تقرأي المشاركة 13 من الموضوع

https://www.jamaa.net/art254618.html

وهو قرار لطالما طالبنا به نحن طلبة دمشق .... وكنا نود أن يكون القبول بالكامل بناء على نتائج

الاختبار المعياري ... وذلك لأن معدلات الجامعات الأخرى تفوق الخيال ... ومعدلات طلبة دمشق

متوسطة نوعاً ما بسبب عدة ظروف تحكم طبيعة آلية التدريس والمقررات بدمشق..

ينص القرار على :

إجراء اختبار معياري لجميع الطلبة ومن مختلف الجامعات الذين يودون المفاضلة للماجستير .

ـــ يخصص لهذا الاختبار نسبة مئوية ومقدارها 40 % تضاف لمعدل الطالب والذي سيكون له 60 % ..

على الهامش ولطلبة دمشق؟

في السنة الماضية تم قبول  100 طالب ماجستير ضمن كلية التربية بجامعة

دمشق في مختلف الاختصاصات والتي عددها على ما أذكر 12 اختصاص ...

نصيب دمشق منهم 3 طلاب فقط ... والبقية من الجامعات الأخرى والسبب المعدلات الصاروخية

الخارقة القادمة من الجامعات الأخرى ...

لذلك أقول لطلبة دمشق .. أن القرار في صالحنا .... وعلى الأقل في كليتي .

تحيتي لكم وتمنياتي لك بالتوفيق ...

الجولاني