هاي تاني مرة بكتب التعليق

مرحبا ساندريلا :
أنا طالبة سنة ثانية وموضعكن ومشاكلكن أثارت فضولي للمشاركة ومحاولة الفائدة ( ولا سيما أنننا كنا نعاني منها بصمت دون أن يساعدنا أحد ....... بس مو مشكلة )
بالنسبة لمادة الظل والمنظور فهي ياعزيزتي مادة هامة لطلاب العمارة ( مادة محورية)  مو بس هلق بل طول العمر
بالنسبة للمادة فهي بتنقسم إلى :
1-الظل: وتتعلمون فيه كيف توجدون ظلال الأجسام والكتل (  وهذه المعرفة ستفيدكم جدا في مشاريعكم المستقبلية فالكثير من المباني العالمية تعتمد وتستمد جمالها من التركيز على الظل والنور )
2- المنظور ( الخارجي ) : تتعلمون في هذا الجزء كيفية رسم الكتل أي تحويل خطوط المسقط إلى كتل ( وهذا مهم لطلاب السنة الأولى لأستيعاب الكتل والبعد الثالث ..) 
الداخلي : تتعلمون رسم الفراغات الداخلية ( لإمكانية تخيل الفراغات التي تصممونها  هل هي مفيدة ومرية أم لا ؟ )
3- الظل على المنظور : شارحا حالها لحالها ( وبصراحة هاد يعني شوي صعب وبدو تركيز )


هاد في حال كنتي عم تسألي على المادة أما إذا عم تسألي عن طريقة دراستها : فمو مشكلة أنتو بتاخدوا المحاضرة يوم الخميس  اسمتعي يوم الجمعة بدراستها خلال ساعتين وسدقيني بترفعيها بعلمات عالية    يا أما لا تتابعي المادة واستمتعي بحملها في نهاية العام ( بعيد الشر )  إن شاء الله موفقة     



أما dedo :  فكيفك أكيد عرفتيني أنا هدى
لك مو حرام عليكي تفجري هالكلية يلي عم تأوينا  بعدين نحنا معماريين يعني إذا في شيء حابين نفجروا فهو مواهبنا   
بعدين على كل الأحوال الكلية ما دخلها وهي حلمنا ومافي عاقل بها الدنيا بيفجر حلمه       




أما mamet: فوالله فاجئتني     
يعني ما شاء الله أنت كتلة من النشاط والأيجابية ( كما يبدو لي في المنتدى )
فكيف بتسأل أنو شو يعمل اللي حامل كل المواد عدا الرسم
مو مشكلة أنا لح جاوبك كوني كنت حاملة 4مواد مع الرسم
نحنا بلجامعة  مو متل البكلوريا يعني ياما لس الواحد لح يحمل مواد ويعيدها
                                        شو نسيت أنك بجامعة دمشق
بأخر السنة بتتذكر كلامي وبتضحك  موفق



أسفة على الإطالة وأتمنى التوفيق لنا جميعا
( وأن نكون أعمدة في هذه الكلية مو حيطان )

مرحبا يا جماعة كيفكن
يبدو إنكن متشائمين زيادة عن اللزوم
لازم تعرفوا إنو مهما كانت علاماتكن سيئة فالمهم إنكن عرفتوها ومعكن مجال تحسنوها
يعني هي أول سنة بتطلع فيها علامات مشاريع وأساكيز الفصل الأول ببداية الفصل الثاني    فاشكروا ربكن

إسراء

معلش شباب متل ماقالت مرة ايمان انو بتصير باحسن العائلات   بس المهم انتو هلق تركذو عالفصل التاني وتنسو كل شي الو علاقة بالفصل الأول لانو اذا ضلتوا حاطين(الحزن بالجرن)    بيخلص الفصل وانتو متجاكرين من الفصل الأول وساعتها بتعيدو السنة وبيصير عندكون فيها خبرة  
باي

لاء ريم  ولو..... لا تفكريني ازعلت ... كل القصة توضيح لا أكثر

وأنا عم أحكي ... معاناة الاسكيز ... بغض النظر عن العلامات
يعني معقول انو انا محملة الأسكيز  فوق ما بيستاهل

ولا شو......!!!!!

بس لا تفكري ها .. اللبن ما اتعكر ليصفى


                                                                                          Talented Arch

مرحبا لكل طلاب العمارة بالشام ...

انا خريج ال 2006 كلية العمارة بدمشق
دخلت المنتدى لشوف شو عم يصير بالكلية .. بالكلية ها
مو عن الطلاب الي من يومهم متذمرين
لك شي حدا يخبر عن الدكاترة مين مات مين استلم كيف صايرة الكلية
لك أزدشير كيفو
وكيف رفقاتنا المعيدين والعميد مين
ياجماعة شي حدا يرفعلنا شي تقرير انا بالكويت ولوووووووووووووووووووووووو !!!!

أهلين بشاهين

الله يسامحك هادا اللي طلع معك ......بسيطة

بس أمري لله لح جاوبك عللي بعرفو

اقتباس

مين مات

والله  توفى أ. نزيه كواكبي  وواحد تاني بس نسيت أسمه (بس اتذكر بألك )

اقتباس

مين استلم

لك ما بعرف مين كان وقتكن بس العميد حاليا د.مأمون الورع

نائب العميد د.بيير نانو

اقتباس

كيف صايرة الكلية

منورة بوجودنااااااااا

لك أزدشير كيفو

مييييييييييييييييييييييييييين      

ما بعرف شو كمان بدك تعرف

وإذا بدك تسأل عن شي محدد 

أنا جاهزة  ........

سلاااااااااااااااااام