نزلت مادة النثر سنة تالتة فصل تاني على موقع الجامعة اليوم 
و أكييييد ملعوب فيها 
الكل ناقصلو تقريبا شي 20 علامة و ما حدا مقتنع انو هيك كتب
و الواحد بيعرف حالو عالاقل بنسبة تقريبية كيف مقدم (خاصة انو مو اول مرة)
والله حرام صدمة كبيرة كتير النا بعد هالعمر نحمل النثر مرتين و بالذات طلاب السنة الرابعة يلي ما كان عندن غير يوم واحد قبلها
يعني ازا مفكرين عادولنا دورة لازم الكل يكتب 100 ليجيب 50
شو بدو يحكي الواحد أو شو بدو يعمل
نروح نعترض ولا ندرسها الفصل الجاي متل الشاطرين و نطير كم مادة مشانها
محتااااارة؟؟؟!!!!!
please help..

اتركيها لله يا مواطنة
هلأ طلعتلي الامريكي و جبت فيها 60 بعد ما كنت حاسب علاماتي على الليبرة 80 يعني انضرب معدلي ,, و على الفاضي راحت علي استنيت 5 مواد كرمال قدم بس 4 بس الله ,,ما رح يخيب اللي بيتعب
و مشان الاعتراض انا ماشفت حدا اعترض و اتغيرت علامتو ,, بس بضا الامل موجود يعني روحي قدمي اعتراض مشان ما ضل تقولي يا ريتني و يا ريتني

لا حول ولا قوة الا بالله


كنا نحكي ع غير افرع بالجامعة بعانو من مرض المعدل والعلامات يلي بتسكر الخاطر


شايف الوضع عنا صار اتعس

اذا اتمته وهيك بكرا ع التحريري الله يستر

وانا بشوف اذا اتفئتوا وئدمتوا اعتراض بشكل جماعي يمكن يتغير شي


والله ايوفئ الجميع


طمنونا شو بصير معكن

مسا الخير زملائي
أولا لازم نبارك لكل الطلاب اللي اجتازوا ونجحوا بالمواد النازلة اليوم ونعزي (بالمعنى الفعلي للعزاء) لكل من ذهب ضحية سخف وأهمال البعض في وسطنا بالنسبة لمادة النثر س3 ف2 على سبيل المثال لا الحصر .............
بس الحمد لله انوا اجت النثر عندي 56 من اصل خرافي  كنت معتقده لأنو لو ماطلعت هالمادة كانت يا تجيني السكتة أو انجلط و روح فداء لأمزحة وعبثية بعض المتسلطين التربويين الأكاديميين لأنو أنا بهي المادة  عم ودع  القسم بحسرة وأسف عل المرحلة اللي وصلو لا هالقسم(ما يسمى بالأدب الأنكليزي) وذلك بعد ما طلعتلي الأدببين العالمي والأميركي.    
فالله يكون بعونكم يا صبايا ويا شباب ودعوا معي مشان الله يهدي جامعتنا انو تصير ضمن  احسن مئة  الف جامعة في العالم ......

أنا بدي اعترض راسبة مع اني بنجحا العما بقلبن العما مابدن نتخرج لشرشحن وبدي شنططن متل مابيعملو فينا

أنا كمان حملت النثر مرة تانية 

كتييييير مصدومة لأنو المفروض رفعا !!

و احمل نثر سنة رابعة اللي ما درستها منيح..

بس نجحت بنثر رابعة و حملت تالتة..

مبروك لكل يللي نجحو.. و هارد لك لكل يلي حملو مواد..

موفقين بالمواد الباقية.. =)

مع اني شاكة انو يكون في أمل من الاعتراض بس مع هيك بكرة الاحد كتير من الشباب و البنات رايحين نعترض لانو حق و ما بصير نسكت عن حقنا حتى لو بدون نتيجة لانو مو متخيلة حالي عمدرس نثر 3 و مواد رابعة فصل تاني (انتحار)
و لنشوف اخرتا مع هالقسم......

اول شي الله يعوض علينا   
بعدين مين رح يرد على الاعتراض   
اذن من طين واذن من عجين ما رح نستفيد

انا بصراحه بدي قدم اعتراض لو علفاضي يعني و اخرتها معون
براي لا حدا يسكت عن حقو و الكل لازم يعترض
حاجتنا بنسكت و هنن بيتمادو اكتر
بدنا نخلص يعني مو منشان شي بس من شان هلسهر و التعب و حرقه الاعصاب
و بعدين رسوب
الله علظالم  
يارب صبرنا و قوينا وانتقم من كل واحد بيظلمنا
موفقين جميعا