مرحبا نجات
اولا مبروك عالاشراف 
تنين بالنسبة للاختصاص بالعمارة برأيي كتير شي طبيعي يعني بما انو بالمدني في كتير اختصاصات  وبالرياضيات او الاقتصاد او اي فرع تاني الو اكتر من مجال وتوسع العلم اكيد رح ينتج عنو عدة أقسام للعلم الواحد

نحنا بسوريا عنا اختصاص وحيد بالعمارة  وهوي العمارة الداخلية بس انتبهي انو للسنة الرابعة حتى الواحد يختص يعني بيكون اخد فكرة ودرس عن العمارة بشكل عام وبعدين اختص بشي اما دغري يبلش عمارة داخلية فهاد شي مو منطقي ..
ولما اختص الطالب بقسم معين هاد مو بيعني انو العمارة تجزأت أو ما عاد يقدر يكون مهندس معماري ناجح هوي درس العمارة تلات سنين وبعدين اختص ..

اقتباس

وبرأيي كمان أنو المعماري المتخرج من جامعة دمشق هو كفؤ لكل شي و وين ماحطيتي بيقدر يعمل اي شي مع احترامي الكبير لكل جامعات البلدان الباقية

مع احترامي لالك بس متل مالنا شايفين كتير من الطلاب _وبالعمارة بالذااات_ عم ينجحو ويترفعو ومالن فهمانين شي او ماعندن معلومات الطلاب الي اقل منهن _عاساس_

اقتباس

هلأ بالنهاية أنتو مع الاختصاص عنا بسورية وبالعمارة خاصة ولا لأ

انا مع الاختصاص باي مجال يكون وياريت يكون عنا اختصاصات تانية بالعمارة لاني بتمنى ادرس هندسة حدائق ...



شكراً للموضوع همسات ناعمة 

أنا مع فكرة أنو العمارة كل متكامل

وبصراحة أنا بفضل عدم التخصص

لأنو يمكن الواحد يقدر يتعمق بشي معين بالماجستير أو كاجتهاد

شخصي .. فالمعماري يجب أن يلم بكل الأمور

بالإضافة إلى فهمه لعمل المهندس المدني

وإدراكه لمقاييس الفن .. في الفنون الجميلة

وإن باعتقادي يجب أن يكون المعماري مطلع على كل العلوم ..

والثقفات لأن ذلك .. ينعكس في أعماله التصميمية .. لتكون في

ركب التطور .. والتقنيات العالية

والدليل الأكبر على التقنيات هو المعماري .. نورمان فوستر..

فهو غني عن تعريف تطور أعماله

                                                                                                      Talented Arch

أهلا وسهلا فيك ست ولاء
الله يبارك فيك
أان بحترم رأيك شو ماكان
هلأمعك حق أنو في كتير طلاب عم تتخرج ومابنتكون فهمانة شي بس مو الأغليبة
طيب بدي أجي لنقطة أنا بعتبرها كتير مهمةوهي : هلأ بدبي كتيير في معماريين سوريين عم يأبدعوا وخاصة أنو البرج الجديد يللي صار بدبي الـ project manager سوري ومن عنا وهو بالنهاية ما اختص بسورية
هلأ أنا بعرف كتيير منيح أنو نحنا عم ندرس مدنية تخيلي مادة حساب الإنشاءات طلاب المدني بيدرسوها بالسنة التالتة ونحنا درسناها بالسنةالتانية
زبعرف كمان أنو في عنا ديكور وهي منلاقيها اختصاص بكلية الفنون الجميلة
يعني يلللي بدي قولو أنو العمارة جامعة لكل شي
وأنا بالنهاية مابتصور أني أختص بالعمارة الداخلية مثلاً وأترك العمارة الخارجية  بحب أني كون بكل شي وهدا هو المعماري برأيي
مشكورة ولاء وياريت هيك نتناقش

مشكوره كتتيير اخت نجات ع الموضوع الي انا بعتبرو مهم ولازم الكل يعطو راين فية
وبنسبة لسؤال انت مع الاختصاص او لا او بين الاثنين فا انا  اخترت بين الاثنين لانها متل ما لاحظت من اراء الزملاء انها بنهاي مسئلي نسبيي يعني في ناس بتحب تعمل اختصاص لتقوي خبرتها متلا بمجال معين وفي ناس لاء ونحنا عنا بجامعتنا بليبيا كل الدكاتره الي عم يدرسو عاملين اختصاص من مبدئ لكي تبدع بشي لازم تتخصص فيه ولكي يكون الشخص المناسب في المكان المناسب 

وانا انشالله بس ارجع ع سوريا اكيد رح اعمل اختصاص بتصميم الداخلي لاني بحبو كتتيير وبحب قوي نفسي بهاده المجال  ( مع ملاحظت ان هدا لايعني اني ما رح ابدع فيه لهدا الاختصاص حتى لو ما اختصيت فيه اكيد عرفتي السبب.. ) 

والفرق بينهما  كل واحد هوي بايدو بيصنع الفرق ......
ومشكوره اخت نجات ع هدا الموضوع المميز مع تحياتي للاخت ولاء ولاخت اسراء  سناء

مرحبا يا حلوين


اختصاص بالعمارة وعنا أكيد عم تمزحوا


على كلن أنا مو مع هي الفكرة أبداً


لأنو العمارة أجمل مافيها إنها كل متكامل


إنها بتعلمك كتير أشياء تحت سقفها وتحت اسمها



و المفروض إنو المعماري هو اللي بينشر لمسته وخطوطه وتفكيره وثقافاته ومعرفته وعلمه وحبه وكره وكل أحاسيسه بالفراغ اللي صممه وبالمبنى اللي شيده

المبنى هو المرآة اللي بتعكس خفايا مصممه


فتخيلي أنو تقولي للمعماري لازم تلتزم بشي واحد وما تطلع عنه

هلأ بعرف إنو تركيز الفكر والجهود بشي واحد ممكن يكون أحسن من جهود مشتتة

بس هدا لازم يرجع لكل شخص مو شي نقيده بكل الطلاب



سلاااااااااااااااااااااااام يا معماريين

[

مرحبا
هلق بصراحة السؤال بحير وبعد ما الواحد يقرأ الردود بيحتار اكتر  بس متل ما قالت الزميلة ولاء العمارة هي فرع متل الفروعة التانية لازم يكون في اختصاص بس بنفس الوقت اكيد الاختصاص لازم يكون ما بيحصر شغل المهندس المعماري ضمن نطاق معين و انما بيخلي يتميز بشي معين ضمن عمله كمهندس معماري بلاصل صحيح انو هاد الحكي بيفقد معناه كون مافي غير اختصاص واحد وهو تصميم داخلي بس بنفس الوقت بيخلينا نفهم انو الاختصاص وشو ماكان مابيلغي عمل المهندس المعماري لانو هو
  الكل بالكل 
     
تقبلوا مروري