شو يا فيتامين ايمتا يبدا الفصل التاني 


مومشان شى بس بدي أعرف اديش بدي استمتع  

صراحة أنا ما عم أتخيل كيف لسا عنا مادتين سموم - هي بافتراض أني رفعت هي- يعني عنجد مو طبيعي وضع هالمادة.......

لأنو أنا متأكدة أنو بحياتي ما رح أعرف أفهم شو المطلوب دراستو أو شو الشي يللي مفترضين أنو لازم نفهموا.........صدقوني كلياتنا بلا استثناء طلعنا مو متل مالنا دارسين - إلا اللهم يللي عندن قدرات خارقة لحفظ السطور المحشورة -


بس ممكن أفهم ماذا تضيف مادة السموم لطالب الصيدلة لحتى موزعة على 4 أقسام؟؟!!!! أي الأدوية 3 أقسام مع العلم أنها منهاج ضخم ....



أخخخخخخخخخخخ


ياااااا رب تترفع و لو عالـ 60..........ادعولنا

فعلاً يا جماعة  اليوم المادة مو طبيعية أبداً أبداً

اقتباس

يعني والله المفروض إنو نحنا عم ندرس لحتى ناخد علم مو لحتى نفوت ببرنامج

مسابقات و نطلع الحَلَقَة الأضعف

يعني والله مو معقول أسئلة اليوم

أي والله عم تحكي درر يانور الهداية

اقتباس

عكل حال عنجد أنا مبسوطة كتير اني خلصت من هالفصل وان شاءلله تكون الخسائر قليلة

لازم نكسر شي مليون جرة وراه            .

اقتباس

صراحة أنا ما عم أتخيل كيف لسا عنا مادتين سموم - هي بافتراض أني رفعت هي- يعني عنجد مو طبيعي وضع هالمادة.......

عنجد المواد الي منحبا بتجي مرة بالعمر


والله يستر فعلاً
   

اقتباس

كأني فهمت أنو المشكلة مو بالمادة هيي ضرورية

لا ما بعتقد أنو من الضروري أنو ضيعنا مادتين (سموم 1,2) على تسمم بالزرنيخ و الخردل الآزوتي و الفوسفين و الفوسجين و .......ألخ...



يعني برأيي لازم ناخد حالات تسمم بشرية شائعة مو حالات بدنا نعيش شي 3 أعمار لحتى نشوف وحدة منها .....

يعني معقول نطلع من الكلية و ما منعرف نسعف مريض تسمم بشي دوا أو حتى بمواد ممكن تنشرب بالغلط بالبيت؟؟ مرة أجت عالصيدلية وحدة محتارة بابنها شرب مازوت....فتخيلي أنو ما بعرف شو لازم ياخد.....هو الحق عليه -الولد- لو تسمم ببلا ماء حمض الزرنيخي كنت عرفت أسعفوا !!!! هو التاني حدا بيشرب مازوت!!    

مسا الخير لكل طلاب السنة الرابعة

أنا سنة أولى .........
يعني مالي علاقة بكل شي عم تحكوه عن ما بعرف أي مادة !!!!



بس حبيت قلكون .........

و إن شاء الله بترفعو موادكن كلها و بمعدل كمان   
و بتنبسطو بهالعطلة الطويلة




golden pill و ph.Hanan مررررررررحبا ......كيفكون ........ أكيد اشتقتولي   
(يلا بيعينكم الله أنتو عطيتونا وجه )




موفقين .......... زورونا في الساحة الجديدة

سلام

شو يا علمناكون عالشحادة سبقتونا عالبواب 

                لا وشو بتقلي ما ني عرفانة 

    تاني مرة اذا بتقتحمي ساحة جديدة بتخبريني 

والا  اسمك بدي علقوا بلافتة كبيرة  بالساحة لا تقولي ما حذرتك

                                            عمبمزح 
 
                    هلا فيك ميمو    وانا كمان بسلم معها عليكون

أهلاً و سهلاً فيكن.....و لا تواخذوني إذا ما قمت بواجبكن منيح اليوم بس والله كانت نفسيتي


خلص منتشرف بزيارتكن شي يوم....بس لنرتاح شوي ..بلا ما عكّركن معي...



موفقين

يحيا البصم

يحيا البصم

يحيا البصم في كلية الصيدلة

يحيا يحيا يحيا
لا و أنا مفكر أنو هالمرة درست منيح وما رح يصير معي متل السنة الماضية

والله ولا كأني دارس

كل أجوبتي عالتوكل

لا و بسأل ناس بعد الفحص و بنجلط لأن طلعو باصمين عالمزبوط

فلا تستغربو أنو يكون في ثمانينات

بس الله وكيلكم كلية بتخرج حم------

---------------

عم تحكو على أهمية المادة

متل ما قلتو

مستحيل تجي أي حالة من هالحالات

يعني كأنو أول ما إتخرج رح روح عالجبهة

آم بحطوني بخيمة و تجيلي كتيبة ورا التانية

شي متسمم بالليويزيت و شي بالفوسفين و شي بغاز الخردل

بتتذكرو لما سألتنا الدكتورة شو بنعمل إذا واحد متسمم بالوارفارين

والله خجلت من حالي

لأنو كلها كلمة أخدناها بالأدوية أنو بنعطي بلازما مجمدة

طيب مو مفروض ناخد هالشي بالسموم

يعني مثلاً واحد أخد جرعة عالية من دوا الضغط أو ولد شرب دوا السعلة كلو

هيك شغلات بتصير كتير

يعني مثلاً متل الولد يلي شرب مازوت

كتير بتصير ولا تستغربو

فصدقوني الفهمان يلي بيتعب عحالو و مو يلي بيبصم بالكلية

-------------------------

يلا موفقين

دعولي ما توقع طيارتي بكرة

صايرة كترانة هالشغلة

والله خليتني اضحك

و أنا كمان بقول معك

يحيا البصم

لك حتى المايكرو قال الأسئلة بتعتمد عالفهم

طلع مافي لا فهم و لاشي

كلو بدو بصم و بس

   

**************************************

اقتباس

دعولي ما توقع طيارتي بكرة

صايرة كترانة هالشغلة

ليش ايمتى صار عندك طيارة!!!

هلأ عندك طيارة و آعد عم توجع راسك و تدرس بكلية الصيدلة!!!

   

لا يلا إن شاء الله بالسلامة

هو شوفير الليموزين تبعي درويش

قلت خليه يسوق طيارتي كمان

بما أنو هداك الأولاني كان عم يعمل حركان بهلوانية بطيارتي الأولانية و طحبشها

آم قلت خلي هالشوفير الآدمي يجرب حظو بالطيارتي الجديدة
                                                                                                                                   
أم قولتكم إعملي دورة حول العالم باليخت تبعي

يلا بلاها هلأ شتي و يمكن يصير أمواج عالية

حلو الخرط