إي والله هالمادتين آخدين أكتر من همهم

يلا ان شاء الله بركي كمان بيمرقو هالمادتين الباقين على خير
                                                                                                     
                                                                                                       
                                                                                                     

و الله أنا المايكرو عاملتلي رعب و إرهاب....

و أصلاً ما كنت ناوية قدمها لأني عرفانة النتيجة الحتمية لدارستي فيها و هي إما الرسوب أو النجاح شحط.....

يعني والله الواحد بصير ما إلو نفس يفتح محاضرة و يدرسها لإنو عرفان إنو كل تعبه رح يكون عالأرض و ما منه فائدة....

بس مبارحة رفقاتي و طلاب الخامسة صاروا يقنعوني إنو قدمها لإنو حتى لو بدي أجلها فمافي شي فيها مضمون حتى مستقبلاً....

لا حول و لا قوة إلا بالله....

حسبي الله و نعم الوكيل....

السلام عليكم

أنا شكلي رح إعمل تطليعة سريعة عقسم الصادات الحيوية بالكيميا الصيدلية

مشان نعرف أنو على شكل مسحوق و كيف طريق الإعطاء

لأن متل ما قال الدكتور أنو نحنا صرنا سنة رابعة ولازم نعرف كل شي عن الأدوية

ربنا يستر

   
 


و الله انا مو من عادتي التشاؤم بنوب بس ما بعرف هالمادة شو عاملة فيني....
يعني قلت خلص بدي أعد و ادرس و شو ما كانت النتيجة بتكون خير من عند الله ...
و جيت عم بدرس و مافي تركيز بالمرة و كل ما بقرأ شغلة بقول أي كل هالمعلومات ما رح يجي منها شي و الأسئلة رح تكون خيالية....و كمان علامة العملي قليلة...

آسفة لإني عم وجعلكن راسكن معي بس و الله رح طق...
و كمان الأدوية ما بعرف شو مصيرها....

آسفة مرة تانية بس عن جد و انا عم بكتب هالمشاركة و أنا عم أبكي و كتير بكره أشعر إنو انا ضعيفة و مو طالع بإيدي شي...

حسبي الله و نعم الوكيل

و الله انا ما عم كون أفكار مسبقة الصنع من السنوات السابقة بس....

أنا كونت هالأفكار من حكي الدكتور كمان عن الأسئلة و الامتحان و اللي

ما بفائل بنوب....

شو عم تحكو انتو !!!!!!!!!

سبعينات  وبالميكرو !!!!!!!!!

حلم إبليس بالجنة

عذراً عالتشاؤم بس ما في شي بيبشر 

يادوب النجاح

الله يستر     

السلام عليكم...................

نور الهداية شو هاد آه, ايمتى كنتي هيك, شو صرلك مو إنتي كنتي تخلي الناس

تتفاءل و تنسى همها...................... 

بعدين شو نسيتي إنو (( قل لن يصيبنا إلا ما كتب الله لنا ))

أصلا وقت نحنا عم ندرس مشان نجيب علامة و بس, و لا مشان نفهم المادة و نكون

ما قصرنا بدراستها...................

أصلا وقت تدرسي لازم تدرسي و تنسي إنو عم تدرسي للفحص , و تكوني عم تدرسي بس مشان

تفيدي حال و تستمتعي بعدين إنو إنتي فهمانة المادة, و إذا حطيتي ببالك و إنتي عم تدرسي إنو ما

عاد لحق و الأسئلة مستحيلة و ما بعرف شو فأكيد ما رح يطلع معك شي أبدا و رح

تصير حالتك متل هلأ.............

مشان هيك روقي و حطي كل شي ورا ظهرك و توكلي على الله................ 

و انشاء الله بتجيبي أحلى علامة فيها إنتي و كل طلاب السنة الرابعة و بتخرقوا

العادة , و ما في حداأكرم من رب العالمين..................

         

نور الهداية

طولي بالك

ما بدها القصة لا زعل ولا شي

هي أنا لهلق ما درست غير محاضرة وحدة

مدري شبني ما عم يجيلي نفس عالدراسة

لا تخلي شي يأثر عليكي

درسي و إن شاء الله ربنا ما بضيعلك تعب

يلا بدنا علامات نارية ها