قالوا بتجي الأسئلة صعبة ...... قلنا ما في مشكلة

قالوا بتجي الأسئلة مستحيلة الحل ..... قلنا ما في مشكلة

قالوا بتجي الأسئلة مفتاح ..... قلنا مافي مشكلة


وكل ما يقلي واحد شغلة بتشيب الراس .... بقول مو مشكلة




بس


الشغلة يلي ما كنت بعمري أحسبلها حساب
إنو يصير معي شي اثناء الفحص ...

ما بيخطر على بالي إنو يصير معي شي أثناء الفحص يجعلني أتشوش كتير

ويلي يمكن أكيد طبعاً لح أحمل المادة من وراهالشغلة

ويلي بسببها طلعت من الفحص قبل نصف ساعة تقريباً كان بقيان أسئلة كتير بدها حل وتركيز


السبب يلي خلاني اعرف قديش البني آدم ضعيف كتير ....

بتعرفوا شو السبب ؟؟؟؟

انزنقت بأول الفحص ويمكن فهمتوا شو معناة انزنقت

يعني
صار بدي روح على الحمام

وطبعاً مع بداية الفحص قلت لحالي مو مشكلة متعود ضل شي ألف ساعة

آم شو

طلعت الحلقة الأضعف

ما عد أحسنت فكر شو أسمي ....

فكانت النتيجة أنو طلعت بكير
وثلاث أرباع الأسئلة شلف لأنو ما عد صرت أستوعب

يعني حملنا المادة بعد إضاعت 12 يوم دراسة

ياحرام

على القليلة لو عرفان هيك القصة كنت تركتلها يومين بس
ليش العزاب




آآآآآآآآآآآآخ أحسن شي


لك من وين بدها تجي الهمة للتكنو
قلولي من وييييييييييييييييييييييييييييييييييييين

شفت ما أحلى عيشة الاولاد الصغار فيهون يقدمو اي مادة بدون التفكير بهالمشكلة
على كل حال هي مشكلة العمليات الفيزيولوجية مابتبين غير بالاوقات الصعبة كأنو الطالب ناقصو ضغوطات

على كل حال مافيني قلك غير كان الله في عون الجامعيين

تقبل مروري

                 

بــــــــــســــــــــــيطة معلم ...
بتهون
متل ماحكى واحد من الشباب
  ....(((( راس مالها حملة))))..... 
ســــــــــــــــــــــــــــــــــــــ ـــــــــــــــــــــــــــــــــــــلام 

ضحكتني مع إنو مالي نفس اضحك 

أما شو بدايـــــــــــــــة موفقة اليوم 


يللا مالي أحسن .

حضرتي فايتة عالفحص مفكرة معي للساعة 11 و عم حل على مهلي و فكر و ما في أحلى من هيك ....

ما لقيت إلا المراقب عم يقول : باقي 18 دقيقة  !!! أنا هون انبحتت عليه  بعدين اكتشفت إني أنا المصيفة من قلة النوم و الراحة الزايدة هالإيام    ......


فاضطريت حل 40  سؤال ب 18 دقيقة    ...و الأدرينالين بهالوقت كان بالقمة عندي  !!!!


و هلأ عم بستنى مصيري ... 

ما تخيلت بحياتي يصير معي هيك فيلم
   

سامحوني طولت بس بدي فش خلقي 

السلام عليكم:

       

الله يعينك 

يالله شو بدك تساوي 

بتهوووووووووووووووووون 

بركي إن شاء الله التشليف بيمشي الحال معك

حسبي الله ونعم الوكيل نعم المولى ونعم النصير

أول شي أخ فارماسي ليش سلمت أنو رح تحملها

بعرف حدا السنة الماضية بالحيوية ترك 30سؤال بدون حل وجاب فوق السبعين

وحتى لو حملتها لاسمح الله يمكن هيك أحسن

يعني أنا بالسنة الأولى حملت الرياضيات عالـ45 وبالفصل التاني 96 وحمدت ربي انو ماطلعت عالحد بالفصل الأول

وبدي منك تشيل لقب العضو المخصص اللي حاطو لأنو هيك حرام وهادا تشاؤم

وكمان من هلق للتكنو بتدرس منيح منيح وبرواق وموفق

ان شاء الله بتعوضها الفصل الجايي

وعادي

كتير صايرة مع ناس قبل هيك

أنا صراحة بطلع من البيت يوم الفحص بلا فطور و لا بشرب مي و بتخذ كل وسائل الحيطة و الحذر

يلا موفقين بالتكنو
                                                                               
                                                                                       
                                                                                                         

                  عنجد شي بضحك..................

      بس معلي خلي املك بالله كبير..............ما في اوسع من رحمتو و عطاؤو

                                          الله يصلحك حدا بيعمل عملتك.........

                      بس عكل موفقة بالمادة الجاية ..وخود احطياتاتك

          لو عرفانة بدو يصير هيك كنت ذكرتك لانو كنت بالكلية......يللا المرة الجاية

ولك يقطع عمر الحيوية على عمر الصيدلة على عمر طالب غبي متلي بدو يصير صيدلاني

الله ياخدني ويخلصني من هالكلية والدراسة ومن شخصتين مابينقال اسمهون هون

                 

فارماسي بسيطة قصتك لأنو حتى لوكملت وقرأت الأسئلة كلها نفس الشي

الله لايسامحهون على هيك أسئلة والله أنا بعرف حط أسئلة أكتر من بعض جماعات


آخ على مافش قلبي أكتر بس خليني ساكتة أحسن

ياالله لو اترك الدراسة والجامعة وبلا وجعة هالراس وهز البدن

ولك في 15سؤال مالحقت شوف شوهو السؤال

ليش النحس كلو على حظ سنتنا

       

ياالله بكره الصيدلة بكره الصيدلة بكره الصيدلة            

السلام عليكم :

له له له  له  بلسومة طولي بالك

معك حق تعصبي     

صار بدي اطلع دكتورة بالجامعة لشوف شو هو الدافع يلي بيدفع بعض الدكاترة

ليحط أسئلة ما بتناسب الوقت , وأسئلة كوكتيل بتربك الطالب  .

روقي وفكري بالتكنو  لأن كلنا بالهوا سوا