السلام عليكم ورحمة الله وبركاته

أعلنت وزارة العدل أمس عن إجراء مسابقة لحملة الإجازة في الحقوق لقبولهم في الدورة السادسة للمعهد القضائي تمهيداً لتعيينهم بوظيفة معاوني قضاة حكم وقضاة نيابة عامة من المرتبة الخامسة والدرجة الثانية.
واشترطت الوزارة في المتقدم ألا يكون مسرحاً أو معزولاً أو مطروداً من إحدى دوائر الدولة، وأن يكون قد أدى خدمة العلم أو معفى منها، وأن يكون قد أتم الرابعة والعشرين من العمر ولم يتجاوز الثالثة والثلاثين إضافة إلى عدد من الشروط الأخرى كمعرفة إحدى اللغات الأجنبية والكمبيوتر، وتبدأ الوزارة بتوزيع الاستمارات لمن يود الاشتراك في المسابقة بدءاً من العاشر من الشهر القادم وحتى نهايته.

خبر كتير حلو وبشجع يلي عندو هيك مواصفات يقدم

وانشاء الله موفقين

فعلاً خبر حلو و مشجع ...

و الشروط مقبولة ممكن تتحقق بسهولة  ..

شكرا لك ملك الحقوق ..

معناها اللي بيحقلو يتقدم للمسابقة هنن المتخرجين

بالدورات الماضية فقط من اللي حققوا الشروط

يعني مثلا أنا إذا الله راد رح اتخرج بالفصل اللي جاي

فبتكون راحت علي ؟

و كمان سؤال ؟

متل هيك مسابقة بتصير بشكل سنوي أو مو معروف ايمتا بيصير اعلان

عن مسابقة قضاة تانية ؟

يا ريت إذا حدا عندو المعلومات الدقيقة و الأكيدة ينورنا

شو المقصود المرتبة الخامسة و الدرجة التاني ؟؟؟؟؟؟
بتمنى حدا يشرحلي بشوية توسع ؟؟؟؟؟؟؟

شكرا جزيلا يا ملك

الشروط جدا مناسبة وشي حلو جدا انو ينزلو العمر من 26 الى  24

ويرفعو لل 33

يعني فرصة ما تتضيع للي مطابقة معو هالمواصفات

بس المعدل المطلوب ادييييش  ياريت حدا يفيدنا  وشكرا


وشكرا مرة ثانية يا ملك

عندي سؤال بس بتمنى يكون يلي بدو يجاوبني متأكد 100 بال%
صحيح القاضي لا يعين في محافظته
حتى لو صار عندو خقد 10 سنين ما بحقلو ينتقل لمحافظتو .....

والله الشروط مقبولة نوعا ما
بس ما عرفت لأديش طلبوا المعدل
الله يطعمنا ويطعم اللي ببالو