المشهد الأول
المكان : جانب درج اللغات
الزمان : يوم الخميس / الساعة الثانية ظهراً
الشخصيات : غريب - فهيم


غريب : عاجقة اليوم ها

فهيم : اي والله عاجقة

غريب : يا أخي أنا بستغرب من شغلة

فهيم : شو هي ؟

غريب : يعني هديك اللي لابسة بنطلونها بالسكجا و دالقة اللي دالقتو ، معقول تكون جاية تدرس ؟

فهيم : أكيد لأ

غريب : طيب هداك اللي حاطط حلقة بأدنو و حلقة بأنفو و حلقة بببب......... ، معقول يكون جاية يدرس ؟

فهيم : كمان لأ

غريب : طيب هدنك الشلة اللي نازلين ضحك و صهصلة و حركات مو تمام بينات بعض ، معقول يكونوا جايين يدرسو ؟

فهيم : ههههههه لأ

غريب : طيب هلق مو اخترعوا الجامعات ليدرسوا فيها؟ هدول شو جايين يساووا؟

فهيم : يصيعوا

غريب : اي يصيعوا بمكان تاني ؟ يعني بيصير يفوتوا يصيعوا بالجامعة ؟ والله ما حلوة

فهيم : اي ما بدك شعب يفهم؟

غريب : يا سيدي نسأل الله العفو و العافية

فهيم : اي اي حبيبي اسألو ، أصلا صار لازم تسألو ، حلها يعني 

والله  حلوة  كتيير  و معك  حق  و  عم  نستنى  الحلقة  التانية

يا هلا بالربع والله يامرحب بالضيف وينكم ياشباب المنتدى تذبحولكن أبريق شاي لضيف الجديد
يا لعجي ضيف قهوة لعمك الشيخ جاسم طال عمره
ياهلاومرحب
ياحرمة حطي القدر عالنار وعملي لضيف مليحي
           
                                           
                                           
                                           

                                           


















طول بالك ماتكون زعلت مزحة صغيرة ولا ما بيحقلنا
                           
يالله انا عم أستنى الحلقة نمبر تو

------------------------------
أهلين حبيب عراسي حارتك و جارتك
هي المشهد التاني 
------------------------------



المشهد الثاني
المكان : خلف كلية الآداب ( اللي ببالي ببالك )
الزمان : يوم من أيام الأسبوع / بعد الساعة السادسة مساءً
الشخصيات : أبو عبدو ، أم عبدو

أبو عبدو : ما قلتلك يا أم عبدو أنو هاد المكان اللي عم ندوّر عليه من زمان ؟

أم عبدو : ( تضحك ضحكة ملؤها الدلال )  والله مالك قليل يا أبو عبدو

أبو عبدو : هون لا في ولاد يزعجونا و لا في جيران يدقوا علينا و يزعجونا

أم عبدو : بس يا أبو عبدو والله مي حلوة قدام العالم  ، بعدين هي جامعة مو فندق ...

أبو عبدو : أم عبدو لا تجننيني ، ليكون كل الطلاب تاركين الدراسة و قاعدين هون و نازلين تبويس و تمجيق

أم عبدو : ( بدلال أكبر .... و عم تحاول تبعد وشها عن وش أبو عبدو ) أبو عبدووووووووووووووو

أبو عبدو : ( بإصرار ) مممممممممموووووواااااه
------------------------------------------------

تم قطش المشهد بسبب الرقابة 

قلتلي جامعة ولا فندق أنت الصادق جامعة ولا ملهى ليلي
يالله ياجاسم أنا سهران وبدي شوف الحلقة نمبر ثري

شو يا معك خبرة ما شاء الله

عم نستنى الاجزاء التاينة

تحيتي


           

عراسي الشباب
عوّفت اليوم ، بدنا نلحق ننام مشان نفيق بكرا نسجل
بكرا آخر يوم بالتسجل و عجقة
تصبحو على خير

أه  والله  أحلى  من  باب  الحارة  يلي  صرعوا......  في    شو  هاد  يا  شيخ