رد مشاركة : تعوا نلازم كلنا سوا....

23-10-2009 01:48 PM

مرحبا يا حلوين  . الموضوع مفيد كتير و تطبيق ممتاز للحياة العملية ، بس ما بعرف إذا بتوافقوني الرأي أنه فيه شوية ظلم للجانب العلمي    ، يعني كمان ما بدنا بس نعرف شو الزمرة و الاسم التجاري بدون ما نعرف شو آلية عمل الدواء و استطباباته و تأثيراته الجانبية  و شوية ملاحظات و نصائح من خبرتكون العملية اللي كتير رح تفيدونا فيها ، و بالمقابل أكيد ما بدنا نعطي محاضرات طويلة و مملة و بتديق الخلق عن الأدوية ،  يعني شيء من كل شيء .
أنا رح أعطي مثال عن فكرة الطرح  و بتعطو ملاحظاتكون 
سأتحدث بشكل موجز عن Clopidogrel     mg 75  Coated Tablets
-  من الزمر الحديثة لمضادات تكدس الصفيحات Antiplatelet Aggregation
- ألية عمله : يثبط بشكل نوعي و غير عكوس ارتباط  الADP (Adenosindiphosphat)  بمستقبلاته الموجودة على سطح الصفيحات و بالتالي منع تفعيل المعقد GP IIb/IIIa  (Glycoprotin)  الذي يلعب الدور الرئيسي في اتصال جسور الوصل الفيبرينية (Fibrinogen) بين الصفيحات في شلال التخثر ، و بالتالي يمنع ال Clopidogrel  تكدس الصفيحات و حدثية التخثر .
للإيضاح أكثر : 


-أهم استطباباته : إنقاص حوادث التصلب العصيدي (Atherosclerotic event) كاحتشاء العضلة القلبية MI (Myocardial Infraction) و الحوادث الوعائية الدماغية CVA  (CerebroVascular Accident ) بالإضافة للاستخدام الوقائي طويل الأمد عند مرضى المجازات (الشبكات – Stent ) .
- أهم تأثير جانبي : النزف 
ملاحظات هامة :
- ال Clopidogrel دواء غالي الثمن    (باتذكر كان علبة 20 حبة ب 560 ل.س) و من خلال الاستطبابات نلاحظ أن استخدامه يشمل شريحة واسعة من المرضى و بخاصة كبار السن (يللي بالأصل عم ياخدو مية دوا باليوم) و لفترة طويلة قد تمتد لمدى الحياة ، فهو يشكل عبء مادي كبير على المرضى (تقريباً إذا حبة باليوم  = 750 ليرة بالشهر) مما يحيجهم في غالبية الأحيان إلى التوقف عن استخدامه   !! 

- يثبط ال Clopidogrel بعد استخدامه (حبة باليوم) في اليوم 3- 7  من 40 – 60 % من التصاق الصفيحات بشكل غير عكوس (يعني الصفيحة يللي بدبق عليها ما بحل عنها ) ، لذا لا يزول هذا التثبيط بإيقاف الدواء فوراً  إلا بعد فترة 7 أيام (يا حزركون ليش يا شاطرين ؟؟  )
- ملاحظة سريعة : استعماله فموي حبة باليوم – تأثيره الأعظمي بعد ساعة من تناول الدواء -  استقلابه كبدي  CYP450  - إطراحه : 50 % بالبول و 46 % بالبراز .

هلأ منجي للأسماء التجارية و الستايل :
الأجنبي : Plavix

الوطني : توجد عدة شركات أهمها :
Clovex  للوطنية (NCPI)

بيمتاز منتجون أنه مساويين إلو دراسة عن التوافر الحيوي للمادة الدوائية برعاية أوروبية لهالشي عم ينال ثقة الأطباء .

Plofexine  لآسيا  (ASIA) :

بيمتاز منتجون متل مو شايفين بالصورة بأنه مغلف بالألمنيوم (متل ال Plavix) اللي بيحمي المادة الدوائية من عوامل الرطوبة و الحرارة بالصيدليات و بالتالي بيضمن أنه الجرعة كمان تكون فعالة. 

Clopid  السعد 

يمكن تغيرت العلبة و صارت متل القطرميز بس نفس الستايل . بيمتاز ....  الصراحة  ما بدي احكي عن شركات الأدوية مشان ما تفكروني عم أعمل دعاية لشي حدا  بس العروض اللامنطقية اللي بتقدمها السعد و بالإضافة للرحلات اللي بياخدو فيها الأطباء  بالاضافة للمشاهدة الواقعية لنتائج ال Clopid كلها بتطرح اشارات استفهام    .

ماشي حبابين  طولت عليكون    ، إنشالله يكون طرحي في فائدة و إذا عندكون ملاحظات لا تستحو   

....................................................................

Let others lead small lives, but not you.
Let others argue over small things, but not you.
Let others cry over small hurts, but not you.
Let others leave their future in someone else's hands, but not you.
Jim Rohn

رد مشاركة : تعوا نلازم كلنا سوا....

23-10-2009 07:14 PM

مسا الخير 

DR.DUDU

أهلا و سهلا معنا بالمنتدى
بتمنى لك الفائدة و الإفادة 

بالنسبة لطرحك
طرح رائع و مفيد خصوصاً من ناحية احتوائه على صور لآلية التأثير و من ثم لعلب الأدوية .
اقتراحك جميل و لكنه صعب التطبيق قليلاً
فقد كان الهدف من الموضوع تسهيل مرحلة الملازمة في الصيدلية خلال السنوات الدراسية . و هذا الأمر ينطبق على جميع الطلاب بمختلف السنوات أما آليات التأثير التي تطلب أن نتحدث عنها فسوق تمر مع الطلاب خلال السنوات و خاصة في مقررات علم الأدوية . فلا نستطيع أن نطلب من طالب سنة أولى مثلاً  أن يضع آلية تأثير أي دواء و هو لم يأخذ بعد علم الأدوية أو مادة الكيمياء الصيدلية .

شكراً لوجودك هنا
و بانتظار ردودك دائماً و مشاركاتك


   

رد مشاركة : تعوا نلازم كلنا سوا....

24-10-2009 04:19 PM

مرحبا يا شاطرين .  رح احكي اليوم عن ال: 

Varenicline Tartrate  0.5 – 1 mg

الدواء الأحدث في المساعدة على الإقلاع عن التدخين 
آلية عمله : شاد جزئي و نوعي للمستقبلات النيكوتينية في الدماغ من النوع  a4B2  (مستقبلات التدخين التي تفرز الدوبامين المسؤول عن حدوث الإدمان)  فيحصرها كلياً و يفعلها جزئياً ، و بهذه الآلية و عند التدخين ستكون المستقبلات النيكوتينية مقنعة كاملاً فلا يحدث تفعيل لها (يعني ما بينبسط بالسيجارة و كأنه عم يدخن عالفاضي   ) و بنفس الوقت تفعل هذه المستقبلات جزئياً حتى لا يعاني المدمن على التدخين من أعراض السحب .
للإيضاح أكثر :



التأثيرات الجانبية : غثيان ، إقياء ، صداع ، اضطراب نوم ، ألم بطني .
ملاحظات هامة :
- نسبة النجاح في الإقلاع عن التدخين  بعد الكورس العلاجي 12 أسبوع مباشرة (سيأتي ذكره بالتفصيل مع الصور) كانت حسب الدراسات 44 % ، أي تقريباً بمعدل 1/2 مدخن . و بحسب الدراسة و بمتابعة الأفراد اللذين أجريت عليهم الدراسة عام كامل إلى 23 % أي بمعدل 1/4 (هي ما بيذكروها) ، و تبقى هذه النسبة كبيرة و مقنعة. 
- التأثيرات الجانبية  ليست ناجمة عن الدواء بحد ذاته و إنما عن القلاع عن التدخين لأن نواتج تدرك التدخين السامة لها العديد من المستقبلات في الدماغ ، و ال Varenicline يعمل فقط على المستقبلات المسببة للإدمان .
-  ذكرت حالات عن حدوث اضطرابات نفسية ناجمة عن ال Varenicline لكنها غير موثقة . و قرأت من فترة (بشهر حزيران بالتحديد) بالجزيرة نت عن دراسة صادرة عن إدارة  الأغذية والعقاقير الأميركية نشرت قائمة أخطار محتملة لبعض الأدوية و من بينها  Varenicline كانت بأغلبيتها طفح جلدي (و بعدين ما سمعت شي )
- أيضاً ال Varenicline من الأدوية المكلفة للمدخن  حيث تصل كلفة الكورس العلاجي 12 أسبوع  7000 ل.س   - طبعاً إذا ما قورنت بالفائدة المرجوة و توفير ثمن علب السجائر تبقى قليلة – لكن المثير للسخرية بأن ال Varenicline عندما نزل إلى الأسواق السورية عن طريق شركة وطنية وحيدة لن أذكر اسمها ، كان الكورس العلاجي يكلف 15000 (الضعف) و بعد فترة جيدة و بدون أن ينزل ثمن المادة الدوائية أو أي توجيهات من وزارة الصحة انخفضت التكلفة إلى النصف   !!!!  و هذا ما يثير تساؤلات كبيرة حول إمكانية شركات الأدوية تخفيض أسعار الأدوية غالية الثمن التي تثقل كاهل المرضى !! 

نأتي إلى الاسماء التجارية و شكل العلبة و طريقة الكورس العلاجي الموضح بالصور :
أولاً الأجنبي : Chantix أو Champix (بأميركا شانتكس و بأوروبا شامبيكس)  ل Pfizer


الوطني : توجد شركتان تنتجان ال Varenicline :
Varclin  لألفا ALPHA


Smokeless لأسيا  ASIA


ان شالله كون فدتكون يا حلوين  ، ادرسو منيح و لا تنسو تشربو حليب كل يوم مشان تضلو نشيطين    وبشوفكون بخير و مع دوا جديد
.........................

مسا النور طوق الياسمين  و شكراً على استقبالك و انشالله بتعم الفائدة عالجميع 
مشان طريقة الطرح :  بغض النظر عن مكان وجود الموضوع و أن الملازمة (و حسب معلوماتي البسيطة بصراحة بشغة الملازمة) تكون لمن أصبح في مرحلة متقدمة في دراسة الصيدلة ،  و بغض النظر أن غالبية المشاركين في هذا الموضوع هم من لديهم معرفة بآلية تأثير الدواء ، و على افتراض أن الموضوع موجه لطلاب السنة الأولى ، فأنا ضد أن يبصم الطلاب  -و بخاصة الصيدلة-  للأدوية دون الدراية بآلية تأثيرها و استطباباتها  لأن ذلك لن يفرقهم عن الذين يعملون في الصيدليات و ليس معهم شهادة إعدادية . لا أطلب من أحد أن يتكلم بصفحات عن آلية التأثير  و الاستطبابات و و ،  إنما بشكل مبسط (يعني من كل بستان وردة)  و لمن استطاع (يعني إذا في حدا ما بيقدر ما بيعني أنه الكل ما بيقدرو)  . و من ناحية أخرى  أراها حافز و فرصة للطلاب الجدد حتى يتعلموا  بأنفسهم ، فكما يقال (الأجمل في  "عدم المعرفة " هو استمرار الأمل  ) ،  و بالمقابل نقدم لهم المساعدة التي يريدونها .
و يبقى هذا رأيي الشخصي و اختلاف الرأي لا يفسد للود قضية .
رح ابقى  كل فترة  اكتب عن دواء  مهم أنه ينعرف (و فيكون انتو تختاروه)  و بنفس طريقة طرحي لأنه لما باتعب بتطليع المعلومة ما بنساها .و كمان شي حلو أنه تتميز مشارك الأطباء بمعاقل و قواعد الصيادلة  .  و انشالله يكون فيها فائدة للجميع (مع أنه ما حدا عم يقرأ كل اللي كتبته لأن ما حدا جاوب عالسؤال بال clopidogrel )
يمكن طولت شوي ، شكراً على رحابة صدرك  و انشالله ما تكون دايئتك صراحتي 
بس ما قلتيلي مين هاد DR.DUDU  ؟؟!  الله يسامحك يعني هيك بخافو مني  الولاد الصغار و بفكروني الدكتور دودو اللي بيضرب إبر   .. 
سلام   

.....................................................................

Do not go where the path may lead, go instead where there is no path and
leave a trail.
Ralph Waldo Emerson

رد مشاركة : تعوا نلازم كلنا سوا....

24-10-2009 07:50 PM

مسا الخير 

DR.DUDE 

أهلا و سهلا فيك مرة تانية في معاقل الصيادلة   

بالنسبة لسؤالك عن الclopidogrel فبيستمر تأثيره مدة 7 أيام بعد إيقاف الدواء و بعدين بيزول هالتأثير بسبب اصطناع صفيحات جديدة ( لأنه تثبيطه للصفيحات غير عكوس ) 

بالنسبة لرأيك بالموضوع بحترمه و أكيد لا يفسد للود قضية
و الموضوع مفتوح أمام الجميع بإمكان أي شخص أن يضيف ما يفيد و من يريد التحدث عن آليات التأثير أو التأثيرات الجانبية أو مضادات الاستطباب ... فبإمكانه ذلك كما أنّ الموضوع مفتوح للأسئلة و الاستفسارات أيضاً .

جميل أن نجد أطباء مهتمون بدراسة الأدوية بهذا الشكل المفصل 

بانتظار مشاركتك دائماً
و تحية من عائلة الصيدلة لك 


   

رد مشاركة : تعوا نلازم كلنا سوا....

28-10-2009 02:23 PM

وينكون يا شاطرين  ، خلصت الأدوية عندكون على حظي 
باتمنى تشاركو حتى ما حس حالي عبء على حدا وإقدر كمل معكون

سأتحدث اليوم عن دواء هام جداً يعتبر من أكثر الأدوية الموصوفة في العالم :

Atorvastatin Calcium 10 – 20 – 40 – 80 mg Coated Tablets

من الزمر الحديثة للستاتينات (Statin) الخافضة للشحوم و التي أدت لزيادة معدل البقيا و إنقاص معدل المراضة و الوفيات عند طيف واسع من المرضى . 
آلية عمله :
يثبط بشكل نوعي عمل خميرة ال HMG-CoA reductase   الضرورية لاصطناع الكوليسترول ضمن الكبد ، و بالتالي (حاجة الكبد للكوليسترول) تؤدي إلى زيادة عدد مستقبلات ال LDL الكبدية و التي بدورها ترتبط مع ال  LDL الجائل في الدوران و تقوضها .
والمحصلة تكون إنقاص  ال LDL  و الكوليسترول الكلي و الشحوم الثلاثية  ذات التأتيرات السلبية الضارة على الجسم ، بالضافة لزيادة ال HDL ذو التأتير الإيجابي .
للتوضيح أكثر :

الاستطبابات :
- الدواء الأمثل لإنقاص الكوليسترول المرتفع عند المرضى ذوي الخطورة العالية لحدوث أمراض الشرايين الإكليلية . و علاج مرضى ارتفاع الكوليسترول العائلي . 
- إنقاص الوفيات القلبية الوعائية  ، و الوقاية من حدوث الاحتشاءات و السكتة القلبية.
أهم التأثيرات الجانبية :  الألم العضلي .
ملاحظات هامة :
- توجد زمرة أحدث من الستاتينات و هي Rosuvastatin (نزلتها اليونيفارما و يمكن البلسم كمان) تمتاز كونها تخفض الشحوم بشكل أكبر نسبياً و بعيارات أقل . لكن ما يؤخذ عليها : لم تجرَ عليها دراسات سريرية (بضع دراسات فقط)  كالتي جرت على ال Atorvastatin ب(400 دراسة كاملة شملت 80.000 مريض) . بالاضافة ( حسب دراسة جديدة قدمتها ألفا الأسبوع الماضي لأطباء القلبية بالشيرتون ! ) فعلى الرغم من خفض ال Rosuvastatin ل 45% من LDL-C إلا أنها فشلت في الوقاية من الحوادث القلبية الوعائية و و لم تقلل نسبة الوفيات .
- الألم العضلي الناجم عن استخدام ال Atorvastatin نادر جداً و غير مرتبط بالجرعة كما يعتقد معظم الأطباء و الصيادلة . (الحكي مو من عندي ) و ذلك تبعاً لنتائج  44 دراسة سريرية شملت 9000 مريض ، و كانت نسبة حدوث الألم العضلية نسبة إلى الجرعة كالتالي :

3 % for 10 mg use – 2% for 20mg use – 3% for 40 mg use – 3% for 80 mg use

- أيضاً ال Atorvastatin من الأدوية ذات الاستعمال طويل الأمد و الغالية الثمن !!!

هلأ بيجي دور الاسماء التجارية و الستايل :
الأجنبي : Lipitor   لشركة Pfizer  :

الوطني : توجد عدة شركات منها :
Atorvex   لآسيا  ASIA

بيمتاز بتغليف الألمنيوم متل الجنبي ، و منزلين عيار 80  ، و شكل العلبة حلو 

Atorvatin لألفا  ALPHA

بيمتاز أنه منزلين عيار 20  ب 30 حبة أوفر من نظام ال 10 حبات

Low-Lip للفارس  Fares

بيمتاز أنه منزلين عيار 80 كمان .

ماشي يا حلون ، قربت الشتوية ، اتغطو منيح و تقلو باللبس  . و بانتظار مشاركتون  .

....................................................................

The secret of getting ahead is getting started
Mark Twain

رد مشاركة : تعوا نلازم كلنا سوا....

29-10-2009 09:51 PM

رد مشاركة : تعوا نلازم كلنا سوا....

30-10-2009 04:40 AM

Esomeprazole

30-11-2009 06:33 PM

مرحبا يا شاطرين ، رح كمل مع حالي - عفواً معكون -  اليوم  :
سأتحدث اليوم عن أحد أهم و أشيع الأدوية الهضمية الموصوفة :

Esomeprazole 20 - 40 mg Capsules

من الزمر الحديثة لمثبطات مضخة البروتون Proton Pump Inhinitor ، فتثبط هذه المضخة من نوع (H+/K+ - ATPase)الموجودة في الخلايا الجدارية للمعدة و المسؤولة عن الإفراز الحمضي المعدي بشكل غير عكوس . 
للتوضيح :

 

الاستطبابات :
- علاج القرحات الهضمية و بالأخص المريئية الناجمة عن القلس المريئي المعدي Gastroesophageal Reflux Disease GERD .
- في العلاج الثلاثي لخمج الملتويات العفجية Helicobacter Pylori الذي يؤدي لحدوث القرحات العفجية.
- متلازمة زولينجر ويلسون  (التي تترافق مع فرط افراز حمضي معدي ) .
التأثيرات الجانبية : قد تسبب بعض الأعراض الهضمية (اسهال - ألم بطني - غثيان - إقياء)
ملاحظات هامة :
- Esomeprasole من الأدوية الحديثة لمثبطات المضخة ، فتأثيره أقوى من Omeprazole و بخاصة في علاج خمج الملتويات العفجية ، فحسب الدراسات كان أقوة منه ب 4 مرات .
- العلاج الثلاثي الحديث لخمج الملتويات العفجية
: Esomeprazole + Clarithromycin + Amoxicillin  لمدة 7- 14 يوم . (طبعاً بتعطو المترونيدازول بدل الأموكسيسيللين بحال التحسس للبنسلين ).
- حسب دراسة جديدة تقدمها الوطنية للأطباء فإن ال Esomeprazole لا يؤثر على استقلاب ال Clopidogrel (مضاد تكدس الصفيحات اللي حكينا عنه )
- يستعمل Esomeprazole بشكل كبير عند أطباء الجراحة العظمية الذين يصفون بكثرة زمرة مضادات الالتهاب غير الستيروئيدية NSAIDs ، لذا تستخدم مثبطات البروتون للوقاية من التأثيرات الجانبية الهضمية لهذه الزمرة .
- لا يعطى للحوامل .

هلأ بيجي دور الاسماء التجارية و الستايل :
الأجنبي : Nexium لشركة  AstraZeneca  :

الوطني : توجد عدة شركات ، أهمها :
Naxiprazol للشركة الوطنية : NCPI

بيمتاز تغليفه أنه للتحرر البطيء

Es-Omepral لشركة آسيا  ASIA

بيمتاز أنه الحبيبات الدوائية مغلفة من الداخل .(إذا في شي حدا بيعطينا فكرة عن فوائد هالتغليف  ) 
(لاحظ التقليد الأعمى للشركات الأجنبية لتصميم جميع أدويتنا الوطنية  )

.........................

golden pill  أنا بنزل  الأدوية و انت بتصمم البروشورات و المربح بالنص 
golden pill - leen88 ، شكراً عالمرور و بانتظار مشاركاتكون

.....................................................................

Those who cannot change their minds cannot change anything
George Bernard Shaw

رد مشاركة : تعوا نلازم كلنا سوا....

30-11-2009 09:29 PM

مسا الخير 

Dr.DUDE

بدايةً شكراً على جهودك الجميلة حقاً . فكما ذكرت غولدن بل إخراج رائع يشجع على القراءة 

بالنسبة لفوائد التغليف فعديدة قد تكون لحماية المادة الدوائية من تأثير الحمض المعدي أو لحماية المعدة من تخريش المادة الدوائية إذا كانت تملك تأثير مخرش . قد يكون السبب تقنيع لطعم المادة الدوائية المر . و هناك غيرها ....

ملاحظة
كنت عم فكر بنفس المادة الدوائية و عم جمّع عنها معلومات . يا محاسن الصدف ( بس مشان ما تقول إني مطنشة الموضوع  )

يعطيك العافية و شكراً مرة تانية

   

رد مشاركة : تعوا نلازم كلنا سوا....

30-11-2009 09:37 PM