السلام عليكم
                                                                                                               
بصراحة يا جماعة ما عرفت وين بدي نزل هالسؤال  قلت احسن شي بنزلة  بقسم الادب العربي                                                                     
السؤال هو الي صديق مسكين من التل  اهلة ظلموة وسموه  :

حويشان       

وانا  صرلي فترة منيحة عم دور على معنى اسم حويشان

الي بيعرف معنى هالاسم او هالكلمة (ما بعرف شو بدي سميها )  يخبرني او يدلني كيف  لاقية

لان  كل مين سألة عن اسمة  ما بيعرف شو الرد

ودمتم سالمين

والله اسم غريب وعجيب اول مرة اسمع فيه

بصراحة مظلووم الشب هااااااد على الاخر

والله ذكرني بقصة

بيم الله الرحمن الرحيم
يجني تعني يقطف الثمار وبهاذي الايام بقولو جنى عمرو يعني شو حصل من
جمع مال وبالعامية بقولو بدال يجني يحوش اي يقطف وحواش  (الواو مشددة)اسم الفاعل من يحوش
وحويشان بها الحالة بكون اخوه الصغير لحواش وبجوز يكون ها الاسم صيني والله مابعرف بالظبط
بس يلي بعرفو ان النبي صلى الله عليه وسلم اشار الى انه كما ان للوالدين حقوقمن الابناء كذلك للابناء حقوق على الآباء منها اختيار الاسم الجميل والام ووو
وكلنا بيعرف القصة التي جاء فيها ان ابا جاء يشكو ولده بانه عاق وحين سأل الولد رد ان اباه سماه جعلا وان امه عبدة سوداء فقيل للاب حينها عققت ابنك قبل ان يعقك


وبتمنى من حويشان يروح على النفوس ويصير سليمان








       

حويشان

حاؤه حب وحنان

واوه وفاء ووفاق

ياؤه يمن ويسر

والشين شعور والالف اباء

والنون نغم ونماء


أكثر من هذا لااعرف عن هذا الانسان

المتيم بالهشق
شكرا على مرورك الظاهر انت قاصد تكتب المتيم بالعشق  قام طلعت معك  المتيم  بالهشق ؟؟ ما


جيرمي
شكرا  على مداخلتك فعلا متل ماقلت  يمكن تكون الكلمة من حاش يحوش ....  هو كمان اهله عندن مزارع  تفاح  يمكن من هيك جاية هالتسمية



أنثى الصمت
ردك رائع ورومانسي كتير  متل اسمك تماما  شكرا على مشاركتك اللطيفة

السلام عليكم
هلا أنا خريجة لغة عربية
فراح حــــــــــــاول طلع معنى الاسم
هلا الواضح معي
وسامحوني اذا موصحيح بس انا بتوقع صحيح
ان حويشان مثنى وتصغير  لكلمة حوش
وهي كلمة فصيحة ((أنا هيك سمعت بالجامعة))
والحويش هو مكان مفتوح  صغير في وسط المنزل
مثل ارض ديار
والنتيجة هي ان حويشان مثنى مصغر  لكلمة ارض ديار

بس السؤال الي بدي أطرح ليش الاهل بسموا ولادهن هيك اسامي
والاسلام اكد عن ان الولد من حقة ان يكون اله  اسم حسن
مع احترامي لكل الضيع والعشاير
لان محدا يسمي هيك اسم بس العشاير
انا بعرف طفــــــــــــــــــــــــل اسمه متعب
قال ليش؟
على اسم شيخ عندهن  
وهلم جرا...
بس اذا رفيقك مزعوج من اسمه فيه يغيره بالنفوس
او يطلب من الي بيعرفوا ماينادوا بهل الاسم
وبيختار اسم ثاني بيرتاح اله


مع كل الشكر

بصراحة انا مابعرف
بس عجبني تعليق انثى الصمت
بصراحة شي حلو
كتيرررررر                                                           

mone
شكرا    لمداخلتك  كمان في وجهة نظر واللة  كلمة حوش يعني ارض ديار مضبوط انا  بتذكر  ستي كانت تقول حوش  لارض  الديار

       

                                                                       
خفايا  الروح

شكرا  لمرورك