أول يوم كان إلي بالحياة الجامعية كان الإستفتاحية محاضرة فيزيا العملي للدكتورة كلثوم يلي ما فمت منها ولا كلمة إلا كلمة (لللأسبوع القادم) ما بعرف العطل مني ولا منها بس أنا متفاجئ   أنو هي المقدمة وهي الفيزيا بس المشكلة مو فيني بس اذا اعتبرنا المشكلة مني كل الطلاب بالفئة الثالثة طلعوا لا يفقهون شيئاً    يعني هلأ لحضل مع حضرة الدكتورة ولا ممكن اني غيرها 
ويلي معي أو مخالفني الموضوع ايفهمني لأنو لحجن بالمناسبة عن شو كانت المحاضرة

هههههههههه ولسه الخير لقدام :)

والله هي الدكتوره انا بوقتي مافهمت منها شي وما اتوقع حدا راح يفهم منها شي ...

في حجي أو الانسه ندى شوف اي واحد من هالاثنين ونقول عندو شلون ؟ روح كلمو اول وإذا وافق ارجاع لعند كلثوم وبعد الترجي والتمسكن ماراح توافق "بقا الله يعينك"

بس إذا بتقرأ العملي من الكتاب راح تفهم بجد انت بس المهم يكون دفترك راكز ورسماتك "البيانيه " كامله والدراسه من الكتاب برأيي الشخصي ...
والتجربه وانت والشباب قاعدين عم تاووهـا راح تفهموها لحالكم ... :)


والله يوفقك ...

اقتباس

أول يوم كان إلي بالحياة الجامعية كان الإستفتاحية محاضرة فيزيا العملي

بظن انك كنت رح تبطل من الجامعة

وعلى فكرة حظكم منيح هي كانت بتعطي الفيزياء النظري كمان يعني الواحد بيكره المادة

اما الدكتورة شو بدها انا بنصحك تبيت استخارة ممكن تعرف

وبالمناسبة الدكتور الحجي بساعد كتير بشكل عام وللصبايا حبة زيادة

لذلك ما بدها خوف الشغلة الضرب عالامتحان الاخير و انشا الله خير

اما اول محاضرة فبتذكر انها كانت عن التقريب وطرف القياس وهي محاضرة اكيد بيجي منها بالامتحان العملي وحاول تفهمها او احضر محاضرة مع شي زمرة تانية

عاااااااااااااااااااااااااااااادي
أنا مو أول يوم
من أول  شهر
ما كنت افهم شي
برنامجي ماكنت اعرف اقرأو

بدك تطول بالك



صديقي






تقبل مروري

طول بالك  الفيزيا العملي بس أولها هيك بعدين كلها تجارب يعني مافي شي غليظ غير هدول تبع الأخطاء والتقريب
على كلن عندك 3حلول:
1-تحاول تفهم عليها بالتعاون مع بقية الزمرة
2-تحاول تنقل لغير زمرة بس لازم تستعجل(مستحسن )
3-شوف حدا من غير زمرة يفهمك يلي مو فهمانو

أنا بصراحة عملت الحل الأخير والتجارب ظبتن
وجبت فيها28 ولبحمد لله

موفق!!  

والله ياصديقي هي المشكلة بتصور أنو 90% من طلاب الكلية عانوا منها
بس عادي
" انا أول محاضرة إلي بالكلية كانت "هيدروليك 1" وهي مادة سنة ثانية  خربطت بالمدرج  وقعدت شوي بعدين حسيت حالي مو فهمان شي والطلاب كلها فهمانين
فقمت فليت وخلص بدي اترك الكلية  بس الله ستر
تاني محاضرة  كانت فيزياء عملي عند د. عبد السلام "الله يرحموا " وكانت كتير صعبة لآنو الزمر ما كانت زابطة وكان بالمخبر في شي حوالي 90 طالب
بس بعدين الامور تحلحلت  ومشي الحال
ومن شان العملي انا بنصحك تظل عند د. كلثوم لسبب انك الفحص عندها اسهل من غيرها
ومو ضروري تفهم شي عليها لانو المادة هي بس تجارب وما عليك غير تحضر التجربة ويكون دفترك صحيح وبس
وانشاء الله ما تكون د. كلثوم تعطيك نظري وقتها المصيبة  " وهذا الشي صار معنا بالسنة الاولى "
وسلام  وربي يوفقك
وتذكر " ابتسم فانت بالمدني "

اقتباس

والله ياصديقي هي المشكلة بتصور أنو 90% من طلاب الكلية عانوا منها

يعني انا بخالفك بهي Civil Knight يعني هي مشكلة 100 % من طلاب الكلية

اقتباس

وتذكر " ابتسم فانت بالمدني "

هي اهم شغلة

                                                                 

                                                               

أهلا MEMO.CSH
بصراحة باختلف معك اختلاف كبير             

اقتباس

يعني انا بخالفك بهي Civil Knight يعني هي مشكلة 100 % من طلاب الكلية

لا ياسيدي  في عندك 10 % هدول كانوا أذكياء كتير لدرجة انو ما داوموا غير لستتب الامن بالكلية             
وهدول طبعا إلهن ناس بالكلية أكبر منهم خبروهم بالوضع           
خلينا نكون دقيقن         
مع التحيات ..........................          

سلامات

كيفكم جميعاً

صحيح أنه مشاركاتي نادرة بساحة المدني .. بس بصراحة لما شفت العنوان .. قلت لحالي معقول لسا كلثوم بعد كل هالسنين ما تغيرت؟؟

طلعت فعلا ما بتتغير .. يعني من كذا سنة (ما رح قلكم قديش) انصدمت نفس الصدمة ... والنتيجة إني حملت الفيزياء بالدورة الأولى .. بس الله ستر بعدين ومشي الحال

موفقين .. قلبي معكم