يا جماعة كل القصة انو الانتاج التلفزيوني هو من اخم السلع اللي عم تصدرها سورية لبرا 
يعني بياخة باب الحارة او غيرها متل ما كتير بشوفو  ما بتهم المنتج لأنو المنتج  ما بهمو رأيك ولا بهموا رأيي  لكن كل اللي بهمو انو يعبي جيبتو شوية مصاري
وانا حابب قلك شغلة  وبعد معاشرتي لكتير من ابناء الوطن العربي حابب قول وبدون تحيز    انو الشعب السوري هو الشعب الارقى بالمشاهدة على مستوى الوطن العربي    واذا اجينا قارنا نسبة السوريين اللي بيتعلقوا بالسخافات التلفزيونية بغيرهن من العرب لنلاقي حالنا الاحسن  وبإمكانكن تتأكدوا
انا الشي اللي حابب وصله انو الشعب السوري كمشاهد هو قادر يختار الشي اللي بينشاف  واذا كنت عم تلاقي عالم عم تتعلق بباب الحار ةوتحكي فيها بكل مدح فراجع خلفية هالناس هدول 
باب الحارة عنا  بسوريا اكتر شي بيلتزم بمتابعتها هنن الاطفال 
وانا في شغلة تانية بدي اكد عليها هي روعة كاتب النص التلفزيوني بشكل عام 
يعني بننظرة سريعة عالاعمال التلفزيونية السورية  سواء بالدراما او بالكوميديا  بصراحة ما ببالغ اذا قلت انو الكاتب عم يتطور يوم بعد يوم وهاد الشي واضح من خلال الابداع الدرامي اللي عم نشوفو  طبعا انا ما عم احكي عالمسلسلات الشامية عم احكي بشكل عام
انا بأيد الحكي اللي بقول انو المسلسلات الشامية بهالوقت هاد صارت للأسف  شغل مسخرة وبياخة  وانا برأيي الشخصي  لولا هالكم مشهد كوميدي اللي عم يطلعوا بباب الحارة صدقا يمكن ما بنلاقي حدا بتابعها ابدا    يعني انحرقت ورقة الحارة الشامية الاصيلة بايد الكاتب لهيك عم يضطر يضيف شوية مشاهد كوميدية لحتى المشاهد ما يمل    ..........................
وشكرا كتير على هالموضوع ............

معليش يعني مشان الحق

انو المسلسلات الشامية صارت موضة الشاشة العربية بشهر رمضان متلها متل المسلسسلات الصعيدية بمصر و كل و احد منا صار في بذهنو صور تقريبا شبه ثابتة عن كل ممثل و الدور يلي بياخدوا (( باستثناء باب الحارة ))
يعين بالعادة الجدعنة و القوة و الحكمة بتكون لعباس النوري و القوة و التكير الخطا لبسام كوسا و المخترة اما لرفي سبيعي او عبد الحمن ال رشي و التاجر بكون حسن دكاك و عصام عبه جي و بلا منازع كان دائما دور الحلاق بكون لسليم كلاس

بس يلي بخلي الواحد يتضايق هو اخر جزء بباب الحارة يعني كانو هالمخرج العظيم تخنها شوي يعني الشغلة لا ثقافة و لا دراما و حابين يطوروا و لا الها علاقة بالفن كل الشغلة الدنيا رمضان و لازم يستفيد المنتدج بقرشين و كلما مثل يصطدم مع المخرج او يطلب زيادة سعر المخرج اما بيموتوا او بينفي او بيطلع الممثل مختفي و الشغلة يلي بتخليك تنزعج اكتر انو بيطلعلك عالشاشة و بيعمل لقاء صحفي (( و كانو بدو يحرر فلسطين و بيعد بيحكي عالفن و المسخرة و هو يمكن ما بيعرف شي))

انا يا جماعة مع انو المسلسلات الشامية صارت ايخة و ما لها طعمة يعني اذا كان الجزء الاول و التاني من باب الحارة ناجحين ضروري يسلخوا جزاين على انقاض و امجاد اول جزاين انا من جهتي اخدت قرار هي السنة اني ما تابع مسلسلات شامية
بس الا ما توقع عينك على لقطة هون او هون و كلو ما لو طعمة لذلك بيجيني قلب كسر ال tv على البياخة يلي وصلنالا وو ما ي غير نهتف باسم الفن و نضرب بسيف الايام الشامية
و اخر الشي بيطلعلي هداك الغليظ انا احب باب الحارة كرهني السوني الله و كيلكم و يا محلى المسلسلات التركية
يمكن طولت عليكم بس بجد شي بيرفع الضغط

والله معك حق يا مجد


والله يرضى عليكن ما حدا ينزل هالسخافات "قصدي هالمسلسلات " تحت فكرة الثقافة .

(ممكن تزرع قيم بسيطة افتقدها جيلنا)  مو معقول !!! لك عن اي قيم عم تحكوا

طيب رح  سايركن وخدوا من هالقيم الي لمستهابهالجيل الصاعد:

1) كان مرة ولد بدك تقول عمره 15 سنة شكله مريض ودايخ ونفسه عم تلعي * قام رفيقه وبابتسامة عريضة بقوله :مبروك.....*بس المسكين ما عرف صبي ولا بنت

2)وواحد تاني كان ماشي وفي بنت مرت من جنبه وفجأة ومن دون مقدمات بتطلع معه

"امشي إدامي .....  بنت عمي" وما بعرف كيف بدي قلكن شو صار بهالبنت
3) ................بلا ما كمل.
وعلى كل مو عتبي عالجيل هدا ولا عالناس السلبية الي بتتقبل اي شي
بس انا عتبي عالناس المثقفة من كتاب ومخرجين وممثلين ورقا...... الي سمحت  بهيك مشاهد  يتقدملنا تحت فكرة التراث

وحتى لما اجوا ليكحلوها بفكرة الثوريين والأبطال و... بالغوا فيها كتير وصار الواحد

يحس حاله عم يتابع ابطال الديجتال او حتى باتمان

واسفة عالإطالة وبتمنى المعنيين يتأسفوا على هالطريقة الي قدمونافيها للناس التانية(نا:بقصد الشاميين)

                                مستاءة كتير

كلشي بينحمل وبنسكت عنو  وعن سخافتو الا
جوااااااااااااااااااااااااااااااااااااااااااااااااال
باب الحارة يعني جد صارت القصة مسخرة
وبحياتي ما توقعت توصل معهون لهون
وشكرا عالموضوع
يعطيك العافية

تسلم لي قلبك
وكأنه لا يوجد لدينا هموم ومشاكل حتى لجأنا الى حارات الشام القديمة
لدرجة اننا صرنا نكره الأبطال
والله مسلسلات دريد لحام بالأبيض والاسود أحسن منها بكل شي نصا وتمثيلا واخراجا
نتمنى أن نشاهد مسلسلا نرى من خلاله انفسنا