تكرم عيوووووونك tigress
على راسي يا خيتو...أنا دائماً بخدمة الناس الطيبين متلك
وشكراً كتيييييييير إلك..و الله خجلتيني بلطفك
1. الامتحان الكتابي بالانكليزي و بالعربي مؤتمت كليا.ً
بالنسبة للعربي عندك:
•الأخطاء الشائعة:
- مثلاً: هذه السيارة مباعة, هذه السيارة مبيعة, هذه السيارة مبيوعة:
أ. العبارة الأولى صحيحة فقط.
ب. العبارة الثانية صحيحة فقط.
ج. العبارة الثالثة صحيحة فقط.
د. العبارات الثلاث كلها صحيحة
- زار المدير الفلاحين و طاف...
أ. بهم ب. عليهم ج. فيهم أو حولهم د.كل ما سبق صحيح
•الإعراب و ضبط الشكل:
كلمة (...) تضبط:
أ. بالنصب, لأنها مفعول به.
ب. بالنصب, لأنها تمييز.
ج. بالنصب, لأنها خبر (كنت).
د. تضبط بالرفع لأنها مبتدأ مؤخر.
و كمان عندك إعراب عادي, تعليق جار ومجرور..
•البلاغة:
تشبيه بليغ, تشبيه تمثيلي, استعارة مكنية, تصريحية...
سجع, جناس, طباق
•الأسلوب: خبري, إنشائي, استفهامي... و غرضه: التعجب, التعظيم, التقرير, الرجاء..
2. بالنسبة للامتحان الشفهي: بالعربي بيطلبوا منك تعرفي عن حالك, و بيعطوكي نص بتقرأيه بصوت عالي و بيسألوكي عنو أسئلة (إعراب, تشكيل, معاني, صور بيانية..) و ممكن يسألوكي شو آخر شي قارئتيه و يناقشوكي فيه أو ممكن يسألوكي شو بتعرفي أبيات لأبو فراس الحمداني مثلاً! و طبعاً لازم تحكي بالفصحى و تنتبهي للتشكيل. و بالانكليزي بتعرفي عن حالك أول شي و بيعطوكي نصوص بترجميون: نص الدكتور بيقرأ شوي و بيسكت و انت بتترجمي وراه جملة بجملة و نص تاني انت بتقرأيه و بترجمي دغري و كمان بيسألوكي أسئلة عن الأخبار السياسية, الاقتصادية, شو في جديد عالساحة..
3. أنا اختصاصي تحريري
هلأ سواء بالكلية أو بالمعهد انتي على قد ما بتتعبي على حالك و بتشتغلي بتلاقي نتيجة و المعهد بيعطيكي هالفرصة لتشتغلي من خلال الوظائف الأسبوعية والفصلية..هلأ بالمعهد أحياناً بتفرقي حالك (للأحسن طبعاً) من محاضرة لمحاضرة على حسب الدكتور والمادة و أحيان تانية بتلاقي حالك عم تراوحي بمكانك من دون فائدة تذكر..يعني في هيك و هيك!
بس عموماً فيكي تقولي إنو المعهد أحسن من 4 سنين الجامعة بالشي اللي بيقدملك ياه يعني إذا ما حكينا كـترجمة عالأقل بيبرزك إنتي كشخصية شو عندك..يعني كون الأعداد قليلة فهاد بيعطي فرصة لكل طالب بإنو يشارك و يبين مقدراتو و إمكانياتو..
4. لاء بإذن الله ما بيأثر..يعني هنن بياخدوا بعين الاعتبار بالإضافة لترتيب رغباتك نظرتن هنن و تقييمن لإلك من خلال المقابلة الشفهية..يعني ممكن انك تنقبلي بالرغبة التانية أو التالتة إذا لاقوا إنك خرجها..و طبعاً لا تنسي إنو التفاضل عم يتم على 28 مقعد (8 فوري, 10 تحريري, 10سمعبصري) بالإضافة لـ 6 موازي (2 من كل اختصاص) و إذا نجحتي و نقبلتي بس ما طلعتلك رغبتك الأولى (الفوري) بيحقلك تسجلي موازي بالفوري بس بتدفعي 60000 أو 62500 بالسنة بينما الرسوم العادية هية 2500
بياخدوا 30% من علامتك بالامتحان التحريري
و 70% من علامتك بالشفهي
و هي العلامة النهائية بتم التفاضل عليها
و ان شاء الله بالتوفيق يا رب
و لا تنسونا من دعائكم
المعهد العالي للترجمة الفورية
