السلام عليكم .........



اليوم جايبتلكون معي حالة غريبة 


أخي عمرو 4 سنين

ومن كم يوم  صار معو التهاب أمعاء


وهو من وقت كان عمرو أشهر قليلة مابيتقبل الدواء الشراب وحتى لو أخدوا بالمسايرة والمسايسة فدغري بتشلع نفسو وبيتقئ 



وبالنادر لحتى يبقى الدواء بمعدتو

لذلك في أغلب الأحيان نلجأ للابر


المهم .....

نفس الشي كمان صارو معو هالمرة

وحاولنا محاولة  يائسة بالشرابات بس مامشي الحال

(يعني هو ياحرام على قد مالو موجوع يقلنا نشربو الدواء بس ماعم تقبلو معدتو )

هالمرة قلنا للدكتور حالتو بالتفصيل

وكان الدكتور حباب بشكل وطيب


يعني اشتغل معنا شي ساعة 


وكان الحل أنو جرب يخلي  يبلع حبة

والحمد لله مشي الحال 

بقا قعد الدكتور يقسم العيارات والجرعات ويظبطهون على الحبوب  شي نص ساعة (لأنو أول مرة بتمر معو هيك حالة)


ويسأل مرتو الصيدلانية اذا  هالحبة بتنقسم واذا هديك في منها عيار 400 ومن هالأسئلة


وبالنهاية طلعنا بهالوصفة :

كلاموكس 400 (1/2 حبة كل 8ساعات )

فلاجيراز فورت (1/4 حبة 3مرات باليوم بعد الطعام )


دولوبسكوميد (1/2 حبة 3 مرات باليوم عند اللزوم)

باسبيران (تحميلة قبل الطعام بـ 1/2 ساعة  3 مرات )


الحمد لله مشي الحال وعم ياخود الحبوب وكل شي تمام


أمانة مو حالة غريبة  طفل عمرو 4 سنين عم ياخود حبوب


يعني اتخيلو منظرو .......

السلام عليكم.....

Neurokan , عيار 300, مضغوطات ملبسة, لحالات الاكتئاب الخفيفة للمتوسطة, و لتحسين الحالة النفسية عند اضطراب الأعصاب, لأوغاريت, بامتياز من شوابي-ألمانيا.

(ph.ruaa حالة أخوك و الله غريبة, و أنا صاير معي عكسو لكن وحدة قدي مابتعرف تبلع حبة؟؟؟؟!!!)

السلام عليكم

لدي سؤال

وجدت أكثر من دواء من أدوية الرشح يكتب عليها "لا يسبب النعاس"

مع العلم أنها تحوي مضاد هستامين من الجيل الأول

هل السبب أن تركيز المادة منخفض فلا تسبب النعاس

كلو دعايات كاذبة لأنو مرة وقت الفحص ما تركت دوا رشح "لا يسبب النعاس" إلا و أخدتو و بالأخير روح بسابع نومة........

اللهم صلي على النبي على هالهمة والنشاط بصراحة انا الي زمان ما دخلت عالمنتدى وبس فتت هاد الموضوع لفت نظري
الله يعطيكن العافية جميعا

بس في عندي الكن رجاء يا ريت وقت حدا بدو يحكي عن شي دواء يقول اسم الشركة تبعو بعتقد انو هيك بيرسخ اسم الدواء ببالنا مع اسم شركتو وبصير قريب لذهنا اكتر وقت بدنا نرجع نشوفو بالصيدلية


شكرا لجهودكن يا شباب

السلام عليكم

ياجماعة آل مشروبات الطاقة متل ( بايسون _ ريد بول) صارت تنباع بالصيدليات مو بالسوبر ماركت بعتقد إنو الخبر قديم شوي

بس بصراحة الشغلة يلي خلتني فوت بالحيط هو موقف حصل معي من

هالمشروبات هلأ العالم بتشرب البايسون والريد بول لحتى يصير عندها طاقة

ويتنشطوا  وبحطوا بالإعلانات تبع هالمشروبات كلك حركات ومدري شو آم أنا حبيت

إني صحصح

واتنشط شوي قمت شربت بايسون ولوتعرفوا شوصار

رحت بعاشر نومة لمدة 11

ساعة بدون ماحس على حدا    عنجد أكلتها رعبة  وبصراحة لهلأماكنت

لاقي تفسير لهالموقف لأن مشروبات الطاقة فيها كمية منيحة كافيئين

بئا بلاقي تفسير عندكون لهيك موقف     

السلام عليكم

والله غريبة حالتك هي

بعرف أنو مشروبات الطاقة قنبلة كافئين

بس تعرفي

أنا كمان بشرب كاسة نسكافيه كبيرة و قبلها شي 10 فناجين قهوة "خاصة بالأعياد"

و بعدين بنام ولا كأنو في شي

صراحة الواحد إزا نعسان قد ما أخد كافئين إجباري غصب عنو رح ينام

السلام عليكم......

اليوم إجت حالة على ما أظن التهاب مجاري تنفسية, و كان فيها:

سينوفين, قطرة أنفية للأطفال

ديكلو بار , عيار12.5, هو مكتوب على العلبة للرضع, بس هو عادة بنوصف للعمر أقل من سنتين

بروفين, شراب,مسكن قوي للألم

و شي مدري شو اسمو في ماء و ملح (يمكن) مشان تنظيف الأنف