شكرا إلك ع هالخبريه

وبجد هديك السنه مارحت للمعرض وطول السنه ع النت وبجد اكتشفت انو متعة القراءة من الكتاب تختلف عن النت ....

بقا حروح واشتري كتب بإذن الله لانو اشتقتلها :) "للكتب"

بس بجد ليش صار هنيك الله يعينا ع الروحة والرجعــه ....

وسلامتكم ....

شكراً كتيييييييييييييييير.......


وأنا مو مصدقة ايمتىيفتح.........ومشان المكان لا تتطلعوا عالسلبيات بس.........

يعني هنيك أحلى وأكبر ودور النشر ممكن تلاقي مساحة أكبر للعرض.....

بس عنجد الدليل رائع قبل المعرض........ شكراً كتير ... وادعولي لاقي الكتاب اللي صرلي سنة عم دور عليه........ مشكلتو بالانكليزي.....

بالنسبة لمكان المعرض فبالفعل في مشقة بالروحة و الرجعة و العجقة عالباصات...

و السنة الماضية كان المعرض بمكتبة الأسد...

المكان ممتاز و بنصف البلد و قريب لكن المعرض ضيق جداً و أيام الازدحام تسبب أحياناً انتشار الأمراض التنفسية بسبب الازدحام الشديد و اقتراب الناس من بعضها...

أما معرض دمشق طريق المطار فالمكان واسع و كبير و الهواء عليل و منعش... 

بس مشكلتو أنو بعيـــــــــــد...

--------------------------------------------------------

أنصح الجميع باتباع هذه الطريقة التي أتبعها منذ 4 سنوات وحتى الآن...

خذ معك دفتراً صغيراً وقلماً كلما سنحت لك فرصة الذهاب للمعرض و اكتب عليها كلما رأيت كتاباً أعجبك التالي :

اسم الكتاب    -    دار النشر    -    رقمها في المعرض    -    سعر الكتاب      -      مدى أهميته لك


و شكل قبل ما يخلص المعرض بيومين جدول بهالمعلومات يللي صرلك عم تكتب فيها من أول المعرض...

أنا عملت هالطريقة لأنو كنت دائماً أشتري كتب مباشرة من مكتبة و لاقيها عند مكتبة تانية بسعر أقل..

يعني مثلاً مرة اشتريت رواية روبنسون كروزو مترجمة بسعر 125 ليرة من دار نشر...

بس و انا عم افتل المعرض لقيت دار نشر تانية عم تبيع نفس الكتاب بسعر 75 ليرة...!!!!

مشان هيك صرت اشتري اللي بدي يا آخر شي بعد ما كون شفت كل الأسعار و كل المكتبات....

أتمنى أتو تتبعو هالطريقة لأنو عنجد كتيــــــــــر فادتني...

شكرا لك على هذه المعلومات
بس شغلة اني جيب ورقة وقلم وسجل كل ما رحت عالمعرض كانت بتظبط السنة الماضية اما هالسنةعلى هالنقفة البعيدة للمعرض ما بتصير
السنة الماضية كنت روح اكتر من مرة مع امي وكل ما شووف حدا رايح اندحش معه بس هلا امي بطات تروح لانو بعيد بقا دوبي اطلع مرة يتيمة انا ورفقاتي لانو ما بعتقد اهلنا يسمحولنا نطلع اكتر من مرة على طريق المطار وخصوصا انو نحنا بنات وحيكون كتير في عجقة وتدفيش عالركب

مسا الخير للجميع
شكرا كتير للي ساعد بهالموضوع فعلا هاد الخبرمن أهم المواضيع وكان لازمنا مين يخبرنا فيه قبل بوقت...
وأنا متحمسة كتير وحابة اقرأ شي جديد...
بالتوفيق

شكراً كتير وسيم على الإعلان .....
وبدي انصح الكل يزورو دار القدس ..كتب منوعة وأسعار رخيصة..
ومشان المكان حاجة تقولوا أنو بعيد على رأي المثل (اطلب العلم ولو بالصين)

تقبلوا مروري...   Lightning2  

يا ريت كان في جناح بالمعرض للكتب المستعلمة ...................

أو القديمة ........

كنا نزلنا من السقيفة كتب مهملة لسنوات ........ وهكذا كنا استفدنا مادياً ........ وكان الآخرون استفادوا مادياً وأدبياً وعلمياً ........

ففي السقيفة يوجد العشرات من الكتب التي لا يمكن أن أفكر بقرائتها مرة أخرى ........ ولا أستطيع رميها أبو إعطائها لأحد .........

ومعرض مثل هذا هو المكان الوحيد لمثل هذه الكتب الموجودة في سقيفة كل واحد منا تقريباً ............

مع التحيات للجميع ..... وكل معرض كتاب وأنتم قراء !

مشكورين جدا
--------------------------------------------------------------------------------
يا ريت !!!!!
يا ريت كان في جناح بالمعرض للكتب المستعلمة ...................

أو القديمة ........

كنا نزلنا من السقيفة كتب مهملة لسنوات ........ وهكذا كنا استفدنا مادياً ........ وكان الآخرون استفادوا مادياً وأدبياً وعلمياً ........

ففي السقيفة يوجد العشرات من الكتب التي لا يمكن أن أفكر بقرائتها مرة أخرى ........ ولا أستطيع رميها أبو إعطائها لأحد .........

ومعرض مثل هذا هو المكان الوحيد لمثل هذه الكتب الموجودة في سقيفة كل واحد منا تقريباً ............

مع التحيات للجميع ..... وكل معرض كتاب وأنتم قراء

يا ريت فيني أحضر بس انا بالسعودية من 6 سنوات
ومدير الشركة ما رضي يعطيني إجازة لا جزاه الله الخير
اتمنى التوفيق لكل من يحضر هذا المعرض الرائع

شكرا على الموضوع


فعلا المعرض حلو

وفيه تقريبا كل شي

اتمنى من الجميع الزيارة