صباح الخير

أخ وسيم إن شاء الله بتروح وبترجع بالسلامة الله ييسرلك أمورك
 

ROH
إذا بدك تعرفي عن الملازمة في موضوع خاص بذلك اسمه تعوا نلازم كلنا سوا
   

  السلام عليكم ورحمة الله تعالى وبركاته:

أولا : بحب قول لبلسم الآلام الله معك إن شاء تروحي وترجعي بالسلامة يا رب

بس لا تنسينا من الدعاء .

أخ وسيم : كمان إن شاء تروح وترجع بالسلامة وتطمن ما في حدا  زعلان منك .


أخ محمد : الحمد لله على سلامتك وسلامة كل العائدين .


السلام عليكم .              تقبلوا مروري

مسا الخير
بلسم لا تنسي تدعيلنا ها
   
اليوم عندي موضوع بدي ناقشه معكم

اليوم فاتت لعنا وحدة عالصيدلية عاملة عملية ومعلقة سيروم وما عم يشتغل
وكان زوجها عم يسأل كيف بيشتغل السيروم
ضلت الصيدلانية ساعة تجرب فيه
وآخر شي قالتلو جيب ممرضة والله أنا ما عندي خبرة بهالأمور
   

هلأ متل هالشغلات ما بيعلمونا ياها بالجامعة
بس مو ضروري الصيدلاني يكون عندو خبرة بهالأمور؟؟؟

(خدو راحتكم بالنقاش المشرف سافر   )

السلام عليكم

والله ماعم افهم شي  هالصيدلاني قصتو قصة ولك كل شي عم ندرسو بالكلية مالو علاقة بحياتنا العملية إلا القليل 

وبعدين قصة منع الصيدلاني من أخد الابر أنا بعتبرها انتقاص من قيمة الصيدلي يعني والله لازم يكون عنا بالكلية شي مادة عملية مخصصة لتعليم تركيب السيروم وتعليم أخد الابر وهي القصص كلها يلي لا زم نكون منعرفها يعني برأيكون طالب متخرج من مدرسة تمريض يكون بيعرف كل هالقصص ونحنا اللي منضل عم نجاهد خمس سنين بالكلية نطلع مامنعرف  شي
والله شي غريب    
--------------------------------------------
شكرا أصدقائي الله يسلمكم يارب وإن شاء الله نراكم بخير

السلام عليكم

صراحة لقيت أنو دراستنا بالكلية فقط دراسة أكاديمية ليس لها علاقة بالواقع

يعني أخدنا مادة سموم مالها جنس العلاقة بالسموم

يعني أخدنى التسمم بالبنزن و التلوين و نتروبنزن و السيانور و غيرها و غيرها

و المشكلة يلي عطانا ياها هو الدكتور عامر زمريق

يعني هو شو ألو دخل بالسموم

هو شغلتو بس تحليلية

يعني صرعنا بالكشف و المعايرة و بيجي عالعلاج بيحكي كلمتين

و الله مالي متزكر شي أبدا

بس يلي بتزكرو انو أي شي بدو فصد دم

يعني أنا بالصيدلية شو ممكن أعمل مع واحد شارب قنينة زيت كاز مثلا

خليها جوا و تجرح أحسن ما تطلع و تفضح

هديك المرة كنت عند بروتيوس قريب من بيتو

أم إجا واحد معلم نجارة و قلنا أنو وقعت شاكوش على رجلو و صارت ورمانة و استشارنا شو ممكن يعمل

آم بلشنا مناقشات أنا و بروتيوس

أنا قلو ياخد مضاد وذمة و هو يقول ياخد شغلة تانية نسيت شو هي

و قلنا للمريض يلحقنا عالصيدلية بعد شوي

آم ما بين بنوب

شكلو قال شو بدهم يجربو فيي!!

و هديك المرة إجا واحد ثقب أصبعو بإبرة خياطة بدو يانا نخيطلو ياها

بس خفنا و رحنا بس عقمنالو ياها و بعتناه عالمستوصف بركي دخلت شي جرثومة كزاز
___________________________________________________________

موفقين

يا الله كلامكم بيجيب الاكتئاب .....كأني أنا ما بشوف !! 

ليش بحب كليتنا ما بعرف !!! 

   

السلام عليكم .....
مرة بالكلية صار ندوة عن مرض السكري وكان بالتزامن معها عنا محاضرة ولما قالوا الطلاب للدكتور ان يعجل بإنهاء المحاضرة لحتى يحضروا الندوة قللهم انو ميدان الإبداع  والمكان اللي بتكون فيه الملك عند الصيادلة هوو المعامل الدوائية وكل ماله علاقة بتصنيع الدواء والتحاليل المتعلقة فيه وخلافه من هالأمور أما المسائل الطبية الأخرى بعد وصول الدواء للمريض مابتتتعدى إرشاده لكيفية استخدام الدواء وبعض النصائح ...
قال بالمختصر لكل مين دوره ولازم يلتزم بها الدور

أما ضرب الإبر فهيي مهارة شخصية يعني في كتير ناس من خارج الحقل الطبي الهن دراية بالمسألة ...
((طبعا ضرب الإبر يالصيدليات متل ماكلكم بيعرف ممنوع وعليه عقوبة وأكيد الكل سمع بالصيدلي اللي انسحبت شهادته بعد ما ضرب إبرة لمريض دونما اجراء اختبار التحسس وتوفي المريض على أثرها بعد ثلاث أيام ))

أما نتعدى لأكتر من هيك متل خياطة الجروح وتفجير مواضع الإلتهاب وغيره بدها مختصين
وبرأيي الشخصي لازم الواحد فينا يقتنع بحدوده ويبدع بمجاله ... وبيكون كتير ممتاز

طبعا هاد بيضل رأيي وكل منا إله رأي ......
بالتوفيق جميعا ....
محمد