رد مشاركة : الساكت عن الحق شيطان أخرس....إحصاء لن نسكت
05-07-2009 01:07 PM
[size=3]أنا ما رح أحبط حدا بس أنا بتمنى نعترض ع الدكاترة بحد ذاتهم و ع الموظفين بالامتحانات يلي لازم ينتبهوا لهالشغلة ...مو شغلتن هي ..
و دخلك ما بيعرفوا هالمادة كم نموذج فيها؟؟؟ و لا ليش بياخدوا أو راق الأسئلة مو لازم ما يبتدي التصحيح لتكون النماذج كلها جاهزة ...ولا الشغل ربي يسر .من قفا الإيد..
ع كل حال غلطة الطالب بكفرة و غلطتهن بدها عريضة و معاملات و طوابع و 500 و وجع قلب و انتظار و يا بفائدة يا بلا فائدة..
يا ريت الطالب بس يغش أو يتأخر عن شي عملي أو يسحب أوراق امتحان بدو ليتحاسب طوابع و عريضة و 500 و مشاورات مجلس الجامعة ..........الخ بالله هيك مو عدل؟؟؟
رد مشاركة : الساكت عن الحق شيطان أخرس....إحصاء لن نسكت
05-07-2009 05:50 PM
السلام عليكم :
proteus_vulgaris
والله حلال عليك ............
أنا برأيي حتى لو كنتوا 5 طلاب ضل ماشي بالقصة وأنا فهمت من كلام الدكتور عامر اليوم انو الطلاب لازم يضلوا عم يجوا على الكلية ويتابعوا الموضو ع.........
يعني بالمشرمحي الدكتور عامر بينبسط إذا ضلينا رايحين جايين لعنده .......فيك تقول نحنا يوميا رايحين جايين .........
والحمد لله اتأكدنا انو المادة انعاد تصحيحها بس اللي باقي اجراءات بسيطة مشان هيك اليوم ما رحنا ع رئاسة الجامعة ..........وحتى لو طلع هادا الكلام مو صحيح تاني يوم منكون برئاسة الجامعة...........
الصيف طويل ومنقدر نفرغ وقت للموضوع....بكل بساطة نحنا ما منمل............
متل ما قلتلك أهم شي تضل متابع الموضوع حتى لو ضليت لحالك ........
بالتوفيق إن شاء الله
رد مشاركة : الساكت عن الحق شيطان أخرس....إحصاء لن نسكت
08-07-2009 11:57 PM
انا برأيي ضلكون ورا الموضوع ولا تتهاونوا حتى لو ما لع معكون شي (لا سمح الله) على الأقل بتكونو لفتو انتباهون على الأخطاء اللي عم بتصير
والحمد لله اتأكدنا انو المادة انعاد تصحيحها بس اللي باقي اجراءات بسيطة مشان
اقتباس
هيك اليوم ما رحنا ع رئاسة الجامعة ..........وحتى لو طلع هادا الكلام مو صحيح تاني يوم منكون برئاسة الجامعة...........
الله يعطيك ألف عافية انت وكل الطلاب اللي ضلو متابعين الموضوع...... أنا متفائلة كتييير وان شاء الله كل واحد بياخدحقو .
رد مشاركة : الساكت عن الحق شيطان أخرس....إحصاء لن نسكت
10-07-2009 02:17 PM
السلام عليكم
بس حابة خبركم إنو أنا و كم وحدة من رفآتي نازلين الأحد إن شاء الله عالجامعة مشان الإحصاء بين ال12 و 1 ..
فيارت أنتو كمان تنزلوا مشان يكون العدد أكبر...
و لو إنو الموضوع يمكن ما يطلع منو شي بس معلش خلينا ننزل مشان ما يفكرونا إنو منسكت عن حقنا...
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net