اقتباس

بس يا ترا منلحقها بتلت تيام بس

إن شاء الله بتلحق

و بظن أنو باقي الطلاب يلي عم يخوفونا منها

مبالغين شوي

لأني لما قرأت أسئلة دوراتها

ما لقيتهم أصعب من دورات العضوية

بالعكس العضوية أصعب بكتير


=============

اقتباس

و على هالسيرة هلأ انتو بتتقيدو بمكان الدراسة

و عندكن مكان محدد و لا ما بتفرق معكن

و كيف بتدرسو كتابي قراءة على الطاولة على الكنبى ........

أنا من جهتي لازم كون قاعد على كرسي و قدامي طاولة

و أنا ما بدرس غير كتابة

و أهلي ما عم  يلحقولي مفكرات من الجيران و القرايبين

     

لك ليش قيس  شبها الكوسا



ومشان العزيمة بسيطة قلن صايم

ههههه

بلله شو عملت وقتا؟؟؟





شكرا نجم علحراق باصبعو

هي بحبا






ولارا  انا بدرس عنايم ازا بدك


اي والله اكتر شي بيتركز معي
يلي بدرسو انا ومتسطحة

وكل دراستي هيك

حتى الرياضيات ايام البكلوريا

بما انو قيس رد فتح موضوع الأكل :


وبناء على طلب الجمهور 


اللي مابيعرف اكلة الهريسة وحابب يتعرف عليها

يتابع  الوصفة

بس على فكرة انا مابعرف  كيف بتنطبخ ومابعرف اطبخ بالأصل  بس من المراقبة فقط

   

هاااااااااد يا اسيادنا:

اللي تابع مسلسل نصار (الخوالي):

وقت ابو هاشم عمل المولد بمناسية مرور 6 سنين على  هاشم افندي

حدا انتبه شو كانو عم يطبخوا رجال الحارة بالحلّة (طنجرة كبيرة جدا )


طيب اذا ماحدا اتذكر لح اشرح كمان شوي :

هي الطبخة عبارة عن  مكونين رئيسين هما اللحمة والقمح

يسلق القمح ويكمر (يعني تغطى الطنجرة اللي موضوع فيها القمح بشي كالبطانية مثلا )  طول الليل

كما تسلق اللحمة

وبعدين تطبخ القمح واللحمة مع بعض والسائل الاساسي هي المرقة تبع اللحمة 

ومنحط كمان البهارات تبع الهريسة اللي بتحتوي على الكركم (الورص) بشكل كبير

وهي اللي بتعطي اللون الأصفر للطبخة

على فكرة هي الأكلة بدها تحريك  كتيييييييييير كبير يعني شي 3 ساعات عل القليلة

والله هادا اللي اتذكرتو من اكتر طبخة بكرهها بحياتي ...........

ومابقدر دوقها نهااائيا   


مع انو باكول القمح لحالو واللحمة لحالها


بس وقت يصيرو مع بعض ؟؟؟؟؟؟؟

     

ان شاء الله تكون عجبتكون

   

حلو هالسؤال

السنة الماضية بالبكلوريا أحد الأساتذة نصحنا أنو كل فترة لازم الواحد يغير شوي بدراستو

وخاصة مكان ووضعية الدراسة

مشان يخف الملل والروتين

أنا بالنسبة ألي بفضل القراءة

بس دائما القلم بايدي وعم شخبر

واياما وقت تكون المادة جامدة ومالي حسنان ركز فيها

بصير بكتب كلشي بقرا عالحاضر
مشان ركز أكتر

بس رغم كلشي عم نشرد
ههههههههههه

                            في  ضوء  إنو التالتة  عالكلية


                          حملت  الفيزيا  توقعوا  الأسؤ


                                وبالنسبة للدراسة
                                       
                                    أنا مابتفرق  معي


                                      كيف ما حطيتيني بدرس


                                    على كنباية وأنا مسطح

                                  وأنا  على كرسي

                                  وأنا بالسرفيس حتى على

                                      دراج الكلية بدرس 


                                      ودائما  بدراستي بعمل ملخص



                            بس ما بلحق أدرسوا


                                     

أنا بحبشت عن تاريخ أكلة الهريسة

و طلعت معي أنها سعودية .........؟؟؟!!!!

مو هي نفس الأكلة يلي بالصورة



ما بعرف بس حسيت أنو شكلها

ما بيشهي

===========

اقتباس

ودائما بدراستي بعمل ملخص



بس ما بلحق أدرسوا

أي شو هالطريقة الحلوة يا قيس

     


بس ما في بصراحة بعد أبو هاشم بالملخصات

==========

أنا بصراحة ما بعرف ادرس من ملخصات

حتى مخطط النباتية يلي ساويتو ما درست منو

..........................!!!!!!!!!!!!!!!!!!!!!

بحس حالي بضيع و بيتخربطوا معلوماتي بالملخصات

         

اقتباس

بس قالتلي انها مو شامية و بيطبخوها باللبنان أكتر

لارا (نيمو)  

قال مو شامية قال

اي شامية ابا عن جد


خلي الماما تصلح معلوماتها مع احترامي الشديد

بعدين لو مو شامية ماكانو حطوها بمسلسل عم يحكي عن العادات الشامية 


---------------------------------

ومشان الدراسة انا عندي كتير تعلق بالمكان يعني المكان اللي بدرس في محدد

وعلى طاولة وكرسي

وبايام الباكلوريا وقت كان في حفظ كنت امشي

والقلم لاااازم يكون بايدي والا مابقدر ركز

وطبعا هلأ صايرة عم كافئ حالي بعد  كم معين من الدراسة


ولشدة الملل


بـ 10 دقايق نوم

   

غريبة مو؟؟؟؟

والله كتير عم انعس على قد ماعم مل

     

لك نجم أبو هاشم لقبو  أبو المخططات ولا نسيت

لك  المفارقة بموضوع الملخصات إني بعمل الملخص  بس ما بدرسو


                                ------------------------------------------
                                  -----------------------------------------



ومشان العزيمة هي قصتها

كان ياماكان في سالف العصر والأوان البطل قيس مسافر على بلدوا  وأهلو بالشام

ويومها كنت عايش على المعلبات لأني مابعرف أطبخ شي

وما بسترجي أكل عند حدا لأنو ذوقي بالأكل صعب

يومتها انعزمت عند بيت جدي بعد ألحاح

يوم قعدت وحطوا الكوسا المحشي أمامي كان رح يغط على قلبي

فدريت حجم المصيبة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وبالنسبة إلي أكل السم الهاري أهون من أكل الكوسا

بس ماكان فيني زعل ستي وجدي فأكلت غصبن عني


وتمت ستي تسكبلي بالصحن كوسايا ورى كوسايا

لحتى انفزرت

وبس وصلت على المغسلة حسيت حالي رح استفرغ


بس تمالكت نفسي