بداية شكرا كتير Sweetlife على طرح الموضوع ......

أنا دايما كنت عم افرأ المشاركات واستفدت كتير ......

كمان بحب اشكر طوق الياسمين والله يوفقك بامتحاناتك.....

Sweetlife :
بحب قلك الدكتور عيسى يوم الاثنين الماضي حكى على امتحان العملي وقال "يا نصيب" انت وحظك بتطلعلك وصفة بتكتبها وبتناقش الدكتور فيها ......
وبجلسة العملي قلنا لا تحفظوا إلا رقم المواد الفعالة يعيني نسبتها والأرقام الواضحة متل نسبة المادة الحافظة بالقطرة العينية.......وهيك.......

أما شباب الخامسة فقالولي :
لا تدرس لأنو اللي بيدرس واللي ما بيدرس نفس الشي "هادا بس عند الدكتور عيسى" لأنو كل الطلاب بيتنقلوا وبيصير الفحص شوربة بعدين اللي درس واللي ما درس بياخد علامة .....
وإجمالاً العلامات بالفئات اللي بيعطيها الدكتور عيسى أعلى من الفئات اللي ما بيعطيها......

إن شاء الله تكون أفدت باللي عندي.........

   

السلام عليكم :

مشان المناعة جمانة :
النوطة اللي نزلت بالعملي لا تصدقي مو الدتورة اللي منزلتها طلعوا الطلاب عاملين هالعملة........    

النوطة اللي طالبونا فيها بالعملي أنا عندي ياها بس ضمن فئتنا نحنا أما باقي الفئات ما حدا بيعرف......

ومشان قس النظري .....
في شب من الأوائل بالخامسة قلي انو عندوا ملخص مناعة كتير حلو هو عامله وقلي ادرس منه بعدين اقرأ محاضرات جمانة وبتفهم كل شي .....وقلي كمان كل أسئلة الفحص اجت من اللي درسوه وفهموه وبشهادة أكتر من شخص .......
والأفضل انو ندرس قسم جمانة هلأ وما نتركه للامتحان لأنو ما بيلحق خاصة إذا كنا عم ندور على العلامات.......

   

السلام عليكم :
Sweetlife

أما مشان العقاقير .......
قسم الدكتور سمير ..........
في بآخر المحاضرة الأولى حالات سريرية ......لا تدرسيهم لأنو ما بيجي منهم.........

كمان المحاضرة الثانية في بآخرها جداول لا تدرسيهم.................

بآخر المحاضرة الثالثة في كتير صيغ كيميائية إذا كانوا خرج الواحد يفهمهم ادرسيهم بس على الأغلب ما يجي منهم.............

شغلة تانية محاضرات الدمويات لعماد أبو خميس أنا لقيت انو الدكتور ما عم يصلح المحاضرات لأنو بمحاضرات الأنوار والعائدي في تخبيص كتير واضح ومو مصلح .......بس أنا لقيت انو المحاضرات بالمكتبة التانية مو اللي بشتغل فيها انا،  كتير مناح وأحسن من مكتبتنا........

هادا اللي وصلني لحد هلأ إذا في شي جديد بخبرك.................

   

اقتباس

طلعوا الطلاب عاملين هالعملة

شوووووووووووو؟؟؟
هي النوطة يلي35 صفحة مو مطالبين فيها
   
مكتوب عليها مطلوبة بفحص النظري والعملي
والأغرب من هيك أنو سألوا الدكتورة هي هية النوطة قالتلهم ما بعرف
 

اقتباس

لا تدرس لأنو اللي بيدرس واللي ما بيدرس نفس الشي "هادا بس عند الدكتور عيسى" لأنو كل الطلاب بيتنقلوا وبيصير الفحص شوربة بعدين اللي درس واللي ما درس بياخد علامة .....

إي بس كمان مو معقولة ما ندرس أبداً
عم قول ما رح حطلها غير يوم واحد وبس حأحفظ الوصفات
   

مو يوم واحد بدها يومين للوصفات...................

يعني لا تروحي حالك كمان ما منصدق كل شي بينقال.............

شكراً كتير pharma87
بركي باخد منك نوطة المناعيات والدفتر
إن شاء الله
   

السلام عليكم صبايا وشباب

أول شي بعتذر منكون على هالغيبة الطويلة بس الكمبيوتر عندي كان مفيرس ولهلأ كمان , ووضع النت زفت
وكنت متمنية شاركون الآراء والنصايح , بس ما شاء الله أعضاء المندى الغاليين ما قصروا والله يعطيون العافية
بحب ضيف كم شغلة:
بالنسبة للصيدلة الصناعية العملي لا تخافوا منها كتير متل ما قال فارما هي سحبة لأحد الوصفات يلي ناقشناها _ممكن تكون موجودة أو ما اتناقشت وفيكون تطلبوا تغييرها إذا ما اتناقشت) بتكتبوا فيها المواد الفعالة ونسبه _هون ضروري حفظ النسب الأساسية , مثلا المزلق 15-30% أو الممدد هيك نسبتوه .........) ودور كل مادة وطريقة التحضير , ومعلومات عامة
وبصراحة أكتر آخر شي حسينا العلامات كالعادة لحش , وكانت من 19-25, بس بنصحكون تساووا ملخص لحتى تسهل الدراسة منها

شكرا كتير إلك لون حياتك............

Sweetlife :
مشان النوطة تبع جمانة الـ 35 صفحة طلع بس أول كم صفحة منها شي تسع صفحات المطالبين فيهم بشكل نظامي أما الباقي ما حدا بيعرف مصيرهم ........

هي آخر الأخبار اللي وصلتني.........

   

لون حياتك
شكراً كتير الك عالنصائح ومنيح يلي قلتيلي على وضع العلامات مشان ما عذب حالي كتير
   
pharma87
يعني والله جننونا وبعدين معهم؟؟  
لسا كل واحد عم ينزل على كيفو
شو هاااااااااد
شكراً على كل حال